بيىلعى رامازان ايى ورازا تۇتىپ، كەشكىلىك مەشىتتەگى تاراۋيح نامازىنا قاتىسۋشى قاۋىم ءۇشىن ەرەكشە جاڭالىقتارعا تولى بولىپ تۇر. قالا مەشىتتەرى ماڭايىنا جارىقتار ورناتىلدى. اۋىزاشار مەزگىلى جەرگىلىكتى تەلەارنالاردان حابارلاندىرىلىپ وتىرادى.

جۇرتشىلىققا جاعداي جاساۋعا قمدب-نىڭ سەمەي وڭىرىندەگى وكىل يمامى ەرجان قاجى مايامەروۆ باستاماشى بولعان ەدى. ەل يگىلىگى ءۇشىن بۇل شارالارعا قالالىق اكىمدىكتىڭ ىشكى ساياسات ءبولىمى دە جاردەم ەتۋدە.  اتاپ ايتساق، قوس مۇنارالى ورتالىق مەشىتكە تاراۋيح نامازىنان قايتقان كوپشىلىكتى ۇيلەرىنە جەتكىزىپ سالۋ ماقساتىندا ارنايى اۆتوبۋستار ءبولىندى. وعان قالامىزداعى «تاكسوپارك» جشس ارنايى كولىكتەر ءبولىپ وتىر. بۇل شارا اسىرەسە قالانىڭ ورتالىقتان قاشىق بولىگىندە تۇراتىن جاماعات ءۇشىن ەلەۋلى كومەك بولۋدا. رامازان ايىنداعى بۇل ناماز ءدىن قىزمەتكەرلەرىنىڭ ۋاعىز-ناسيحاتىمەن باستالىپ، تۇنگى ون ءبىر جارىمدار شاماسىندا اياقتالادى. ال، وسى مەزگىلدە قالانىڭ بەس باعىتىنا قاتىنايتىن  تاكسيلەر كوپشىلىكتى كۇتىپ تۇرادى. اتاپ ايتساق، شىعىس كەنتىنىڭ ساياجايلارى، يۋنوست كەنتى، دالنىي، ميرنىي ءتارىزدى قالانىڭ شەتكەرى اۋداندارىنا قاتىنايتىن كولىكتەر كوپشىلىككە تەگىن قىزمەت كورسەتەدى. يگىلىكتى شاراعا اتسالىسىپ جۇرگەن جۇرگىزۋشى جىگىت ماقسۇت اقمولدين مۇنداي قامقورلىققا قالالىقتار قاتارىنىڭ ەرەكشە رازى ەكەندىكتەرىن ايتادى.

بيىلعى رامازان ايى ورازا تۇتىپ، كەشكىلىك مەشىتتەگى تاراۋيح نامازىنا قاتىسۋشى قاۋىم ءۇشىن ەرەكشە جاڭالىقتارعا تولى بولىپ تۇر. قالا مەشىتتەرى ماڭايىنا جارىقتار ورناتىلدى. اۋىزاشار مەزگىلى جەرگىلىكتى تەلەارنالاردان حابارلاندىرىلىپ وتىرادى.

جۇرتشىلىققا جاعداي جاساۋعا قمدب-نىڭ سەمەي وڭىرىندەگى وكىل يمامى ەرجان قاجى مايامەروۆ باستاماشى بولعان ەدى. ەل يگىلىگى ءۇشىن بۇل شارالارعا قالالىق اكىمدىكتىڭ ىشكى ساياسات ءبولىمى دە جاردەم ەتۋدە.  اتاپ ايتساق، قوس مۇنارالى ورتالىق مەشىتكە تاراۋيح نامازىنان قايتقان كوپشىلىكتى ۇيلەرىنە جەتكىزىپ سالۋ ماقساتىندا ارنايى اۆتوبۋستار ءبولىندى. وعان قالامىزداعى «تاكسوپارك» جشس ارنايى كولىكتەر ءبولىپ وتىر. بۇل شارا اسىرەسە قالانىڭ ورتالىقتان قاشىق بولىگىندە تۇراتىن جاماعات ءۇشىن ەلەۋلى كومەك بولۋدا. رامازان ايىنداعى بۇل ناماز ءدىن قىزمەتكەرلەرىنىڭ ۋاعىز-ناسيحاتىمەن باستالىپ، تۇنگى ون ءبىر جارىمدار شاماسىندا اياقتالادى. ال، وسى مەزگىلدە قالانىڭ بەس باعىتىنا قاتىنايتىن  تاكسيلەر كوپشىلىكتى كۇتىپ تۇرادى. اتاپ ايتساق، شىعىس كەنتىنىڭ ساياجايلارى، يۋنوست كەنتى، دالنىي، ميرنىي ءتارىزدى قالانىڭ شەتكەرى اۋداندارىنا قاتىنايتىن كولىكتەر كوپشىلىككە تەگىن قىزمەت كورسەتەدى. يگىلىكتى شاراعا اتسالىسىپ جۇرگەن جۇرگىزۋشى جىگىت ماقسۇت اقمولدين مۇنداي قامقورلىققا قالالىقتار قاتارىنىڭ ەرەكشە رازى ەكەندىكتەرىن ايتادى.

- ساۋاپتى امالعا ۇلەس قوسىپ جاتقانىمىز ءۇشىن ءبىز دە قۋانىشتىمىز، اسىرەسە وسىناۋ قاسيەتتى ايدا ۇلكەن كىسىلەردىڭ باتاسىن الۋدىڭ ءوزى كوڭىلگە ەرەكشە جىلىلىق سىيلايدى ەكەن. بۇل ءبىزدىڭ قىزمەتتىك تاپسىرمامىز بولسا دا كوپتىڭ العىسىن يەلەنۋ ءۇشىن ەرەكشە ىنتا تانىتامىز. كولىك سالونىندا سوڭعى ادام قالعانعا دەيىن اللا رازىلىعى ءۇشىن ۇيلەرىنە جەتكىزىپ سالامىز، - دەيدى ول.

- مەن شىعىس كەنتىنە قاراستى №4 ساياجايدىڭ تۇرعىنىمىن. بۇرىندارى تاراۋيح اياقتالعان سوڭ قايتۋ قيىندىق تۋدىراتىن ەدى. بيىل مىنە، وكىل يمام مەن قالالىق اكىمدىكتىڭ جاردەمىمەن كولىك ماسەلەسى شەشىلىپتى. بۇعان ەرەكشە قۋانىشتىمىز. وسى ورايدا اتالعان شاراعا اتسالىسقان ازاماتتاردىڭ بارلىعىنا، «تاكسوپارك» جشس باسشىسى اسقار ماراتۇلىنا دا العىسىمدى بىلدىرگىم كەلەدى، - دەيدى  مەشىتتەن  تۇنگى عيباداتىن وتەپ شىققان قالا تۇرعىنى قازبەك كاكىباەۆ. ال، يۋنوست كەنتىنىڭ تۇرعىنى ناعيما اپا سادۋاقاسوۆا ورتالىق مەشىتتە وتكىزىلەتىن تاراۋيح نامازىنا كورشى تۇراتىن ەكى زەينەتكەردى دە ەرتە كەلگەنىن، كوپشىلىك يگىلىگىنە بەرىلگەن وسىناۋ كولىكتەرگە رازى ەكەندىگىن ايتادى.

-     تۇنگى عيباداتقا كەلگەن جانداردىڭ باسىم كوپشىلىگى ءوز كولىكتەرىمەن قايتادى. ال، بۇل شىعارىلعان كولىككە كوبىنەسە زەينەتكەرلەر مەن ستۋدەنتتەر وتىرامىز. بۇل ءبىز ءۇشىن وتە ءتيىمدى بولدى. مەشىتتە وتىرعان شاقتا كوڭىلىمىزگە كولىك توقتاپ قالدى-اۋ دەگەن الاڭ كىرمەيدى. جەرگىلىكتى ازاماتتاردىڭ قامقورلىعىنا سەنىم ارتامىز. وسىنداي باستاما كوتەرگەن بالالارىما اللانىڭ مەيىرىم-شاپاعاتى جاۋسىن دەپ تىلەيمىن. پايعامبارىمىزدىڭ حاديسىندە وسىناۋ رامازان ايىندا وزگەگە جاسالعان ءبىر جاقسىلىق 70 ەسەگە دەيىن ارتاتىنى ايتىلادى. ساۋاپتى ىسكە سەبەپشى بولعان وسىنداي قالا ازاماتتارىنىڭ قاتارى كوبەيە بەرسە ەكەن، - دەپ اياقتادى ءسوزىن.

راسىندا بۇگىنگى كۇندەرى سەمەي وڭىرىندە ءدىن تۇتىنۋشى قاۋىم ءۇشىن قولايلى جاعدايلار جاسالىپ جاتىر. وسىنىڭ ءوزى ايماعىمىزداعى ءدىني تۇراقتىلىققا قوسىلعان ۇلەس بولسا كەرەك. ال، رامازان ايىنداعى بۇل شارا بابالاردان مۇراعا قالعان ءتول ۇستانىمىمىز ءداستۇرلى يسلام ءدىنىنىڭ قالامىزدا دا كەڭ ەتەك جايۋىنا، ۇرپاق بويىنا يماندىلىق نۇرىن دارىتا بەرەتىنىنە ۇلەس قوساتىنىنا سەنىمىمىز مول...

قۋانىش جولىمبەت، سەمەي قالاسى.

«اباي-اقپارات»