ءماجىلىس توراعاسى نۇرلان نىعماتۋلين قازاقستانعا رەسمي ساپارمەن كەلگەن ساۋد ارابياسى كورولدىگى كونسۋلتاتيۆتىك كەڭەسىنىڭ توراعاسى ابداللا بەن مۇحامماد بەن يبراحيم ءال اش-شەيحپەن كەزدەستى.

كەزدەسۋ بارىسىندا نۇرلان نىعماتۋلين ساۋد ارابياسى قازاقستاننىڭ تاياۋ شىعىستاعى جانە مۇسىلمان ەلدەرىندەگى ەڭ ماڭىزدى سەرىكتەستەرىنىڭ ءبىرى ەكەنىن ايتتى.

ءماجىلىس توراعاسى قازاقستاننىڭ تۇڭعىش پرەزيدەنتى - ەلباسى نۇرسۇلتان نازارباەۆ ارقاشاندا ساۋد ارابياسىمەن قارىم-قاتىناستى دامىتۋعا ەرەكشە كوڭىل بولەتىنىن، بۇگىندە بۇل باعىتتى قازاقستاننىڭ پرەزيدەنتى قاسىم-جومارت توقاەۆ جالعاستىرىپ كەلە جاتقانىن اتاپ ءوتتى.
سونىمەن قاتار، پالاتا سپيكەرى ساۋد ارابياسى قازاقستاننىڭ ساۋدا-ەكونوميكالىق جانە ينۆەستيتسيالىق سالالارداعى ماڭىزدى ارىپتەستەرىنىڭ ءبىرى ەكەنىن، ەكى ەل باسشىلارىنىڭ بىرلەسكەن جۇمىستارى نۇر-سۇلتان جانە ەر-رياد قالالارى اراسىنداعى ىنتىماقتاستىقتى ودان ءارى دامىتۋعا وڭ سەرپىن بەرەتىنىنە ءمان بەردى.

كەزدەسۋ بارىسىندا نۇرلان نىعماتۋلين بەيىندى پارلامەنتتىك كوميتەتتەر ارقىلى ءوزارا ساپارلار الماسۋ تاجىريبەسىن ودان ءارى بەلسەندى جالعاستىرا وتىرىپ، پارلامەنتارالىق ۇيىمدار شەڭبەرىندە جۇمىستى ءارى قاراي ءتيىمدى ىنتالاندىرۋ كەرەكتىگىنە توقتالدى.

ءوز كەزەگىندە، مارتەبەلى مەيمان ەكى ەل اراسىنداعى ساياسي-ەكونوميكالىق بايلانىستىڭ ەرەكشە دامىپ كەلە جاتقانىن، وسى قالىپتاسقان قارىم-قاتىناستى ودان ءارى نىعايتۋ قاجەتتىلىگىن اتاپ ءوتتى.

نۇرلان نىعماتۋلين مەن ءال اش-شەيح قازاقستان مەن ساۋد ارابياسى قاتىناستارىن جان-جاقتى نىعايتۋ جانە ارتتىرۋ پارلامەنتارالىق ىنتىماقتاستىقتى ودان ءارى دامىتۋعا زور سەرپىن بەرەتىنىنە سەنىم ءبىلدىردى.

Abai.kz