قازىرگى تاڭدا سۋ رەسۋرستارى جونىندەگى كوميتەت (ارى قاراي - كوميتەت) گيدروتەحنيكالىق قۇرىلىستاردى جانە سۋمەن جابدىقتايتىن نىسانداردى قايتا وڭدەۋدە بيۋدجەتتىك قارجىنى ءتيىمدى پايدالانۋ جۇمىستارىمەن اينالىسىپ وتىر.

بۇل ءۇشىن  وڭتايلاندىرىلاتىن نىسانداردا بولىپ، ول جۇمىستاردى جوبالاۋ مەن جۇزەگە اسىرۋ جايى ءسوز بولدى. اۋدان جانە اۋىل اكىمدەرىنىڭ،  جۇمىستى جۇزەگە اسىراتىن جەرگىلىكتى اتقارۋشى ورگاندار وكىلدەرىنىڭ قاتىسۋىمەن بولعان باس قوسۋدىڭ ناتيجەسىندە وسى نىساندار جونىندە كەيبىر جوبالاۋ شەشىمدەرى قارالدى.

اتاپ ايتقاندا، «الماتى وبلىسىنداعى بارتوعاي سۋ ساقتاعىش توعانىنىڭ سەيسمولوگيالىق ورنىقتىلىعىن نىعايتۋ جانە قايتا وڭدەۋ» جوباسى بويىنشا جۇمىستار جۇرگىزىلدى. سۋ سورعىشتار ارقىلى بوگەن ءتۇبىن تازالاۋ جۇمىستارىن جۇرگىزۋدىڭ قاجەت ەمەستىگى انىقتالىپ، وسىنىڭ  ناتيجەسىندە جوبانىڭ قۇنى 9,6 ملرد. تەڭگەدەن 1,4 ملرد. تەڭگەگە ازايتىلدى.

سولتۇستىك قازاقستان وبلىسىنىڭ سۋمەن جابدىقتاۋ نىساندارى جوبالارى بويىنشا تەحنيكالىق پارامەترلەردى قايتا تەكسەرۋدىڭ ناتيجەسىندە كەيبىر بولىمشەلەردە ناقتى سۋ پايدالانۋ  مەن توپتى سۋ قۇبىرلارىنىڭ سەگمەنتتىك جوبالىق-سمەتالىق قۇجاتتاماسى (جسق) جەرگىلىكتى اۋلارعا اۋىستىرىلدى. ناتيجەسىندە 4 توپتى سۋ قۇبىرلارىنىڭ قايتا وڭدەۋ جوباسىنىڭ قۇنى 285-تەن 57 ملرد. تەڭگەگە دەيىن تومەندەدى.

جوبالاردى قايتا تۇزەتۋ تۇرعىسىندا جۇرگىزىلگەن جۇمىستاردىڭ ناتيجەسىندە بۇگىنگى كۇنى 19 نىسان بويىنشا 300 ملرد. تەڭگە ۇنەمدەلدى.

قازىرگى تاڭدا سۋ رەسۋرستارى جونىندەگى كوميتەت (ارى قاراي - كوميتەت) گيدروتەحنيكالىق قۇرىلىستاردى جانە سۋمەن جابدىقتايتىن نىسانداردى قايتا وڭدەۋدە بيۋدجەتتىك قارجىنى ءتيىمدى پايدالانۋ جۇمىستارىمەن اينالىسىپ وتىر.

بۇل ءۇشىن  وڭتايلاندىرىلاتىن نىسانداردا بولىپ، ول جۇمىستاردى جوبالاۋ مەن جۇزەگە اسىرۋ جايى ءسوز بولدى. اۋدان جانە اۋىل اكىمدەرىنىڭ،  جۇمىستى جۇزەگە اسىراتىن جەرگىلىكتى اتقارۋشى ورگاندار وكىلدەرىنىڭ قاتىسۋىمەن بولعان باس قوسۋدىڭ ناتيجەسىندە وسى نىساندار جونىندە كەيبىر جوبالاۋ شەشىمدەرى قارالدى.

اتاپ ايتقاندا، «الماتى وبلىسىنداعى بارتوعاي سۋ ساقتاعىش توعانىنىڭ سەيسمولوگيالىق ورنىقتىلىعىن نىعايتۋ جانە قايتا وڭدەۋ» جوباسى بويىنشا جۇمىستار جۇرگىزىلدى. سۋ سورعىشتار ارقىلى بوگەن ءتۇبىن تازالاۋ جۇمىستارىن جۇرگىزۋدىڭ قاجەت ەمەستىگى انىقتالىپ، وسىنىڭ  ناتيجەسىندە جوبانىڭ قۇنى 9,6 ملرد. تەڭگەدەن 1,4 ملرد. تەڭگەگە ازايتىلدى.

سولتۇستىك قازاقستان وبلىسىنىڭ سۋمەن جابدىقتاۋ نىساندارى جوبالارى بويىنشا تەحنيكالىق پارامەترلەردى قايتا تەكسەرۋدىڭ ناتيجەسىندە كەيبىر بولىمشەلەردە ناقتى سۋ پايدالانۋ  مەن توپتى سۋ قۇبىرلارىنىڭ سەگمەنتتىك جوبالىق-سمەتالىق قۇجاتتاماسى (جسق) جەرگىلىكتى اۋلارعا اۋىستىرىلدى. ناتيجەسىندە 4 توپتى سۋ قۇبىرلارىنىڭ قايتا وڭدەۋ جوباسىنىڭ قۇنى 285-تەن 57 ملرد. تەڭگەگە دەيىن تومەندەدى.

جوبالاردى قايتا تۇزەتۋ تۇرعىسىندا جۇرگىزىلگەن جۇمىستاردىڭ ناتيجەسىندە بۇگىنگى كۇنى 19 نىسان بويىنشا 300 ملرد. تەڭگە ۇنەمدەلدى.

سونىمەن قاتار، 2012-ءشى جىلعى 14 جوبانىڭ قاجەتتى جوبالىق-سمەتالىق قۇجاتتارىنا مەملەكەتتىك ساراپتاما قورىتىندىسىنا ساي 8,4 ملرد. تەڭگە ءبولىندى. جوبالىق-سمەتالىق قۇجاتتاماسى (جسق) بولماعاندىقتان بۇل نىساندار قازىر جۇزەگە اسىرىلماي تۇر. كوميتەت بولىنگەن قارجى يگەرىلمەي قالۋ قاۋپى بولعاندىقتان، بۇل قارجىنى جەدەل پايدالانۋعا بەرىلۋگە ءتيىستى نىسانداردىڭ جۇمىسىنا قايتا بولۋگە ءماجبۇر.

سونداي-اق، 2011 جىلدان بەرى 440 شاقىرىمعا سوزىلىپ جاتقان قاراعاندى وبلىسىنىڭ جەزقازعان ءوڭىرىن سۋلاندىراتىن قانىش ساتباەۆ اتىنداعى كانالدىڭ ءىى-ءشى جانە ءىىى-ءشى كەزەڭى قۇرىلىسىنا قارجى ءبولۋ قاراستىرىلىپ كەلەدى. بۇل سياقتى ەرتىس وزەنىنىڭ سۋىن ءبىر جەردەن ەكىنشى جەرگە اۋىستىرۋ تۇرعىسىنداعى ءىرى سۋشارۋاشىلىعى جوباسىنىڭ قۇرىلىسى (الدىن الا ەسەپتەۋ بويىنشا قۇنى 400 ملرد. تەڭگەدەن اساتىن)  مەملەكەت باسشىسىنىڭ جولداۋىندا نەمەسە ۇكىمەتتىڭ ستراتەگيالىق جوسپارىندا قارالماعان. ونىڭ ۇستىنە، قاراعاندى وبلىسىنىڭ  كورسەتىلگەن ايماقتىڭ جەرگىلىكتى سۋ كوزدەرىمەن (جەر استى جانە جەر ءۇستى) قامتاماسىز ەتىلگەندىگى تۋرالى حاتى بار.

بۇعان قوسا، اتالمىش جوبانىڭ جوبالىق-سمەتالىق قۇجاتتارىن جاساۋ ءۇشىن 3,1 ملرد. تەڭگە بولىنگەن. ونىڭ 2011جىلى 150,0 ملن. تەڭگەسى يگەرىلدى. 2012 جىلعا 1 ملرد. تەڭگە  قارالىپ وتىر.

وسىعان وراي، كوميتەت قازىر اتالمىش نىساندى جوبالاۋدى توقتاتىپ، قارجىلاندىرۋدان الىپ تاستاۋ تۋرالى شەشىم قابىلدادى.

گيدروتەحنيكالىق قۇرىلىستاردى جانە سۋمەن جابدىقتايتىن نىسانداردى قايتا وڭدەۋدە بيۋدجەتتىك قارجىنى ءتيىمدى پايدالانۋدا جوعارىدا كورسەتىلگەن شارالاردىڭ ءبارىنىڭ دايەكتى ەسەبى بار. قاجەت بولعان جاعدايدا قوسىمشا ۇسىنىس جاسالىنادى.

«اباي-اقپارات»