قازاقستاننىڭ ءتورت وبلىسىندا جۇمىرتقا باعاسى ءبىر جىلدا 20 پايىزعا قىمباتتادى. 2021 جىلدىڭ جەتى ايىندا شارۋالار 3,6 ميلليارد جۇمىرتقا العان، بۇل ءبىر جىل بۇرىنعىدان 9 پايىزعا از.

"وڭىرلەر تۇرعىسىندا سەكتورداعى ەڭ كوپ ءوندىرىس كولەمى اقمولا وبلىسىنا تيەسىلى: 599,6 ملن دانا. ءۇش جەتەكشى ءوڭىردىڭ قاتارىنا الماتى (590,4 ملن دانا) جانە قاراعاندى ​​(499,6 ملن دانا) وبلىستارى دا كىردى", – دەيدى Energyprom.kz زەرتتەۋشىلەرى.

اعىمداعى جىلدىڭ قىركۇيەگىندە ءبىرىنشى ساناتتى جۇمىرتقانىڭ ورتاشا باعاسى 35.5 تەڭگەگە جەتىپ، ءبىر جىل بۇرىنعىدان 16,4 پايىزعا قىمباتتاعان. ەلىمىزدەگى ءىرى قالالار مەن مەگاپوليستەر اراسىنداعى ەڭ جوعارى باعا الماتىدا (ون ەكى جۇمىرتقا 486 تەڭگە), نۇر-سۇلتاندا (432 تەڭگە) جانە تالدىقورعاندا (405 تەڭگە), ەڭ تومەنگىسى قاراعاندىدا (262 تەڭگە) تىركەلگەن.

وڭىرلىك تۇرعىدا جىل سايىنعى ديناميكاداعى باعانىڭ ءوسۋىن الماتى وبلىسىنىڭ تۇرعىندارى كوبىرەك سەزىندى ، وڭتۇستىك استانادا جۇمىرتقا بىردەن 27%-عا قىمباتتاعان.

Abai.kz