مىناۋ راس بولسا، وكىمەت حالىقتى ءبىر سۇمدىققا دايىنداپ جاتقانى بولدى.
اۋىلداعى حالىق وسى مال ءۇشىن وتىر ەمەس پە. مال ءوسىرىپ كۇن كورىپ جاتىر. اۋىلدا وتىرعان سوڭ ءبىر-ەكى سيىر، بەس-التى قويمەن كۇنەلتە المايسىڭ. Əر ۇيدە كەمى ءتورت-بەس سيىر، جيىرما-وتىز قوي، ەكى-ءۇش بيە كەرەك. ءبىر مالىڭدى ساتىپ ءبىر مالىڭدى اسىرايسىڭ. جانارماي قىمبات بولعاسىن ءشوپ قىمبات، استىق قىمبات بولعاسىن جەم قىمبات. قازاقستان حالقىنىڭ سانى كوپ ەمەس، ەتپەن، سۇتپەن، استىقپەن، كوكونىسپەن تولىق قامتاماسىز ەتە الاتىن اۋىل بار. Əبدەن دامىسا اۋىل شارۋاشىلىعى ازىق-تۇلىكتى ەكسپورتقا دا شىعارا الادى. مالدى ازايتاتىن بۇيرىق شىقسا وندا جۇرت اۋىلدا نەعىپ وتىرادى؟ ەرتەڭ ءبəرى دە شۇبىرىپ قالاعا كوشەدى. قالا كىمدى جارىلقاپ جاتىر ەدى؟ ءۇيسىز-كۇيسىز قازاقتىڭ سانىن ودان سايىن كوبەيتپەك پە؟

اۋىل شارۋاشىلىعىنىڭ باستى تىرەگى، نەگىزى جەر. جەرسىز ەگىن ەگىلمەيدى، ءشوپ شابىلمايدى، مال جايىلمايدى. سۋ دا كەرەك. وسى ەكى نəرسەنى قامتاماسىز ەتىپ بەرسە ەلدىڭ ازىق-تۇلىك مəسەلەسى دە شەشىلەدى، اۋىل جۇرتىنا جۇمىس تا تابىلادى. ال وكىمەتتىڭ ايتىپ وتىرعانى مىناۋ بولسا، اۋىلدى قۇرتۋ ساياساتى شىقتى دەپ ءتۇسىنۋ كەرەك.

باياعىدا اتاڭا نəلەت ۆوليۋنتاريست، شوۆينيست حرۋششەۆ وسىنى بىزگە ءبىر ىستەپ ەدى. مالدى الىپ، ورىستى توپىرلاتىپ əكەلىپ جەردى جىرتقىزىپ تاستاعان. سودان كەيىن قازاق ءوز جەرىندە وتىرىپ از ۇلتقا اينالىپ، ورىستانا باستاعان. توقاەۆ-مامين وكىمەتى نە قىلماق؟ قىتايدى توپىرلاتىپ əكەلمەك پە؟

اقان جاقىپ

Abai.kz