G 20 جيىنىندا تۇركيا پرەزيدەنتى رەجەپ تايىپ ەردوعان مەن اقش پرەزيدەنتى دجو بايدەن كەزدەستى. 20 مينۋتقا جوسپارلانعان كەزدەسۋ 1 ساعات 10 مينۋتقا سوزىلعان دەسىپ جاتىر. F-35 تەن باستالعان اڭگىمە سول ۇشاقتاردى الۋ ءۇشىن تولەنگەن 1,4 ملرد دوللاردى قايتارۋ نەمەسە مودەرنيزاتسيالانعان F-16 الۋعا جالعاسقان سىڭايلى. ونى تۇرىك باسشىسى ءوزى ايتتى. شاماسى ەكى پرەزيدەنت ماسەلەنى شەشۋگە ۇمتىلعان سىڭايلى. ءسويتىپ اقش 40 مودەرنيزاتسيالانعان F-16 بەرىپ، 80 ۇشاقتى مودەرنيششاتسيالاۋعا كەلىسەتىن ءتارىزدى. دەگەنمەن انكارا "تىم بولماسا بىزگە ارنالدى دەپ قۇراستىرىلعان 6 دانا F-35 ءتى الۋعا تىرىسامىز" دەگەن. ول مۇمكىن ەمەس سياقتى.

دەگەنمەن ەردوعان-بايدەن كەزدەسۋى ءبىرشاما ءساتتى بولدى-اۋ دەپ ويلايمىن. ويتكەنى گلازگودا وتەتىن بۇۇ -نىڭ كليمات جونىندەگى كونفەرەنتسياسىنا ەردوعان بارمايتىن بولدى. نەگىزى بايدەنمەن كەزدەسۋ جانە ەكى ەل پرەزيدەنتتەرىنىڭ پرەسساعا شىعۋى گلازگو كونفەرەنتسياسى اياسىندا ءوتۋى ءتيىس ەدى. تۇرىك مەدياسى وسى كونفەرەنتسيا كەزىندەگى كەزدەسۋدەن جاڭالىق كۇتكەن-ءدى. ەندى G-20 جيىنى كەزىندەگى جۇزدەسۋدە ايتىلعان ماسەلەلەردى تالقىلاي تۇراتىن بولدى. ءوز باسىم F-35 ماسەلەسى ءالى شەشىلمەدى-اۋ دەپ بولجايمىن. پرەزيدەنتتەر كەلىسسە دە، پەنتاگوننىڭ، ۋاشينگتونداعى وزگە ىقپالدى كۇشتەردىڭ ۇستانىمدارى بار دەگەندەي...

بىراق F-16 دەپ جۇرگەندە ۋاشينگتون F-35 بەرە سالا ما، كىم ءبىلسىن؟! ءۇمىت قوي.

امانگەلدى قۇرمەتۇلى

Abai.kz