2012 جىلدىڭ 20-شىلدەسى - قاسيەتتى رامازان ايىنىڭ ءبىرىنشى كۇنى

شەيح ءابساتتار قاجى دەربىسالى،

قازاقستان مۇسىلماندارى ءدىني باسقارماسى

مەن ورتا ازيا مۇفتيلەر كەڭەسىنىڭ ت

وراعاسى، باس ءمۇفتي

قاسيەتتى رامازان قۇتتى بولسىن!

مەيىرىمدى، راحىمدى اللانىڭ اتىمەن باستايمىن!

بارلىق ماقتاۋ مەن ماداق الەمدەردىڭ راببىسى اللا تاعالاعا، سانسىز سالاۋاتىمىز سۇيىكتى پايعامبارىمىزعا (س.ع.س.) بولسىن! جىل بويى ساعىنا كۇتكەن قاسيەتتى رامازان ايىنا جەتكەنىمىز ءۇشىن جاراتقان يەمىزگە سانسىز شۇكىرلىك ەتەمىز.

قۇرمەتتى مۇسىلمان باۋىرلار مەن قىمباتتى وتانداستار!

2012 جىلدىڭ 20-شىلدەسى - قاسيەتتى رامازان ايىنىڭ ءبىرىنشى كۇنى

شەيح ءابساتتار قاجى دەربىسالى،

قازاقستان مۇسىلماندارى ءدىني باسقارماسى

مەن ورتا ازيا مۇفتيلەر كەڭەسىنىڭ ت

وراعاسى، باس ءمۇفتي

قاسيەتتى رامازان قۇتتى بولسىن!

مەيىرىمدى، راحىمدى اللانىڭ اتىمەن باستايمىن!

بارلىق ماقتاۋ مەن ماداق الەمدەردىڭ راببىسى اللا تاعالاعا، سانسىز سالاۋاتىمىز سۇيىكتى پايعامبارىمىزعا (س.ع.س.) بولسىن! جىل بويى ساعىنا كۇتكەن قاسيەتتى رامازان ايىنا جەتكەنىمىز ءۇشىن جاراتقان يەمىزگە سانسىز شۇكىرلىك ەتەمىز.

قۇرمەتتى مۇسىلمان باۋىرلار مەن قىمباتتى وتانداستار!

بارشاڭىزدى مۇباراك رامازان ايىنىڭ كەلۋىمەن شىن جۇرەكتەن قۇتتىقتايمىن! ۇلى جاراتۋشىنىڭ پەندەلەرىنە تارتقان تەڭدەسسىز سىيى - قاسيەتتى  رامازان - سانسىز قۇلشىلىق پەن دۇعا-تىلەككە تولى ساۋابى مول ىزگى امالدار ۇزدىكسىز جالعاسقان، كۇن مەن ءتۇن دە تۇتاستاي جاساعان يەمىزدىڭ راحىمى مەن مەيىرىمىنە تۇنعان اي. كەز كەلگەن باسقا مەرزىممەن سالىستىرعاندا جاقسىلىقتار مەن ساۋاپتاردىڭ سانسىز ەسەلەنىپ جازىلار ايى دا - رامازان.

ورازا ادام جانىن تازارتىپ، جامان ءىس-قىلىقتاردان ساقتايدى. قۇراندا اللا تاعالا: «ەي، يمان ەتكەندەر! كۇنالاردان ساقتانىپ، تاقۋالىققا جەتۋلەرىڭ ءۇشىن سەندەرگە بۇرىنعىلارعا پارىز ەتىلگەندەي ورازا پارىز ەتىلدى» («باقارا» سۇرەسى، 183-ايات), - دەيدى.

اياتتا ايتىلعانداي، ورازانىڭ ماقساتى - مۇسىلماندى رۋحاني تازارتىپ، تاقۋالىققا جەتەلەۋ. تاقۋالىق - كۇنادان ساقتانۋ، اللا تاعالادان قورقۋ، تەك سوعان عانا سيىنىپ، جالبارىنۋ. ەندەشە تاقۋالىق - اللا تاعالاعا بويۇسىنۋ، امىرلەرىنە قۇلدىق ۇرىپ، تىيعاندارىنان تىيىلىپ، يماندى، كوركەم مىنەزدى، پاراساتتى جان رەتىندە، ۇلى جاراتۋشىنىڭ سىيلاعان سانسىز نىعمەتتەرىنەن ايىرىلىپ قالۋدان ساقتانۋ. دەمەك، ورازانىڭ ماقساتى - جاندى رۋحاني تازارتىپ، كوركەم مىنەزگە تاربيەلەۋ، ءناپسىنى تىزگىندەۋ.

ءناپسى - بويداعى پەندەلىككە ءتان قۇمارلىق سەزىم. ادام بالاسىنىڭ ادامگەرشىلىك بيىگىنە كوتەرىلۋى مەن مىنەز-قۇلقىن كوركەمدەۋى ناپسىسىنە يە بولا الۋىندا. ال، ءناپسىنى تىزگىندەۋدە ورازا زور مانگە يە. مۇنىڭ باستى شارتى ورازا تەك اللا تاعالانىڭ ريزاشىلىعى ءۇشىن ۇستالۋى ءتيىس. بۇل ايدا مۇسىلمان جۇرەك تۇكپىرىنە ءتۇرلى جات ويلاردىڭ ۇيالاۋىنا ۋاقىتشا بولسا دا جول بەرمەي، ناپسىمەن كۇرەستە بارىنشا جىگەرلىلىك پەن بەلسەندىلىك تانىتقانى ءجون. بۇكىل دەنە مۇشەلەرىندەگى جاعىمسىز قىلىقتار مەن ءىس-ارەكەتتەرگە كىسەن سالۋعا تىرىسادى. ءتىلى بوس سوزدەرگە كۇرمەلىپ، نەبىر جاقۇت-مارجان ناسيحاتتىق سوزدەرگە اعىتىلادى. قولى ادال نارسەنى ۇستاپ، اياعى ساۋاپ ىزدەپ، جاقسىلىققا قادام باسادى. وسىنداي ىزگى جانداردىڭ جادىندا اللا ەلشىسىنىڭ (س.ع.س.): «كىمدە-كىم جالعان سويلەۋىن قويماسا، جاعىمسىز قىلىقتارىنان تىيىلماسا، اللا تاعالا ونداي ادامنىڭ تەك اۋىز بەكىتكەنىنە مۇقتاج ەمەس»، - دەگەن سالماقتى ەسكەرتۋى جاڭعىرىپ تۇرارى حاق. راسىندا دا ورازا مۇسىلمان ءۇشىن ۇلكەن سابىر مەكتەبى. پەندە ءوز بىلۋىنشە دەنساۋلىعىن كوزدەپ اشىعۋمەن دىتتەگەن ماقساتىنا جەتە الماسى حاق. سەبەبى ورازا - تەك اللا تاعالانىڭ رازىلىعى ءۇشىن جاسالاتىن زور قۇلشىلىق مۇسىلماننىڭ پارىزى. قاسيەتتى حاديستە اللا تاعالا: «اۋزى بەرىك ادام ءىشىپ-جەۋىن مەن ءۇشىن دوعاردى. ورازا - مەنى مەن قۇلىمنىڭ اراسىنداعى عيبادات. وعان بەرىلەتىن سىيدى مەن عانا ولشەپ، مەن بەرەمىن. اۋزى بەرىك قۇلىمنىڭ اشتىق پەن شولىركەگەننەن شىققان اۋىز ءيسى مەن ءۇشىن ميسكتەن دە ارتىق»، - دەيدى.

سونىمەن قاتار بۇل قاسيەتتى ايدا تەك قانا ءىشىپ-جەۋدەن عانا ەمەس، وسەك-عايبات سىندى ت.ب. دا پەندەگە ءتان جاعىمسىز جامان ادەت-قىلىقتاردان بارىنشا ىرگەنى اۋلاق سالعان ابزال. ويتكەنى، ورازا تەك ءىشىپ-جەۋدەن تىيىلۋ ءۇشىن عانا ەمەس، سونداي-اق قۇلاق، كوز، ءتىل كۇنالارىنان دا ساقتانۋ ءۇشىن ۇستالادى. سول ءۇشىن قۇلشىلىق امالدارىمىزدى ارتتىرىپ، نەعۇرلىم اللانى كوبىرەك ەسكە الىپ، قايتا-قايتا قۇران وقۋمەن قاتار مەشىتتەردەگى ءار كەشكى تاراۋيح نامازىنا دا قاتىسقان ءجون. رامازاندا مىڭ ايدان دا قايىرلى قادىر ءتۇنىنىڭ قاسيەتى مەن جاسالار عيبادات-قۇلشىلىقتىڭ ساۋابىن دا ساناپ تاۋىسۋ مۇمكىن ەمەس. قۇران كارىمدە: «ءبىز ونى (قۇراندى) قادىر ءتۇنى تۇسىردىك. قادىر ءتۇنىنىڭ نە ەكەنىن سەن بىلەسىڭ بە؟ قادىر ءتۇنى مىڭ ايدان دا قايىرلى. ول تۇندە راببىسىنىڭ رۇقساتىمەن پەرىشتەلەر جانە رۋح (جابىرەيىل ع.س.) ءاربىر ىسكە (جەرگە) تۇسەدى. ول ءتۇن تىنىشتىققا تولى. بۇل تاڭ اتقانشا (جالعاسادى)» («قادىر» سۇرەسى، 15-ايات), - دەلىنگەن. ال، اللا ەلشىسى (س.ع.س.) بولسا وسى رامازان ايى تۋرالى: «رامازان كەلگەندە ءجاننات ەسىكتەرى اشىلىپ، توزاق ەسىكتەرى جابىلادى، شايتاندار كىسەندەلەدى»، سونداي-اق، «شىنىندا ءجانناتتا ءبىر ەسىك بار، ول - «رايان» دەپ اتالادى. ول ەسىكتەن تەك ورازا ۇستاۋشىلار عانا كىرەدى» - دەگەن.

قۇرمەتتى مۇسىلمان باۋىرلار! ۇستاعان ورازالارىڭىز قابىل بولعاي! اللا تاعالا بارشامىزدى شىنايى ىقىلاسپەن ورازا ۇستاۋشىلار ساناتىنا قوسىپ، ءجانناتتىڭ رايان ەسىگىنەن كىرۋىمىزدى ءناسىپ ەتكەي!

قاسيەتتى رامازان قۇتتى بولسىن!

مەيىرىمدى، راحىمدى اللانىڭ اتىمەن!

رامازان - مۇسىلمانداردىڭ ۇلىق مەرەكەسI

"رامازان - ادامدارعا تۋرا جول نۇسقاۋشى، اق پەن قارانى ايىرۋشى، بەكەم تۇتىناتىن جولباسشى رەتiندە قۇران تۇسiرiلە باستاعان اي. رامازان ايى تۋعانىن كورگەن ادام بiردەن ورازا ۇستايتىن بولسىن. ەگەر بiرەۋلەر اۋرۋ بولىپ، ايتپەسە جولساپاردا جۇرسە، وندا باسقا كۇندەردە وتەسiن. اللا سەندەرگە جەڭiلدiك بولۋىن قالايدى، اۋىرلىق تۇسiرگiسi كەلمەيدi."

("باقارا" سۇرەسi, 185-ايات)

قاسيەتتI رامازان ايىنداعى ورازا ۇستاۋ مەن ناماز وقۋ ۋاقىتىنىڭ كەستەسI

(الماتى ۋاقىتى بويىنشا) 2012 جىل - حيجراشا 1433 جىل

ساتۋعا بولمايدى، تەگىن تاراتىلادى

ەسكەرتۋ:

• بيىل، ياعني 2012 جىلى مۇسىلماندىق اي كۇنتىزبەسى بويىنشا قاسيەتتى رامازان ايى 30 كۇن.

1. تامىزدىڭ 14-نەن 15-نە قاراعان ءتۇن ءلايلاتۋل-قادر، ياعني قاسيەتتi قادiر ءتۇنi.

2. سارەسi iشۋ تاڭ نامازىنىڭ كىرۋىنە 10 مينۋت قالعاندا توقتاتىلادى.

3. اۋىزدى اقشام نامازىنىڭ ۋاقىتى بولىسىمەن قۇرمامەن نەمەسە سۋمەن جانە ت.ب. جەمىسپەن دە اشۋعا بولادى.

4. تاراۋيح نامازى قۇپتان نامازىنان كەيiن وقىلادى، ال ءۇتiر-ءۋاجiپ نامازى ەڭ سوڭىنان جاماعاتپەن وقىلادى.

5. پiتiر-ساداقانى رامازان ايىنىڭ باسىنان ايت نامازىنا دەيiن بەرۋگە بولادى. ءپىتىر الماتى بويىنشا 100 تەڭگە.

6. 19 - تامىز (جەكسەنبى) كۇنi ورازا ايت مەيرامى باستالادى. ايت نامازى الماتىدا ساعات 7. 00 دە وقىلادى.

7. ورازاعا نيەت: اللا تاعالا ءۇشىن مۇباراك رامازان ايىنىڭ ورازاسىن ۇستاۋعا تاڭنان كۇن باتقانعا دەيىن نيەت ەتتىم.

8. اۋىزاشار دۇعاسى: «جاراتقان يەم سەن ءۇشىن ورازا ۇستادىم، ساعان يمان كەلتىردىم، ساعان تاۋەكەل ەتتىم، سەن بەرگەن ريزىق  نەسىبەڭمەن اۋىز اشتىم. ءيا، كەشىرىمدى اللا! مەنىڭ الدىڭعى جانە سوڭعى كۇنا-كەمشىلىكتەرىمدى كەشىرە گور!»

قۇرمەتتI مۇسىلمان باۋىرلار!

اللا تاعالا بارiڭiزگە مىقتى دەنساۋلىق، زور كۇش-قۋات بەرسiن، جاساعان عيباداتتارىڭىزدى قابىل ەتسiن!

شەيح ءابساتتار قاجى دەربiسالi,

قازاقستان مۇسىلماندارى دiني باسقارماسى جانە

ورتا ازيا مۇفتيلەر كەڭەسىنىڭ توراعاسى، باس ءمۇفتي.

"اباي-اقپارات"