قر بiلiم جانە عىلىم مينيسترi ب.جۇماعۇلوۆتىڭ نازارىنا!

مەنiڭ اعام اقتايلاق مۇقاتايۇلى 1949 جىلى موڭعول ەلiندە دۇنيەگە كەلگەن. كەزiندە اساۋ جىلقىنى جۇگەن-قۇرىقسىز مiنiپ جۇرە بەرەتiن. شاڭىراعى ورتەنiپ، كيiز ءۇيدiڭ iشiندە قالىپ قويعان بەس جاسار بالانى وسى شاپشاڭدىعىنىڭ ارقاسىندا اجال اۋزىنان امان الىپ شىققان دا بولاتىن. بۇل وقيعاعا بايلانىستى موڭعول ەلi وعان "شۋدارگا-جۋرىم" دەگەن مەدالمەن ماراپاتتاعان-دى. وسىنداي ابزال ازامات 1994 جىلى جان-جارىنان ايىرىلدى. بەس جەتiم بالامەن قالدى. قىرسىق بiر اينالدىر­عاندى شىر اينالدىرادى ەمەس پە؟! اقتايلاق قانت ديابەتiنiڭ سالدارىنان بiر اياعىنىڭ باس باقايىن كەستiرگەن، سودان كەيiن تاعى دا ءۇش جەرiنەن كەسiپ، اقىر اياعى بiر اياقتان تولىق ايىرىلدى. بۇل 1998 جىلى ەدi. 2004 جىلى قالعان ساۋ اياعى تاعى اۋىرىپ، ونى دا كەستiرiپ تاستادى. سونىمەن، ەكi اياقتان بiردەي ايىرىلىپ، قول ارباعا تاڭىلىپ،           1-توپ­تاعى مۇگەدەك بولىپ قالعان ول 2010 جىلدىڭ قازان ايىندا قايتىس بولدى. ارتىندا ءۇش تۇل جەتiم قالدى. جەتiم مەن جەسiرiن جىلاتپاعان قازاقپىز عوي، اقتايلاقتىڭ iنiسi مەن، جانتايلاق، تۇل جەتiم قالعان بالالارىن قامقورلىعىما الدىم. ەندi وسى بالالارعا تولەنەتiن جاردەماقىسىن الا الماي ءجۇرمiن.

قر بiلiم جانە عىلىم مينيسترi ب.جۇماعۇلوۆتىڭ نازارىنا!

مەنiڭ اعام اقتايلاق مۇقاتايۇلى 1949 جىلى موڭعول ەلiندە دۇنيەگە كەلگەن. كەزiندە اساۋ جىلقىنى جۇگەن-قۇرىقسىز مiنiپ جۇرە بەرەتiن. شاڭىراعى ورتەنiپ، كيiز ءۇيدiڭ iشiندە قالىپ قويعان بەس جاسار بالانى وسى شاپشاڭدىعىنىڭ ارقاسىندا اجال اۋزىنان امان الىپ شىققان دا بولاتىن. بۇل وقيعاعا بايلانىستى موڭعول ەلi وعان "شۋدارگا-جۋرىم" دەگەن مەدالمەن ماراپاتتاعان-دى. وسىنداي ابزال ازامات 1994 جىلى جان-جارىنان ايىرىلدى. بەس جەتiم بالامەن قالدى. قىرسىق بiر اينالدىر­عاندى شىر اينالدىرادى ەمەس پە؟! اقتايلاق قانت ديابەتiنiڭ سالدارىنان بiر اياعىنىڭ باس باقايىن كەستiرگەن، سودان كەيiن تاعى دا ءۇش جەرiنەن كەسiپ، اقىر اياعى بiر اياقتان تولىق ايىرىلدى. بۇل 1998 جىلى ەدi. 2004 جىلى قالعان ساۋ اياعى تاعى اۋىرىپ، ونى دا كەستiرiپ تاستادى. سونىمەن، ەكi اياقتان بiردەي ايىرىلىپ، قول ارباعا تاڭىلىپ،           1-توپ­تاعى مۇگەدەك بولىپ قالعان ول 2010 جىلدىڭ قازان ايىندا قايتىس بولدى. ارتىندا ءۇش تۇل جەتiم قالدى. جەتiم مەن جەسiرiن جىلاتپاعان قازاقپىز عوي، اقتايلاقتىڭ iنiسi مەن، جانتايلاق، تۇل جەتiم قالعان بالالارىن قامقورلىعىما الدىم. ەندi وسى بالالارعا تولەنەتiن جاردەماقىسىن الا الماي ءجۇرمiن.

2011 جىلدىڭ ناۋرىز ايىندا بارلىق قاجەتتi قۇجاتتاردى قاراعاندى وبلىسى بۇحار جىراۋ اۋداندىق بiلiم بولiمiنە اپارىپ تاپسىرعان ەدiم. حابار بولماعان سوڭ قر بiلiم جانە عىلىم مينيسترi باقىتجان جۇماعۇلوۆقا حات جازدىم. 2011 جىلدىڭ شiلدە ايىندا مينيستردiڭ نۇسقاۋىمەن سەڭ قوزعالدى-اۋ، ايتەۋiر. "قامقورشىسى بولدى" دەپ قاۋلى شىعارىپ بەرگەن سوڭ، مەن قۇجاتتاردى 2011 جىلدىڭ ناۋرىز ايىندا تاپسىردىم. بۇل كiسiلەر قاۋلىنى تىم كەش شىعارىپتى. سودان بولار "ەكi ايعا (قىر­كۇيەك، قازان ايىنا) وتىز مىڭ تەڭگە شىعاردىق" دەگەن. سول تەڭگەنi كۇنi بۇگiنگە دەيiن العانىم جوق.

ەندi ايساۋلە اقتايلاق پەن قاينار اقتايلاققا تولەنەتiن بالالاردىڭ جاردەماقىسىن الا الماي ءجۇرمiن. بارلىق قۇجاتتارىن بۇحار جىراۋ اۋداندىق جاردەماقى تولەۋ ورتالىعىنا اپارىپ تاپسىرعانمىن. نە ءۇشiن جاردەماقىنى الا الماي جۇرگەنiمدi سۇراعانىمدا، "موڭعول ەلiنەن انىقتاما كەرەك" دەدi. ونى دا الىپ كەلiپ تاپسىردىم. ءالi جاۋاپ جوق. بiر بولماشى انىقتاما ءۇشiن سوناۋ موڭعول ەلiنە جiبەرگەنiن تۇسiنبەي قويدىم. "باسى اۋىرماس­تىڭ قاسىندا بالتىرىڭ سىزداماسىن" دەگەن وسى بولار.

بۇحار جىراۋ اۋداندىق بالالاردىڭ جاردەماقى تولەۋ ورتالىعىنىڭ ءبولiم مەڭگەرۋشiسi گ.ك.شۋكەنوۆا حانىمنىڭ قابىلداۋىندا دا بولدىم. ول كiسi دە سىرعىتپا جاۋاپپەن شىعارىپ سالدى. 2010 جىلدىڭ قازان ايىنان بۇگiنگi كۇنگە دەيiن بۇحار جىراۋ اۋدانىنا 11 رەت تاكسي جالداپ بارىپپىن. بiر جولعى تاكسيگە 4 مىڭ تەڭگەمەن باردىم. 11 رەت بارىپ كەلگەنiڭiزدi ەسەپتەي بەرiڭiز. اۋىل اكiمi التىن مۇحانوۆا حانىمنان دا قايىر بولماي تۇر. قاراجاتتىڭ جوقتىعىنان قاينار اقتايلاقۇلى ءوزi قالاعان وقۋ ورنىنا تۇسە الماي قويدى. تەك قانا بiر جىلدىق كاسiپتiك-تەحنيكالىق وقۋدى مiسە تۇتۋعا ءماجبۇر بولدى. سونىمەن قاتار باسىمىزداعى باسپانامىزدى دا زاڭداستىرا الماي ءجۇرمiز.

جانتايلاق مۇقاتاي،

گاگارين اۋىلى،

بۇحار جىراۋ اۋدانى،

قاراعاندى وبلىسى.

«اباي-اقپارات»