مەملەكەت زەينەتاقىمەن قامسىزداندىرۋدى جەتىلدىرۋ بويىنشا تۇراقتى نەگىزدە شارالار قابىلداۋدا.

ماسەلەن، 2021 جىلعى 1 قاڭتاردان باستاپ ىنتىماقتى زەينەتاقىنىڭ مولشەرى 7%-عا، بازالىق زەينەتاقىنىڭ مولشەرى 5%-عا ءوستى.

2018 جىلعى 1 شىلدەدەن باستاپ بازالىق زەينەتاقى مولشەرى زەينەتاقى جۇيەسىنە قاتىسۋ وتىلىنە قاراي ەڭ تومەنگى كۇنكورىس دەڭگەيىنىڭ 54%-دان 100%-عا دەيىنگى ەڭبەك وتىلىنە قاراي سارالانىپ بەلگىلەنەدى.

قازىرگى ۋاقىتتا بازالىق زەينەتاقىنىڭ ەڭ تومەنگى مولشەرى 18,5 مىڭ تەڭگەنى، ەڭ جوعارى مولشەرى – 39,3 مىڭ تەڭگەنى، ال 2021 جىلعى 1 قىركۇيەكتەگى جاعداي بويىنشا ورتاشا مولشەرى – 31,1 مىڭ تەڭگەنى قۇرايدى.

2021 جىلعى 1 قىركۇيەكتەگى جاعداي بويىنشا ىنتىماقتى زەينەتاقىنىڭ ورتاشا مولشەرى 68,8 مىڭ تەڭگەنى، ەڭ جوعارى مولشەرى – 100,6 مىڭ تەڭگەنى، ەڭ تومەنگى مولشەرى – 43,3 مىڭ تەڭگەنى قۇرايدى.

سونىمەن قاتار، Nur Otan پارتياسىنىڭ «وزگەرىس جولى: اركىمگە لايىقتى ءومىر!» سايلاۋالدى باعدارلاماسى اياسىندا اعىمداعى جىلى قر ەڭبەك جانە حالىقتى الەۋمەتتىك قورعاۋ مينيسترلىگى (بۇدان ءارى – ەڭبەكمينى) اعا بۋىن ازاماتتارىنىڭ جاعدايىن جاقسارتۋ جونىندەگى 2025 جىلعا دەيىنگى «بەلسەندى ۇزاق ءومىر ءسۇرۋ» ءىس – شارالار جوسپارىن (بۇدان ءارى – جوسپار) بەكىتتى.

جوسپاردىڭ قابىلدانۋى ەگدە جاستاعى ازاماتتارعا قوعام ءومىرىنىڭ ءتۇرلى سالالارىنا قاتىسۋ مۇمكىندىگىن كەڭەيتۋگە، سونداي-اق ولاردى ساپالى مەملەكەتتىك قولداۋ شارالارىمەن قامتاماسىز ەتۋگە مۇمكىندىك بەرەدى. جوسپاردىڭ ىسكە اسىرىلۋىن باقىلاۋدى ەڭبەكمينىنىڭ جوبالىق وفيسى جۇزەگە اسىرادى.

«جوسپارعا سايكەس ەلىمىزدىڭ بارلىق وڭىرلەرىندە بەلسەندى ۇزاق ءومىر ءسۇرۋ ورتالىقتارىن (بۇدان ءارى – ورتالىقتار) اشۋ كوزدەلگەن. مۇنداي ورتالىقتاردىڭ قىزمەتى ەگدە جاستاعى بەلسەندى ازاماتتاردىڭ سانىن كوبەيتۋگە، ولاردىڭ ءومىر ءسۇرۋ ساپاسىن، ءال-اۋقاتىن، دەنساۋلىعىن جانە پسيحوەموتسيونالدىق جاعدايىن جاقسارتۋعا مۇمكىندىك بەرەدى. قازىرگى ۋاقىتتا ەلىمىزدىڭ 10 وڭىرىندە: الماتى قالاسىنىڭ بارلىق اۋداندارىندا (9 ورتالىق), نۇر-سۇلتان جانە شىمكەنت قالالارىندا، سونداي-اق اقمولا، جامبىل، قاراعاندى، قوستاناي، اقتوبە، تۇركىستان، سولتۇستىك قازاقستان وبلىستارىندا21 ورتالىق جۇمىس ىستەيدى»، – دەپ حابارلادى ەڭبەكمينىنىڭ الەۋمەتتىك كومەك ساياساتىن دامىتۋ دەپارتامەنتىنىڭ ديرەكتورى اسقار نيازوۆ.

سونىمەن قاتار، قر تۇڭعىش پرەزيدەنتى – ەلباسىنىڭ تاپسىرماسى بويىنشا «قامقورلىق قورى» كورپوراتيۆتىك قورى ەلىمىزدىڭ ءاربىر وڭىرىندە كوممۋنالدىق مەملەكەتتىك مەكەمە نىسانىندا ورتالىقتار اشۋدى جوسپارلاپ وتىر.

«ورتالىقتاردى جابدىقتارمەن جابدىقتاۋ ءۇشىن «سامۇرىق – قازىنا» ۇاق 510 ملن تەڭگە ء(اربىر ورتالىققا 30 ملن تەڭگە), «قامقورلىق قورى» قورى مامانداردى وقىتۋ ءۇشىن 85 ملن تەڭگە ء(اربىر ورتالىققا 5 ملن تەڭگە) سوماسىندا قاراجات بولەدى»، – دەپ تولىقتىردى اسقار نيازوۆ.

ەگدە جاستاعى قازاقستاندىقتاردى الەۋمەتتىك قولداۋدىڭ تاعى ءبىر ماڭىزدى باعىتى ارناۋلى الەۋمەتتىك قىزمەتتەر (بۇدان ءارى – ااق) كورسەتۋ بولىپ تابىلادى.

بۇگىنگى تاڭدا 45 مىڭنان استام قارت ازامات ااق-مەن قامتىلدى. ولارعا 45 ستاتسيونارلىق ۇلگىدەگى ۇيىمدا (مەديتسينالىق-الەۋمەتتىك مەكەمەلەردە), 43 جارتىلاي ستاتسيوناردا (كۇندىز بولۋ بولىمشەلەرى جانە وڭالتۋ ورتالىقتارى), سونداي-اق 357 ۇيدە الەۋمەتتىك كومەك كورسەتۋ بولىمشەسىندە، مەملەكەتتىك الەۋمەتتىك تاپسىرىس شەڭبەرىندە 136 ۇەۇ-دا جانە ءمجا شەڭبەرىندە 4 جەكە ۇيىمدا قىزمەت كورسەتىلەدى.

«الەۋمەتتىك قىزمەت كورسەتۋ مەكەمەلەرى 8 قىزمەت ءتۇرىن ۇسىنادى: الەۋمەتتىك-ەكونوميكالىق، الەۋمەتتىك-قۇقىقتىق، الەۋمەتتىك-ەڭبەك، الەۋمەتتىك-مادەني، الەۋمەتتىك-پسيحولوگيالىق، الەۋمەتتىك-پەداگوگيكالىق، الەۋمەتتىك-مەديتسينالىق قىزمەتتەر. الەۋمەتتىك قىزمەتكەرلەر اپتاسىنا كەمىندە 2 رەت ۇيدە الەۋمەتتىك كومەك الاتىن قارت ادامدارعا بارادى جانە ولارعا تۋىنداعان الەۋمەتتىك پروبلەمالارىن ەڭسەرۋى ءۇشىن جاعدايلاردى قامتاماسىز ەتۋگە جانە ولارعا باسقا ازاماتتارمەن تەڭ دارەجەدە قوعام ومىرىنە قاتىسۋ مۇمكىندىكتەرىن قۇرۋعا باعىتتالعان قىزمەتتەر كەشەنىن كورسەتەدى»، – دەدى اسقار نيازوۆ.

جالپى، اعىمداعى جىلدىڭ ىشىندە جەرگىلىكتى بيۋدجەتتەردىڭ مۇمكىندىكتەرىن ەسكەرە وتىرىپ جانە بيزنەستىڭ الەۋمەتتىك جاۋاپكەرشىلىگى اياسىندا قارت ادامداردى الەۋمەتتىك قولداۋعا 11,9 ملرد تەڭگەدەن استام قاراجات باعىتتالدى (ونىڭ ىشىندە جەرگىلىكتى بيۋدجەتتەن – 11,5 ملرد تەڭگە، تارتىلعان قاراجات ەسەبىنەن – 0,5 ملرد تەڭگە), ونىڭ ىشىندە:

- ۇلى وتان سوعىسىنداعى جەڭىس كۇنىنە بىرجولعى ماتەريالدىق كومەككە – 6,4 ملرد تەڭگە (شامامەن 115,8 مىڭ ادام);

- ازىق-تۇلىك جيىنتىعىن ۇسىنۋعا - 145,5 ملن تەڭگە (31,6 مىڭ ادام);

- جەڭىلدىكپەن ءدارى-دارمەكپەن قامتاماسىز ەتۋگە - 46,6 ملن تەڭگە (4 مىڭ ادام);

- ءتىس پروتەزدەۋگە - 229 ملن تەڭگە (2,5 مىڭ ادام);

- ساناتورلىق-كۋرورتتىق ەمدەۋدى ۇسىنۋعا – 1 ملرد 247,8 ملن تەڭگە (24,1 مىڭ ادام);

- تۇرعىن ءۇيدى جوندەۋگە – 39,9 ملن تەڭگە (517 ادام);

- وتىنمەن قامتاماسىز ەتۋگە – 286,5 ملن تەڭگە (10,5 مىڭ ادام);;

- جالپى پايدالانىمداعى كولىكتە جەڭىلدىكپەن جول جۇرۋگە – 878,0 ملن. تەڭگە (8 مىڭ ادام);

- كومەكتىڭ باسقا تۇرلەرىنە – 2 ملرد 667,8 ملن تەڭگە (182,5 مىڭ ادام).

1 قازاندا قازاقستاندا قارتتار كۇنىنە ورايلاستىرىلعان ايلىق باستالادى. وبلىستاردىڭ، قالالار مەن اۋدانداردىڭ اكىمدەرى، كاسىپورىندار مەن ۇيىمداردىڭ باسشىلارى اعا بۋىن ازاماتتارىن الەۋمەتتىك قولداۋ جونىندەگى ءىس-شارالاردى، ەڭبەك ۇجىمدارىندا كەزدەسۋلەردى، امبۋلاتوريالىق-ەمحانالىق ۇيىمداردا اشىق ەسىك كۇندەرىن جانە باسقا دا شارالاردى وتكىزەتىن بولادى.

Abai.kz