ەندى بىرەر كۇننەن كەيىن قازاقستان حالقى ءتورت جىلدان بەرى رەسپۋبليكا كولەمىندەگى رەسمي ايشىقتى مەرەكەلەر قاتارىنا ەنگەن  ەلوردا كۇنىن تويلايدى. ءدال وسى كۇنى، ياعني شىلدەنىڭ 6-ىندا ۇلت كوشباسشىسى، پرەزيدەنت نۇرسۇلتان ءابىشۇلى نازارباەۆتىڭ دۇنيەگە كەلگەن كۇنى دە اتالىپ وتەدى. تاۋەلسىزدىك تاريحىنىڭ العاشقى كەزەڭدەرى ەسىمىزدە شىعار، 1994 جىلى جوعارىعى كەڭەس 6 شىلدەدە مەملەكەتىمىزدىڭ استاناسىن الماتىدان اقمولا قالاسىنا كوشىرۋ تۋرالى كەلىسىمگە بايلام جاساپ، شەشىم قابىلداعان ەدى. 1997 جىلى پرەزيدەنت جوعارعى كەڭەستىڭ شەشىمىن ماقۇلدادى. ال، 1998 جىلى اقمولا اتى استانا بولىپ وزگەردى.

ەندى بىرەر كۇننەن كەيىن قازاقستان حالقى ءتورت جىلدان بەرى رەسپۋبليكا كولەمىندەگى رەسمي ايشىقتى مەرەكەلەر قاتارىنا ەنگەن  ەلوردا كۇنىن تويلايدى. ءدال وسى كۇنى، ياعني شىلدەنىڭ 6-ىندا ۇلت كوشباسشىسى، پرەزيدەنت نۇرسۇلتان ءابىشۇلى نازارباەۆتىڭ دۇنيەگە كەلگەن كۇنى دە اتالىپ وتەدى. تاۋەلسىزدىك تاريحىنىڭ العاشقى كەزەڭدەرى ەسىمىزدە شىعار، 1994 جىلى جوعارىعى كەڭەس 6 شىلدەدە مەملەكەتىمىزدىڭ استاناسىن الماتىدان اقمولا قالاسىنا كوشىرۋ تۋرالى كەلىسىمگە بايلام جاساپ، شەشىم قابىلداعان ەدى. 1997 جىلى پرەزيدەنت جوعارعى كەڭەستىڭ شەشىمىن ماقۇلدادى. ال، 1998 جىلى اقمولا اتى استانا بولىپ وزگەردى.

2010 جىلدان بەرى استانا كۇنىنە وراي وبلىس اكىمدەرى تارتۋ جاساپ، جاڭا جۇمىس ورىندارى مەن وزگە دە اتقارىلعان يگىلىكتى ىستەردى تىكەلەي تەلەكوپىر ارقىلى جۇرتقا جاريا ەتەدى. تۋراسىن ايتقاندا، استاناعا 6 شىلدە كۇنى سىي-سىياپات جاساۋ داستۇرگە اينالىپ كەلدى. سول ءداستۇر بيىل ينتەرنەتتىڭ يگىلىگىن كورىپ وتىرعان جۇرتتىڭ تاراپىنان اقجارما تىلەك، قۇتتىقتاۋ تۇرىندە كورىنىس تاۋىپ جاتىر. مىسالى، Total.kz  پورتالىنىڭ بەتىنەن ءسوز العان ءماجىلىس دەپۋتاتى ۆلاديسلاۆ كوسارەۆ پرەزيدەنتكە دومبىرا سىيلاعىسى كەلەتىنىن ايتىپتى.  انشى قاراقات ءابدىلدينا ەلباسىن قازاقشا سويلەپ، ءان سالاتىن Bal-bala قۋىرشاعىمەن قۋانتقاندى قۇپ كورەدى ەكەن. اكتەر ءانۋار نۇرپەيىس نۇرسۇلتان ءابىشۇلىنا Twitter-اككاۋنت سىيلاپ، Youtubكە شاقىرعىسى كەلەتىنىن جاسىرماپتى. الەۋمەتتىك جەلىلەر ارقىلى ەلباسى ەلگە جاقىنداي تۇسسە ەكەن دەگەن تىلەگى بولسا كەرەك. اتالعان پورتالدا سىي-سىياپاتتىڭ ءتۇرى-ءتۇرىن ءتىزىپ، مىرزالىق تانىتقانداردىڭ بارىنەن جارتى بيلىگى جاعانوۆا حانىمنىڭ قۇزىرىنداعى «رۋحانيات» جاسىلدار پارتياسىنىڭ جەتەكشىسى سەرىكجان مامبەتالين اسىپ ءتۇسىپتى. ول ەلباسىنا مۇمكىن بولسا، كەنەسارى حاننىڭ باسىن سىيعا تارتقاندى ءجون كورەدى ەكەن. «قازاقتىڭ سوڭعى حانىنىڭ رۋحى بۇگىنگى ۇلت كوشباسشىسىنىڭ بويىنا دارىپ، وعان جاردەم ەتسە»، - دەيدى مامبەتالين مىرزا. www.abai.kz اقپاراتتىق پورتالىنىڭ وقىرماندارى شە؟ ولار استانا كۇنى مەن ەلباسىنىڭ تۋعان كۇنىنە وراي قانداي  تىلەك ايتىپ، تارتۋ تارالعى جاساعاندى قالايدى؟ مارحابات.

«اباي-اقپارات»