ساكەن الداشباەۆ. تەلەارنالار تەروريستەردى دايىنداپ جاتقان جوق پا؟
بۇگىندە ۇيدەگى بالانىڭ تۇزدەگى قىلىعىنىڭ تاربيەشىسىنىڭ ءبىرى تەلەديدار ەكەنى انىق. بەسىكتەن بەلى شىققاننان باتىرلىققا باۋليتىن ەرتەك تىڭداپ ەمەس، شەتەلدىك مۋلتيكتەرگە تەلمىرىپ وسەتىن بالاقايلار تۇركى جانە وزگە دە ەلدىڭ سەريالدارىنا اۋىسىپ، ساناعا جات قىلىقتاردى قابىلداپ ەس جيۋدا. وسىلايشا الدى-ارتىن بىلمەي، جاماندىقتى جاتتاپ ءوسىپ كەلە جاتقان جاستارعا «قازاقستان» تەلەارناسىنداعى «قىلمىس پەن جازا» باعدارلاماسى سەكىلدى تۇسىرىلىمدەر ودان ءارى سانالارىن ويرانداپ جاتىر.
ونداي باعدارلامالار شىندىقتى كورسەتەم دەگەن جەلەۋمەن قاندى قول قىلمىسكەرلەردىڭ قالاي قاسگويلىك ەتكەنىن بۇكپەسىز كورسەتىپ، بالالاردىڭ بويىن بەيباستاقتىققا ۇيرەتىپ جاتىر. ءتىپتى ونى كوپ كورەتىندەر قاندايدا ءبىر قاندى وقيعاعا تۇرشىكپەيتىن بولىپ الدى. كەرەك دەسەڭىز، قىلمىس جاساپ قاشقانداردىڭ ءىز جاسىرۋداعى قاتەلىكتەرىن ايتىپ، وزدەرىنشە «نەگە ويتپەدى، نەگە بۇيتپەدى» دەپ تۇزەپ وتىرادى جاستار. بۇل نە دەگەن ءسوز. بۇل - قىلمىس جاساعاندا مىنا قاتەلىكتەردى قايتالاما دەگەنگە ۇيرەتۋ ەمەس پە؟ ءسويتىپ تەلەارنالار تەرروريستەردى قولدان دايىنداپ جاتقان بولىپ شىقپاي ما؟
بۇگىندە ۇيدەگى بالانىڭ تۇزدەگى قىلىعىنىڭ تاربيەشىسىنىڭ ءبىرى تەلەديدار ەكەنى انىق. بەسىكتەن بەلى شىققاننان باتىرلىققا باۋليتىن ەرتەك تىڭداپ ەمەس، شەتەلدىك مۋلتيكتەرگە تەلمىرىپ وسەتىن بالاقايلار تۇركى جانە وزگە دە ەلدىڭ سەريالدارىنا اۋىسىپ، ساناعا جات قىلىقتاردى قابىلداپ ەس جيۋدا. وسىلايشا الدى-ارتىن بىلمەي، جاماندىقتى جاتتاپ ءوسىپ كەلە جاتقان جاستارعا «قازاقستان» تەلەارناسىنداعى «قىلمىس پەن جازا» باعدارلاماسى سەكىلدى تۇسىرىلىمدەر ودان ءارى سانالارىن ويرانداپ جاتىر.
ونداي باعدارلامالار شىندىقتى كورسەتەم دەگەن جەلەۋمەن قاندى قول قىلمىسكەرلەردىڭ قالاي قاسگويلىك ەتكەنىن بۇكپەسىز كورسەتىپ، بالالاردىڭ بويىن بەيباستاقتىققا ۇيرەتىپ جاتىر. ءتىپتى ونى كوپ كورەتىندەر قاندايدا ءبىر قاندى وقيعاعا تۇرشىكپەيتىن بولىپ الدى. كەرەك دەسەڭىز، قىلمىس جاساپ قاشقانداردىڭ ءىز جاسىرۋداعى قاتەلىكتەرىن ايتىپ، وزدەرىنشە «نەگە ويتپەدى، نەگە بۇيتپەدى» دەپ تۇزەپ وتىرادى جاستار. بۇل نە دەگەن ءسوز. بۇل - قىلمىس جاساعاندا مىنا قاتەلىكتەردى قايتالاما دەگەنگە ۇيرەتۋ ەمەس پە؟ ءسويتىپ تەلەارنالار تەرروريستەردى قولدان دايىنداپ جاتقان بولىپ شىقپاي ما؟
ولاي دەيتىنىم، ادام ولتىرۋدەن ءلاززات الاتىن تالاي مانياكتار ۇستالعان سوڭ، ولاردىڭ ۇيىنەن قىلمىستى اشىق جازعان گازەت قيىندىلارى تابىلدى عوي. سول سياقتى قىزداردى زورلايمىن دەپ تەمىر توردىڭ ار جاعىنان شىققان جىگىتتىڭ ۇيىنەن جامان تۇسىرىلىمدەگى كينولاردىڭ تابىلعانى سانامىزدان شىعىپ كەتتى مە؟ ءتىپتى جاس بالالاردىڭ جۋمون بولىپ ساداق اتىپ، سۇلتان بەيبارىس بولىپ قىلىشتاسىپ، «بريگادا» كينوسىنداعى ساشا بولام دەپ ءبىر-ءبىرىن جاراقاتتاعانى جادىمىزدا قالماعان با؟
سوندىقتان «قازاقستان» تەلەارناسىنداعى «قىلمىس پەن جازادان» باستاپ سونداي باعىتتاعى باعدارلامالاردى توقتاتۋ كەرەك. ايتپەسە كوزبەن كورگەندى قولمەن جاسايمىن دەپ قىلمىسقا ەتى ولگەن بالالار ءتۇرلى جاعدايلارعا بارۋى ءمۇمىن.
«ەل بولامىن دەسەڭ بەسىگىڭدى تۇزە» دەمەكشى، تەرىس ادەتتەردەن ارىلۋ ءۇشىن اۋەلى تەلەديدارلارىمىزدى تۇزەۋىمىز كەرەك.
«اباي-اقپارات»
