ۇلتتىق جوبالار تىزبەسى

1. «دەنى ساۋ ۇلت» ءاربىر ازامات ءۇشىن ساپالى جانە قولجەتىمدى دەنساۋلىق ساقتاۋ» ۇلتتىق جوباسى.
2. «ءبىلىمدى ۇلت» ساپالى ءبىلىم بەرۋ» ۇلتتىق جوباسى.
3. «ۇلتتىق رۋحاني جاڭعىرۋ» ۇلتتىق جوباسى.
4. «تسيفرلاندىرۋ، عىلىم جانە يننوۆاتسيالار ەسەبىنەن تەحنولوگيالىق سەرپىلىس» ۇلتتىق جوباسى.
5. كاسىپكەرلىكتى دامىتۋ جونىندەگى ۇلتتىق جوبا.
6. «قۋاتتى وڭىرلەر – ەل دامۋىنىڭ درايۆەرى» ۇلتتىق جوباسى.
7. «قازاقستاندىقتاردىڭ ءال-اۋقاتىن ارتتىرۋعا باعىتتالعان ورنىقتى ەكونوميكالىق ءوسۋ» ۇلتتىق جوباسى.
8. «جاسىل قازاقستان» ۇلتتىق جوباسى.
9. اگروونەركاسىپتىك كەشەندى دامىتۋ جونىندەگى ۇلتتىق جوبا.
10. «قاۋىپسىز ەل» ۇلتتىق جوباسى.
مەملەكەت باسشىسى قاسىم-جومارت توقاەۆتىڭ ۇلتتىق جوبالار ءتىزىمىن قاراي وتىرىپ، ءبىر وي كەلدى.

“دەنى ساۋ ۇلت” دەگەنىمىز قارنى توق ۇلت. ال ادامداردىڭ قارنى جاقسى جالاقى مەن تۇراقتى جۇمىس بولعاندا عانا بولاتىن قۇبىلىس. البەتتە ساپالى مەديتسينا قۇرىلعىلارى مەن زاماناۋي ءدارى-دارمەكتەردى جوققا شىعارمايمىن.

ء“بىلىمدى ۇلت” دەگەنىمىز بارلىعى جاپپاي جوعارى وقۋ ورنىنا ءتۇسىپ، 4-5 جىلدان كەيىن ديپلومى ساندىق تۇبىندە شاڭ باسىپ جاتۋ ەمەس. ءبىلىمدى دەگەن ءار سالانى قامتۋ. شاشتاراز بەن ناۋبايشىدان باستاپ، عارىشتى يگەرۋ مامانىنا دەيىن دايىنداۋ. ال ول ءۇشىن تۇراقتىلىق پەن جاقسى ماتەريالدىق بازا كەرەك.

“ۇلتتىق رۋحاني جاڭعىرۋ” دەگەنىمىزدى ءوز باسىم پاتريتيزممەن تىعىز بايلانىستىرامىن. ادامدا وتانعا دەگەن، مەملەكەتىنە دەگەن سەزىم قاشان پايدا بولادى؟ مەملەكەتتىڭ باعىپ-باپتاعانىن كورگەندە پايدا بولادى. “مەن مەملەكەتكە كەرەكپىن” دەگەن سەزىم جۇرەكتە پايدا بولعاندا، ادام رۋحاني جاڭعىرادى.

“تسيفرلاندىرۋ، عىلىم، يننوۆاتسيا” دەگەنىمىز دۇنيەجۇزىلىك باسەكەلەستىككە توتەپ بەرۋ دەپ ءتۇسىندىم. ەگەر قازاقستان 4G ينتەرنەتامي وتىرعاندا، كورشىلەرىمىز 6G قۇرىلعىلارىمەن دامىپ جاتسا، ارتتا قالعاننىڭ كوكەسى سوندا بولادى. ياعني، پرەزيدەنتىمىزدىڭ ۋايىمى - قازاق عىلىمى تەحنولوگيالىق پروگرەسسپەن بىرگە وسسە دەگەن تىلەك.

“كاسىپكەرلىكتى دامىتۋ” دەگەنىمىزدە، ءوز باسىم كەرەگى جوق تەكسەرۋلەردى ازايتۋ كەرەك دەپ ويلايمىن. كىشى جانە ورتا بيزنەستى سالىق كوميتەتىنەن باستاپ، ءورت ءسوندىرۋ، پوليتسيا، سانيتار-گيگيەنالىق ۇيىمدار زار قاقاساتاتىنى بارىنە بەلگىلى. سول جاعىن ازايتسا، اشىق باسەكەنى جاساسا، بيزنەس وزىنەن-ءوزى داميدى.

“قۋاتتى وڭىرلەر” دەگەنىمىز دونور ەمەس وڭىرلەر. ياعني باتىسىمىز بەن شىعىسىمىز. قالعان ءوڭىر بىزدە بيۋدجەتكە قاراپ وتىر. ايماقتاردىڭ ەكونوميكالىق جاعدايىن تەڭەستىرۋ - قيىن جوبا، بىراق “كوز قورقاق قول باتىر” دەگەندەي، كورسەتكىشتەرى تومەن ايماقتارعا ادام رەسۋرسىن كوبەيتسە، ناتيدە بولارىنا سەنەمىن.

“قازاقستاندىقتاردىڭ ءال-اۋقاتىن ارتتىرۋ” دەگەنىمىز 3 نارسەگە تىرەلىپ تۇرعان زات. ول ءۇشىن كەرەمەتتەي اقىلدى بولىپ، وكسفورد/كەمبريدج ءبىتىرۋدىڭ قاجەتى جوق. باسپانا، جۇمىس، جوعارى جالاقى. بولدى. وسى 3 نارسەنى ءار وبلىس اكىمى جاساسا، ءبىز رۋحاني جاڭعىرامىز، داميمىز، بيلەيمىز، كۇلەمىز، ماحاببات سەزىمىنە باتامىز!

”جاسىل قازاقستان” دەگەن جوبانىڭ دامۋى ءۇشىن، اعاشتاردى شاپقان ادامداردى 15 جىلعا سوتتاۋ كەرەك. ونسىز دا اعاشى جوق ەلدە تۇرامىز. جەرىمىزدىڭ 70% ادام ءومىرى ءۇشىن قولايسىز جەرلەر. سۋى جوق، سۋى بولسا جولى جوق، جولى بولسا مەكتەبى جوق جەرلەردە حالىق تۇرىپ جاتىر. “جاسىل قازاقستان” مىڭداعان ادامعا جۇمىس بەرەتىن، مىڭداعان گەكتار جەردى گۇلدەندىرەتىن جوبا. اقتاۋ مەن قىزىلوردا اراسىندا ادام بويىنان اساتىن اعاش جوق. بالقاشتىڭ جاعاسىندا وتىرىپ شاڭ جۇتىپ وتىرعان حالىق قانشاما. ايتا بەرسەى ءسوز كوپ.

”اگروونەركاسىپ” دەگەنىمىز قازاقستان رەسپۋبليكاسىنىڭ ەكىنشى جۇرەگى. ءبىرىنشى جۇرەگى مۇناي بولسا، ەكىنشى جۇرەگى اۋىلشارۋاشىلىعى. كيىم كيمەسەك تە، بەنتلي مىنبەسەك تە، داستارحانىمىزدا استىق بولاتىن مۇمكىندىگىمىز بار. مىنانداي دالادا مال وسىرمەسەك، بيداي ەكپەسەك، كورشىلەرىمىز ءۇشىن استىق تاسىمالداۋشىسى بولماساق - تاريح الدىندا ۇيات. قازاقستاننىڭ ارگەنتينا مەن برازيليادان ەت الۋىن قورلىق دەپ سانايمىن.

“قاۋىپسىز ەل” - قاتاڭ زاڭ مەن ۆيدەوباقىلاۋدىڭ كوبەيۋىنە بايلانىستى. ادام ۇرلاۋ، زورلاۋ، پەدوفيلدەر، ماسكۇنەم قىلمىسكەرلەر، ۇرىلار سياقتى قىلمىسكەرلەرگە جازانى قاتاڭداتۋ كەرەك. سونىمەن قاتار ءار ءۇيدىڭ، ءار اۋلانىڭ، كوشەنىڭ ءار بۇرىشىندا ۆيدەوباقىلاۋ بولۋ ءتيىس. بىردە-ءبىر كورىنبەيتىن شارشى سانتيمەتر بولماۋ ءتيىس.

ءوز باسىم قاسىم-جومارت توقاەۆتىڭ جوبالارىن وسىلاي ءتۇسىندىم. دۇرىس وي، اقىلعا جەڭگىزگەن جوبالار. ىسكە اسسا ەلگە پايدالى. يگىلىگىن قوعام كورەدى. پرەزيدەنتىمىزگە وسى يدەيالاردى ىسكە اسىرۋعا كۇش-جىگەر تىلەيمىن!

Cامات نۇرتازا

Abai.kz