بىردەن ايتىپ قويايىن - باس ارىپپەن جازاتىنداي مەن مافيانى سونشالىقتى قاتتى قۇرمەتتەمەيمىن. (ولارعا بەتىنە «وڭباعان» دەيتىندەي باتىرلىعىم جانە جوق) ۇلكەن ارىپپەن بۇل ادامنىڭ اتى بولعاسىن عانا جازىپ وتىرمىن. ءيا، ءيا! مافيا - قازاقتىڭ ەسىمى جانە مىڭداعان جىلدىق تاريحى بار ەسىم. وزبەكتەر مەنشىكتەپ العىسى كەلىپ جۇرگەن «الپامىس باتىر» جىرىندا ءارى پاتشا ءارى قۇل ۇلتان بار ەمەس پە! مافيا - سونىڭ ساقاۋ قاتىنىنىڭ ساقاۋ قۇربىسى.

سونىمەن، مافيا ماعان نە جازىپ قالىپتى،  مەنىڭ ونى وڭباعان دەۋگە قانداي قاقىم بار؟ ساقاۋلىعى ءۇشىن ەمەس، ارينە، ونى سۇراپ الماعان شىعار. اڭگىمە ونىڭ رۋحاني دا ساقاۋلىعىندا بولىپ وتىر. ءوزىنىڭ تەكسىز، تاربيەسىز-كورگەنسىزدىگىنەن كۇنى كەشە اسىن بەرىپ، اسىراپ جۇرگەن يەلەرىنە ارسىلداپ ۇرەدى، ۇرلايدى، ۇرلاپ قانا قويمايدى، اجۋالاپ مازاق قىلادى. وسىنداي مافيانى «وڭباعان» دەمەگەندە كىمدى «وڭباعان» دەيمىن. بىراق،  مىڭ جىل بۇرىن سۇيەگى قۋراپ قالعان الباستى بولسا دا اپامىز بولىپ كەلەتىننىڭ قۇلاعىن شۋلاتپاي-اق تا، بۇل اتقا لايىقتىلاردىڭ قازىر دە ءورىپ جۇرگەنى تۋرالى اڭگىمەمىزگە كوشەيىك. ولار، ءتىپتى، بيلىك وكىلدەرى اراسىندا دا جەتەرلىك. مەن تەك شەنەۋنىكتەر عانا تازا بولسىن، قالعاندارىنا وڭباعاندىق تىم جاقسى جاراسا بەرەدى دەۋدەن اۋلاقپىن. تەگىندە،  جاي ادام وڭباعان بولسا، ونىڭ وسى قاسيەتىنەن زارداپ شەگەتىندەردىڭ سانى وڭباعان شەنەۋنىكتەردەن وپىق جەيتىندەردەن  الدەقايدا كەم سوعارىنا داۋلاسپاسسىز. ءسويتىپ ءسوزىمىز دايەكتى بولۋى ءۇشىن پارالەل كەلتىرەلىك:

بىردەن ايتىپ قويايىن - باس ارىپپەن جازاتىنداي مەن مافيانى سونشالىقتى قاتتى قۇرمەتتەمەيمىن. (ولارعا بەتىنە «وڭباعان» دەيتىندەي باتىرلىعىم جانە جوق) ۇلكەن ارىپپەن بۇل ادامنىڭ اتى بولعاسىن عانا جازىپ وتىرمىن. ءيا، ءيا! مافيا - قازاقتىڭ ەسىمى جانە مىڭداعان جىلدىق تاريحى بار ەسىم. وزبەكتەر مەنشىكتەپ العىسى كەلىپ جۇرگەن «الپامىس باتىر» جىرىندا ءارى پاتشا ءارى قۇل ۇلتان بار ەمەس پە! مافيا - سونىڭ ساقاۋ قاتىنىنىڭ ساقاۋ قۇربىسى.

سونىمەن، مافيا ماعان نە جازىپ قالىپتى،  مەنىڭ ونى وڭباعان دەۋگە قانداي قاقىم بار؟ ساقاۋلىعى ءۇشىن ەمەس، ارينە، ونى سۇراپ الماعان شىعار. اڭگىمە ونىڭ رۋحاني دا ساقاۋلىعىندا بولىپ وتىر. ءوزىنىڭ تەكسىز، تاربيەسىز-كورگەنسىزدىگىنەن كۇنى كەشە اسىن بەرىپ، اسىراپ جۇرگەن يەلەرىنە ارسىلداپ ۇرەدى، ۇرلايدى، ۇرلاپ قانا قويمايدى، اجۋالاپ مازاق قىلادى. وسىنداي مافيانى «وڭباعان» دەمەگەندە كىمدى «وڭباعان» دەيمىن. بىراق،  مىڭ جىل بۇرىن سۇيەگى قۋراپ قالعان الباستى بولسا دا اپامىز بولىپ كەلەتىننىڭ قۇلاعىن شۋلاتپاي-اق تا، بۇل اتقا لايىقتىلاردىڭ قازىر دە ءورىپ جۇرگەنى تۋرالى اڭگىمەمىزگە كوشەيىك. ولار، ءتىپتى، بيلىك وكىلدەرى اراسىندا دا جەتەرلىك. مەن تەك شەنەۋنىكتەر عانا تازا بولسىن، قالعاندارىنا وڭباعاندىق تىم جاقسى جاراسا بەرەدى دەۋدەن اۋلاقپىن. تەگىندە،  جاي ادام وڭباعان بولسا، ونىڭ وسى قاسيەتىنەن زارداپ شەگەتىندەردىڭ سانى وڭباعان شەنەۋنىكتەردەن وپىق جەيتىندەردەن  الدەقايدا كەم سوعارىنا داۋلاسپاسسىز. ءسويتىپ ءسوزىمىز دايەكتى بولۋى ءۇشىن پارالەل كەلتىرەلىك:

1. قازىر ەلىمىزدە  شەنەۋنىكتەردىڭ دەنى - مافيا سياقتى ساقاۋ. جانە بۇل اتاقتان، قازىر ءبارىڭ مەنى تاپ-تازا ديكتسيامەن جەتى اتامنان بەرمەن سىباپ-بوقتاساڭىز دا، قۇتىلا المايسىز. سەبەبى سىزدەردىڭ ساقاۋلىقتارىڭىز - اسا ءىرى كولەمدەگى ساقاۋلىق، انا ءتىلدى بىلمەۋ ساقاۋلىعى. بۇنداي ساقاۋلىقتىڭ قاسىندا مافيانىڭ ساقاۋلىعى ويناماي قالادى. سونىمەن، ءسىزدىڭ پايداڭىزعا 1:0. (وليمپيادانىڭ ءدۇمپۋى ءالى باسىلماعاسىن، وزىمشە سپورت تىلىمەن سويلەپ جاتقانىم عوي.)

2. قالاي، ۇرلىق جاعىنان اڭگىمە قوزعاماي-اق قويامىز با؟ مافيانىڭ دامبالىنىڭ اۋىنا تىعىپ العان ءتىللاسى مەن وفشورلارعا جاسىرىلعان توننالاردى سالىستىرىپ قايتەمىز، ءيا؟! جارايسىز! ەسەپ 2:0.

3. ال مازاق قىلۋ جاعىنا ازداپ توقتالماسا بولماس. مىسالى، وزىمىزدەن مۇناي تەڭىز بولىپ شىعىپ جاتقاندا بەنزين جەتپەيتىنى، جەتسە اكەسىنىڭ قۇنىن سۇرايتىنى، مازاق ەمەي نەمەنە؟ جالعاستىرا بەرسەم - الىسقا كەتەرمىن. بىردەن باعاڭىزدى بەرەيىن: ءسىز مافيانى جەڭدىڭىز، شەنەۋنىك مىرزا! ال كىشكەنتاي ارىپپەن جازىلاتىن مافيانى قاشان جەڭەسىز؟! سىزدەر جاۋاپ قاتقانشا الپامىستاعى مافياعا ءسوز بەرە تۇرايىن:

ال مافيا سويلەدى:

«مەنىڭ اتىم مافيا

ءديداڭدى الدىم قاپيا

اشۋدانبا، شياعىم

كيگىزەيىن باسىڭا

بەس بيدايىق تاقيا»

ۇيالمايدى، ءا؟! كەت ءارى، تاقياڭ دا وزىڭە، ... ءوي، وڭباعان مافيا!

«اباي-اقپارات»