ونى اۋرۋحانادان گوري قالاسىنداعى اسكەري بازاعا الىپ كەلدى.

قازىر سوت وعان تاعىلعان جاڭا ايىپتار بويىنشا ءىستى قاراپ جاتىر. سااكاشۆيلي 2007 جىلدىڭ 7 قاراشاسىنداعى حالىق ميتينگىسىن كۇشپەن تارقاتتى، بيلىكتى اسىرا پايدالاندى جانە كاسىپكەر بادري پاتاركاتسيشۆيليدىڭ مۇلكىن زاڭسىز تاركىلەدى دەپ ايىپتالىپ جاتىر. بۇرىنعى پرەزيدەنت بولسا كىناسىن مويىندامايدى.

ازاتتىقتىڭ گرۋزين قىزمەتىنىڭ حابارلاۋىنشا، سوت الدىندا سااكاشۆيلي گرۋزيانىڭ سوت جانە پروكۋراتۋرا جۇيەسىن مويىندامايتىنىن مالىمدەدى. ونىڭ سوزىنشە، سوت الدىن الا شىعارىلعان شەشىم بويىنشا جۇمىس ىستەپ جاتىر.

سااكاشۆيلي سوت ىسىنە ءوزىنىڭ باستان-اياق قاتىسۋىن تالاپ ەتكەن. وسىعان دەيىن بيلىك ونىڭ "قاۋىپسىزدىگىنە" الاڭداپ، سوت وتىرىسىنا جەكە باسىنىڭ قاتىسۋىنا قارسىلىق تانىتقان.

تبيليسي سوتى الدىندا سااكاشۆيليدىڭ جاقتاستارى جينالدى. ولار عيماراتقا باراتىن جولدى جاپتى. پوليتسيا وكىلدەرىمەن قاقتىعىس بولدى، ۇستالعاندار بار.

سوت زالىنا باق وكىلدەرىنەن تەك قوعامدىق ءبىرىنشى ارنا عانا جىبەرىلگەن.

سااكاشۆيلي بيلىككە "ماقپال رەۆوليۋتسياسىنان" كەيىن كەلدى، ول 2012 جىلعا دەيىن پرەزيدەنت بولدى. كەيىن ول شەتەلگە كەتىپ، جاڭا بيلىك سااكاشۆيليدىڭ ازاماتتىعىن الىپ، وعان قارسى قىلمىستىق ءىس قوزعادى.

ول گرۋزياعا جەرگىلىكتى سايلاۋدا جاقتاستارىنا قولداۋ ءبىلدىرۋ ءۇشىن ورالعان. ونى شەكارادان بىردەن ۇستاپ، اباقتىعا جاپقان. ول سول جاقتا اشتىق جاريالادى.

Abai.kz