بۇگىن اقيىق اقىن مۇقاعالي ماقاتاەۆتىڭ 90 جىلدىعىنا وراي مەلەكەتتىك حاتشى قىرىمبەك كوشەرباەۆ ءحانتاڭىرى مۇزبالاعىنىڭ تۋعان جەرى قاراسازدا بولىپ، اۋىل تۇرعىندارىمەن كەزدەستى، سول سياقتى مۋزەيگە اقىننىڭ قوبىزىن تاپسىردى. وسى كۇنى نارىنقولدا الىپ تۇلعانىڭ ەڭسەلى ەسكەرتكىشى اشىلدى. مەرەيتويلىق شارالارعا الماتى وبلىسىنىڭ اكىمى اماندىق باتالوۆ، مادەنيەت جانە سپورت ءمينيسترى اقتوتى رايىمقۇلوۆا، قر جازۋشىلار وداعىنىڭ توراعاسى ۇلىقبەك ەسداۋلەت، اقىننىڭ ۇلى مەن كەلىنى جۇلدىز ماقاتاەۆ پەن باقىتگۇل ايداروۆا، تۇركسوي ۇيىمىنىڭ وكىلدەرى، پارلامەنت دەپۋتاتتارى، ەل زيالىلارى جانە اۋدان جۇرتشىلىعى قاتىستى، - دەپ حابارلايدى الماتى وبلىسى اكىمىنىڭ ءباسپاسوز قىزمەتى.

مەرەكەلىك شارانى «ءحانتاڭىرى» حالىق تەاترى اقىننىڭ ءومىرى مەن شىعارماشىلىعىن نەگىزگە الا وتىرىپ دايىنداعان «كەڭ دۇنيە، ءتوسىڭدى اش، مەن كەلەمىن» اتتى ساحنالانعان كورىنىسىمەن اشتى.
مۇنان سوڭ ەڭسەلى ەسكەرتكىشتىڭ لەنتاسى قيىلىپ، رەسمي اشىلۋ ءراسىمى اتقارىلدى. تۇعىرىنا قوندىرىلعان اقىن مۇسىنىنە گۇل شوقتارى قويىلىپ، قۇرمەت كورسەتىلدى.

مەرەيتويلىق شارانىڭ ءمان-ماڭىزىنا مەملەكەتتىك حاتشى قىرىمبەك كوشەرباەۆ ءوز سوزىندە كەڭىنەن توقتالدى. «مۇقاعالي - جىردىڭ اسىل قازىناسى. ول - وتكەن مەن جاڭانىڭ اراسىن جالعاعان التىن كوپىر. ەلباسى مەن پرەزيدەنتتىڭ باستاماسىمەن اقىننىڭ عاسىرلىق تويىن يۋنەسكو كولەمىندە وتكىزۋگە ۇسىنىستار دايىندالۋدا. بۇگىنگى توي قۇتتى بولسىن. حالقىمىزدىڭ رۋحى مۇقاعالي جىرلارىنداي تازا، حانتاڭىرىندەي اسقاق، كولسايداي كورىكتى بولسىن»، - دەگەن ق.كوشەرباەۆ پرەزيدەنت قاسىم-جومارت توقاەۆتىڭ ارنايى قۇتتىقتاۋىن وقىپ، تابىستادى.

مۇنان سوڭ مادەنيەت جانە سپورت ءمينيسترى اقتوتى رايىمقۇلوۆا، جازۋشىلار وداعىنىڭ توراعاسى، اقىن ۇلىقبەك ەسداۋلەت، تۇركسوي ۇيىمىنىڭ وكىلى اتاگەلدى كۇلتەگىن مۇقاعاليدىڭ – قازاقتىڭ عانا ەمەس، تۇتاس تۇركى الەمىنىڭ، ادامزاتتىڭ اقىنى ەكەنىن تىلگە تيەك ەتىپ، تويدىڭ رۋحاني ماڭىزىن ەرەكشە اتاپ ءوتتى.

وبلىس اكىمى اماندىق باتالوۆ شەكارالىق ايماققا كورسەتىلگەن قولداۋلارعا توقتالدى:
- اقيىق اقىنىمىز مۇقاعاليدىڭ 90 جىلدىق مەرەيتويى ۇلكەن دەڭگەيدە اتالىپ وتىلۋدە. پرەزيدەنت تويعا ءوز قۇتتىقتاۋىن، كوپشىلىككە ىستىق سالەمىن جولدادى. ەلباسىنىڭ قولداۋىمەن 2 اۋداندى ءبولۋ ارقىلى رايىمبەك اۋدانىنىڭ قايتا قۇرىلىپ، بۇگىندە گۇلدەنىپ جاتقانىن ماقتانىشپەن ايتامىز. بۇل – تاۋەلسىزدىكتىڭ جەمىسى. قازىر شەكارالىق اۋماقتاعى اۋىل تۇرعىندارىنىڭ ءومىر ءسۇرۋ جاعدايى جاقسارىپ كەلەدى، قانشاما جاڭا نىساندار بوي كوتەردى، جاڭا ۇيلەر سالىندى. 500-دەن استام وتباسى نارىنقولعا قايتا كوشىپ كەلدى. 2 جارىم مىڭ جاس تۋعان جەرىنە ورالدى. مۇقاعاليداي اقىنى بار قازاق حالقى باقىتتى. اقىننىڭ رۋحى جاس ۇرپاقتى قولداپ ءجۇرسىن. ەلىمىز امان، جۇرتىمىز تىنىش، تاۋەلسىزدىگىمىز تۇعىرلى بولسىن، - دەدى ا.باتالوۆ.

پارلامەنت دەپۋتاتى، اقىن ماقپال مىسا، مۇقاعاليدىڭ ۇلى جۇلدىز ماقاتاەۆ اقىن رۋحىنا ارناپ ءوز ولەڭدەرىن وقىدى. بۇدان ءارى مەرەيتوي ورتالىق الاڭدا اقىننىڭ سوزىنە جازىلعان اندەردىڭ گالا كونتسەرتىمەن جالعاستى.

اتاپ وتسەك، ەسكەرتكىشتى دايىنداۋعا وبلىستىق بيۋدجەتتەن 61,1 ملن. تەڭگە جۇمسالدى. جۇمىستى مەردىگەر ۇيىم «تايقازان» جشس اتقاردى. ەسكەرتكىش قولادان قۇيىلعان، تۇعىرى گرانيتتەن دايىندالعان. جالپى ەسكەرتكىشتىڭ بيىكتىگى – 8,2 م، اۆتورى – ساۋلەتشى ا.رۇستەمبەكوۆ، ءمۇسىنشىسى – ق.كاكىموۆ.
ەسكەرتكىش ورناتىلعان ورتالىق ساياباقتاعى الاڭدى اباتتاندىرۋعا زور ءمان بەرىلگەن. وسى ماقساتقا ءوڭىر بيۋدجەتىنەن 70,1 ملن. تەڭگە قاراستىرىلىپ، اۋماق كوگالداندىرىلدى، سۋارۋ جۇيەسى جۇرگىزىلدى، جارىق شامدارى ورناتىلدى، شاعىن ساۋلەتتىك فورمالار قويىلدى.

سونداي-اق وسى كۇنى نارىنقول اۋىلىندا 50 وتباسى باسپانالى بولدى. جاڭا قونىس يەلەرىنە تۇرعىن ءۇي كىلتتەرى سالتاناتتى جاعدايدا تاپسىرىلدى. نارىنقول اۋىلىندا سالىنا باستاعان 83 ءۇيدىڭ 33-ءى بۇعان دەيىن تاپسىرىلعان بولاتىن. ال بۇگىن جوبانىڭ 3 جانە 4-ءشى كەزەڭدەرى اياقتالىپ، بەرىلىپ وتىر. تۇرعىن ۇيلەردى «گۋنن ستروي سەرۆيس» جشس مەدىگەر ۇيىمى سالعان، ءار ءۇيدىڭ الاڭى 100 ش.م، جەر ۋچاسكەسى – 10 سوتىق. 3 بولمەلى ۇيلەردە سۋىق سۋ، ىستىق سۋ جۇيەسى تارتىلعان، قولايلى ءومىر سۇرۋگە قاجەتتى جاعدايلار جاسالعان. جوبانىڭ جالپى قۇنى – 1,1, ملرد. تەڭگە.

رەسمي قوناقتار وسى كۇنى نارىنقولدا جاڭادان تۇرعىزىلىپ، پايدالانۋعا بەرىلگەن سپورتتىق-ساۋىقتىرۋ كەشىندە دە بولىپ، ونىڭ ماتەريالدىق-تەحنيكالىق جاعدايىمەن تانىستى، جاس سپورشىلارمەن تىلدەسىپ، بالالارعا ويىن دوپتارىن سىيعا تارتتى.

Abai.kz