Yedilov Online تەلەگرام ارناسى جاقىندا «قازاقستانداعى №2 ادام كىم؟» دەگەن ساۋالناما جۇرگىزىپتى. 2021 جىلدىڭ ءۇشىنشى توقسانىن قامتىعان ساۋالناماعا قازاقستانداعى 10 ىقپالدى ادام تاڭدالىپ الىنعان.

بارلىعى 12 708 ادام قاتىسىپ، ونىڭ ەڭ كوپ بولىگى ۇلتتىق قاۋىپسىزدىك كوميتەتى توراعاسى كارىم ءماسىموۆتى «قازاقستانداعى №2 ادام» دەپ تاڭداعان. وعان رەسپوندەنتتەردىڭ 31% داۋىس بەرگەن. ەكىنشى قاتاردا 22% داۋىسپەن «اتامەكەن» ۇلتتىق كاسىپكەرلەر پالاتاسىنىڭ تورالقا توراعاسى تيمۋر قۇلىباەۆ تۇرسا، ءۇشىنشى ورىنعا 10% داۋىسپەن قر پارلامەنت ءماجىلىسىنىڭ توراعاسى نۇرلان نىعماتۋلين جايعاسىپتى.

ءبىرىنشى پرەزيدەنتتىڭ كومەكشىسى اباي بيسەمباەۆ 8% داۋىسپەن كەزەكتى جالعاستىردى. وندىققا كىرگەن «Alatau Capital Invest»-ءتىڭ سەرىكتەس باسشىسى قايرات ساتىبالدىۇلى 7% ، قر پرەمەر ءمينيسترى اسقار مامين مەن قر پرەزيدەنتى اكىمشىلىگىنىڭ باسشىسى ەرلان قوشانوۆ 6% ، قر پارلامەنتى سەناتىنىڭ توراعاسى ماۋلەن اشىمباەۆ 4% ، «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك پەن پرەزيدەنتتىڭ كومەكشىسى – قاۋىپسىزدىك كەڭەسىنىڭ حاتشىسى اسەت يسەكەشەۆ 3% داۋىس جيناعان.

Abai.kz