مەملەكەت باسشىسى نۇرسۇلتان نازارباەۆ شىعىس قازاقستان وبلىسىنا جۇمىس ساپارى اياسىندا وڭىردەگى بىرقاتار يندۋستريالىق جانە الەۋمەتتىك نىسانداردا بولدى.

قازاقستان پرەزيدەنتى شىعىس قازاقستان وبلىسىنا جۇمىس ساپارىن  ۇدەمەلى يندۋستريالىق-يننوۆاتسيالىق دامۋ جونىندەگى مەملەكەتتىك باعدارلامانى ىسكە اسىرۋ اياسىندا «وسكەمەن ارماتۋرا زاۋىتى» اكتسيونەرلىك قوعامىنىڭ جاڭعىرتۋ جانە وندىرىستىك قۋاتىن كەڭەيتۋ بارىسىنداعى جۇمىسىمەن تانىسۋدان باستادى، دەپ حابارلادى قر پرەزيدەنتىنىڭ ءباسپاسوز قىزمەتى.

بۇگىندە كاسىپورىندا قۇبىر ارماتۋراسى، مۇناي كاسىپورنى جابدىقتارى جانە وتىن-ەنەرگەتيكالىق كەشەنى ءۇشىن وزگە ماتەريالدار ءوندىرىسى جولعا قويىلعان.

ودان كەيىن مەملەكەت باسشىسى «جۇمىسپەن قامتۋ-2020» باعدارلاماسى بويىنشا جوبالاردى ىسكە اسىرۋعا ارنالعان كورمەنى ارالاپ شىقتى. سودان سوڭ نۇرسۇلتان نازارباەۆ ءوڭىردىڭ اگروونەركاسىپ كەشەنى مەن تىرەك اۋىلىن دامىتۋ ماسەلەسى بويىنشا شەمونايحا اۋدانىمەن تىكەلەي تەلەكوپىر وتكىزدى. «كامىشينسكوە» شارۋا قوجالىعىنىڭ باسشىسى ۆلاديمير اكۋلوۆ پرەزيدەنتكە ءوز كاسىپورنىنىڭ  تابىسى تۋرالى بايانداپ بەردى. كامىشينكا تىرەك اۋىلى بولىپ تابىلادى، وسى رەتتە ەكى اۋىلدىڭ تۇرعىندارىنىڭ 70 پايىزى «كامىشينسكوە» شارۋا قوجالىعىندا ەڭبەك ەتەدى.

نۇرسۇلتان نازارباەۆ مەملەكەت اۋىل شارۋاشىلىعىن دامىتۋ ءۇشىن كوپ قاراجات ءبولىنىپ وتىرعانىن اتاپ ءوتتى.

مەملەكەت باسشىسى نۇرسۇلتان نازارباەۆ شىعىس قازاقستان وبلىسىنا جۇمىس ساپارى اياسىندا وڭىردەگى بىرقاتار يندۋستريالىق جانە الەۋمەتتىك نىسانداردا بولدى.

قازاقستان پرەزيدەنتى شىعىس قازاقستان وبلىسىنا جۇمىس ساپارىن  ۇدەمەلى يندۋستريالىق-يننوۆاتسيالىق دامۋ جونىندەگى مەملەكەتتىك باعدارلامانى ىسكە اسىرۋ اياسىندا «وسكەمەن ارماتۋرا زاۋىتى» اكتسيونەرلىك قوعامىنىڭ جاڭعىرتۋ جانە وندىرىستىك قۋاتىن كەڭەيتۋ بارىسىنداعى جۇمىسىمەن تانىسۋدان باستادى، دەپ حابارلادى قر پرەزيدەنتىنىڭ ءباسپاسوز قىزمەتى.

بۇگىندە كاسىپورىندا قۇبىر ارماتۋراسى، مۇناي كاسىپورنى جابدىقتارى جانە وتىن-ەنەرگەتيكالىق كەشەنى ءۇشىن وزگە ماتەريالدار ءوندىرىسى جولعا قويىلعان.

ودان كەيىن مەملەكەت باسشىسى «جۇمىسپەن قامتۋ-2020» باعدارلاماسى بويىنشا جوبالاردى ىسكە اسىرۋعا ارنالعان كورمەنى ارالاپ شىقتى. سودان سوڭ نۇرسۇلتان نازارباەۆ ءوڭىردىڭ اگروونەركاسىپ كەشەنى مەن تىرەك اۋىلىن دامىتۋ ماسەلەسى بويىنشا شەمونايحا اۋدانىمەن تىكەلەي تەلەكوپىر وتكىزدى. «كامىشينسكوە» شارۋا قوجالىعىنىڭ باسشىسى ۆلاديمير اكۋلوۆ پرەزيدەنتكە ءوز كاسىپورنىنىڭ  تابىسى تۋرالى بايانداپ بەردى. كامىشينكا تىرەك اۋىلى بولىپ تابىلادى، وسى رەتتە ەكى اۋىلدىڭ تۇرعىندارىنىڭ 70 پايىزى «كامىشينسكوە» شارۋا قوجالىعىندا ەڭبەك ەتەدى.

نۇرسۇلتان نازارباەۆ مەملەكەت اۋىل شارۋاشىلىعىن دامىتۋ ءۇشىن كوپ قاراجات ءبولىنىپ وتىرعانىن اتاپ ءوتتى.

- مەملەكەت مال شارۋاشىلىعى سالاسىنا كوپتەپ سۋبسيديا بولۋدە. ول قارجى ءسۇت، ەت ونىمدەرى سياقتى ءوندىرىستى ۇلعايتۋعا ءبولىنىپ وتىر. اۋىلدا ونەركاسىپ ءوندىرىسى قارقىن العانىن، جاڭا جۇمىس ورىندارى اشىلىپ جاتقانىن ءبارىمىز كورىپ وتىرمىز. وسى ورايدا، تۇرعىن ءۇي سالۋ، الەۋمەتتىك ماسەلەلەرگە ەرەكشە كوڭىل ءبولۋ ماڭىزدى. مۇنداي جوبالار قازاقستان بويىنشا جۇزەگە اسىرىلۋدا، - دەپ اتاپ ءوتتى قازاقستان پرەزيدەنتى.

ءوز كەزەگىندە ۆ.اكۋلوۆ مەملەكەت باسشىسىنا اگروونەركاسىپ كەشەنىنە بەلسەندى مەملەكەتتىك قولداۋ كورسەتىپ وتىرعانى ءۇشىن راحمەت ايتتى.

- 2011 جىلدىڭ قورىتىندىسى بويىنشا ءبىزدىڭ شارۋاشىلىق 350 ميلليون تەڭگە كولەمىندە سۋبسيديا الدى. سوڭعى ءۇش جىل ىشىندە ءبىز 900 ميلليون تەڭگەگە اۋىل شارۋاشىلىعى ماشينالارى پاركىن جانە جابدىقتاردى جاڭالادىق. جالپى سوماسى 230 ميلليون تەڭگە بولاتىن شەتەلدىك فيرمانىڭ سۇتوتكىزگىشىن ساتىپ الىپ، ىسكە قوستىق. ءسىزدىڭ جولداۋىڭىزدى ورىنداۋ اياسىندا تىرەك اۋىلى اتاندىق.  كامىشينكا اۋىلىن دامىتۋعا بارلىق قارجى كوزدەرى ەسەبىنەن 53 جۇمىس ورنىن اشۋمەن بىرگە، 137 ميلليون تەڭگە جۇمساۋ جوسپارلانۋدا. شارۋاشىلىقتاعى جۇمىسكەرلەرگە 3-5 ميلليون تەڭگەدەن پايىزسىز نەسيەلەر بەرىلەدى. جۇمىسپەن قامتىلعانداردىڭ باسىم كوپشىلىگىنىڭ ەڭبەكاقىلارى جاقسى. مىسالى، ساۋىنشىلاردىڭ جالاقىسى ايىنا 120 مىڭ تەڭگەگە، مەحانيزاتورلاردىكى 200 مىڭ تەڭگەگە دەيىن جەتەدى، - دەدى ۆ.اكۋلوۆ.

بۇدان كەيىن نۇرسۇلتان نازارباەۆ جاساندى مۇز توسەمى بار جابىق حوككەي مودۋلىندە بولدى. سپورتتىق كەشەن «قازاقمىس» كورپوراتسياسى جشس-ءنىڭ قارجىلىق قولداۋىمەن سالىنعان. بۇل نىسان سينتەتيكالىق مۇز توسەمى بار بىرەگەي سپورتتىق الاڭ بولىپ سانالادى. وندا شايبالى حوككەيمەن، كونكيمەن جانە سپورتتىڭ وزگە تۇرلەرىمەن جىل بويى شۇعىلدانۋعا بولادى.

مەملەكەت باسشىسى شىعىس قازاقستان وبلىسىنا جۇمىس ساپارىنىڭ سوڭىندا «كەمونت» اق-دا بولىپ، زاماناۋي تەحنولوگيالىق جانە باعدارلامالىق قامتاماسىز ەتۋدى پايدالانىپ، ەلەكتروتەحنيكالىق جابدىقتاردى جوبالاۋ جانە دايىنداۋ جۇمىستارىن جۇرگىزۋ قىزمەتىمەن تانىستى.

كاسىپورىننىڭ دايىنداۋ، سىرلاۋ جانە جيناۋ تسەحى، تەحنولوگيالىق جەلى، زاماناۋي ستانوك ءتارىزدى بىرقاتار وندىرىستىك بازاسى بار.

«كەمونت» اق دايىندايتىن ەلەكتروتەحنيكالىق جابدىقتار ءتۇرلى ونەركاسىپ سالالارىندا: مەتاللۋرگيالىق، اتوم، حيميالىق، تاۋ-كەن بايىتۋ، مۇنايگاز، سونداي-اق اۋىل شارۋاشىلىعىندا، ەنەرگوجۇيە نىساندارىندا جانە تۇرعىن ءۇي قۇرىلىسىندا قولدانىلادى.

سالىنعان ينۆەستيتسيانىڭ جالپى كولەمى 377 ميلليون تەڭگەنى قۇرايدى. كاسىپورىندا 500-دەن استام ادام ەڭبەك ەتەدى.

قازاقستان پرەزيدەنتى ەلىمىزدىڭ ەكونوميكاسى ءۇشىن مۇنداي كاسىپورىنىڭ ماڭىزدى ەكەنىن ەرەكشە اتاپ ءوتتى.

- ءبىز ەكسپورتقا باسەكەگە قابىلەتتى ونىمدەر شىعارۋمەن اينالىساتىن وسىنداي كاسىپورىنداردى كوپتەپ اشۋعا ءتيىسپىز. بۇل زاۋىتتىڭ جۇمىس ىستەپ تۇرۋى شىعىس قازاقستان وبلىسىنىڭ يندۋستيالىق-يننوۆاتسيالىق دامۋىن بىلدىرەدى. مۇندا ءتۇستى مەتاللۋرگيا ونىمدەرى شىعارىلادى، ۋران كەنى وندىرىلەدى، ماشينا جاساۋ ءوندىرىسى دامىعان. وسى رەتتە الەۋمەتتىك دامۋ ماسەلەسى ەسكەرىلەدى. بۇگىن مەن مۇز ايدىنىن كورىپ شىقتىم، وندا بالالار جىل بويى سپورتپەن شۇعىلدانا الادى. وبلىستا بالالار مەكەمەلەرىنىڭ قامتىلۋى جوعارى دەڭگەيدە ەكەنىن اتاپ ءوتۋىمىز قاجەت. قالا شارۋاشىلىعى دامىپ كەلەدى، اۋلالار مەن كوشەلەر تازا. جالپى العاندا، ءوڭىر سەرپىندى دامۋدا، - دەدى نۇرسۇلتان نازارباەۆ.

مەملەكەت باسشىسى ساپاردىڭ قورىتىندىسىندا وبلىس تۇرعىندارىنا تابىس جانە مىقتى دەنساۋلىق تىلەدى.

"اباي-اقپارات"