جالپى قۇرىلىسى مەن ىشكى تەحنيكالىق جابدىقتالۋى تولىق اياتاقتالماي جاتىپ، پرەزيدەنتتى تاعى «كەرەمەتتىڭ» كۋاسى ەتۋگە اسىققان استانالىق شەنەۋنىكتەر ادەتتەگىدەي «بۇرىن سوڭدى كوز كورىپ، قۇلاق ەستىمەگەن، قازاقستاندا، قالا بەردى بۇكىل الەمدە تۇڭعىش رەت اشىلعان» مەديا ورتالىقتى ارالاتقانى كەشە عانا ەدى. مىنە، ەندى سول «كەرەمەتتىڭ» توبەسىنەن سارىلداپ سۋ اعىپ، ەدەنى كولكىلدەپ جاتىر.

كەيىنگى جىلدارى استانانىڭ جانىمىز قالماي، ىشەگىمىز ۇزىلەردەي بولىپ ايداي الەمگە ايقايلاپ جۇرگەن «كەرەمەت» قۇرىلىستارىنان «ءورت شىعىپتى، جەدەلساتىسى ىستەن شىعىپ، وپىرىلىپ ورتاسىندا ءتۇسىپتى، قيسايىپ قالىپتى» دەگەندى ءجيى ەستىپ، كورەتىن بولدىق. بۇل -شەتەلدىك كومپانيالار سالىق تولەۋشىلەردىڭ اقشاسىنا شەنەۋنىكتەرمەن بولىسە وتىرىپ سالاتىن، ال، ەشبىر جۇمىس، قۇرىلىس قاۋىپسىزدىگى ساقتالمايتىن قاۋىپتى قارا جۇمىسىن قازاقستاننىڭ ءار تۇكپىرىنەن باراتىن قازاقتىڭ جىگىتتەرى مەن قىزدارى ىستەيتىن استانا سالىنعان، سالىنىپ جاتقان قۇرىلىستاردىڭ ساپاسىنان سىر بەرسە كەرەك.

ەڭ قىزىعى، استانا - استانا بولعان سوڭ با، توبەسىنەن شەلەكتەپ سۋ اعىپ جاتسا دا بەرىلگەنىنە بەس اي دا بولماعان جاڭا عيماراتتاردىڭ شۇرق-تەسىگىنە، ساپاسىنا ەشبىر ادام جاۋاپ بەرگەنىن ەستىسەك، كەرەڭ بولىپ قالايىق.

جالپى قۇرىلىسى مەن ىشكى تەحنيكالىق جابدىقتالۋى تولىق اياتاقتالماي جاتىپ، پرەزيدەنتتى تاعى «كەرەمەتتىڭ» كۋاسى ەتۋگە اسىققان استانالىق شەنەۋنىكتەر ادەتتەگىدەي «بۇرىن سوڭدى كوز كورىپ، قۇلاق ەستىمەگەن، قازاقستاندا، قالا بەردى بۇكىل الەمدە تۇڭعىش رەت اشىلعان» مەديا ورتالىقتى ارالاتقانى كەشە عانا ەدى. مىنە، ەندى سول «كەرەمەتتىڭ» توبەسىنەن سارىلداپ سۋ اعىپ، ەدەنى كولكىلدەپ جاتىر.

كەيىنگى جىلدارى استانانىڭ جانىمىز قالماي، ىشەگىمىز ۇزىلەردەي بولىپ ايداي الەمگە ايقايلاپ جۇرگەن «كەرەمەت» قۇرىلىستارىنان «ءورت شىعىپتى، جەدەلساتىسى ىستەن شىعىپ، وپىرىلىپ ورتاسىندا ءتۇسىپتى، قيسايىپ قالىپتى» دەگەندى ءجيى ەستىپ، كورەتىن بولدىق. بۇل -شەتەلدىك كومپانيالار سالىق تولەۋشىلەردىڭ اقشاسىنا شەنەۋنىكتەرمەن بولىسە وتىرىپ سالاتىن، ال، ەشبىر جۇمىس، قۇرىلىس قاۋىپسىزدىگى ساقتالمايتىن قاۋىپتى قارا جۇمىسىن قازاقستاننىڭ ءار تۇكپىرىنەن باراتىن قازاقتىڭ جىگىتتەرى مەن قىزدارى ىستەيتىن استانا سالىنعان، سالىنىپ جاتقان قۇرىلىستاردىڭ ساپاسىنان سىر بەرسە كەرەك.

ەڭ قىزىعى، استانا - استانا بولعان سوڭ با، توبەسىنەن شەلەكتەپ سۋ اعىپ جاتسا دا بەرىلگەنىنە بەس اي دا بولماعان جاڭا عيماراتتاردىڭ شۇرق-تەسىگىنە، ساپاسىنا ەشبىر ادام جاۋاپ بەرگەنىن ەستىسەك، كەرەڭ بولىپ قالايىق.

دەسە دە، استانالىقتار قايعىرماي-اق قويسىن، «كەرەمەتتەر دە» قاراپايىم جۇرت ەمەس، «نۇر وتاننىڭ» سارى لەنتاسىمەن كوزىن بايلاپ، اينالاعا كۇلىمدەپ قارايتىن جاندار عانا تۇرادى عوي. امبەسى، استانا كۇنى ورىستىڭ ءانشىسى مەن ءارتىسىن قازداي ءتىزىپ، شاشقان جەمگە اتا قازداي ەرتىپ كەلەتىن كرۋتويدىڭ «كەرەمەتتەرىن» كورگەن دە توبەسىن تەسىك قۇرىلىستى تەز ۇمىتاسىز. تەك ول كۇنى جاڭبىر جاۋماسا دەپ تىلەڭىز...