2020 جىلعى رەسمي مالىمەتتەر بويىنشا قازاقستاندا 2,2 ملن ادام زەينەتاقى الادى. بىلتىر ۋاكىلەتتى ورگاندار رەسەي مەن قازاقستاننان قاتار زەينەتاقى الىپ جۇرگەن 1198 ادامدى انىقتاعان بولاتىن. ال، بيىل ەكى ەلدىڭ زەينەتاقىسىن الىپ جۇرگەن 289 ادام تاعى دا انىق بولدى.

ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆتىڭ ايتۋىنشا، رەسەيدە تۇرىن قازاقستاننان زەينەتاقى الىعان ادامدار بيۋدجەتكە 6,3 ملرد تەڭگە شىعىن كەلتىرگەن.

«اتالعان ادامداردىڭ رەسەي فەدەراتسياسىندا قوس ازاماتتىعى جانە زەينەتاقى تولەمىن الۋ فاكتىسىنىڭ بولۋىنا بايلانىستى قازاقستان رەسپۋبليكاسىنىڭ اۋماعىندا رەسپۋبليكالىق بيۋدجەتتەن قايتا الىنعان قاراجات سوماسى الدىن الا ەسەپ بويىنشا – 6,3 ملرد تەڭگەنى قۇراعان. كورسەتىلگەن مالىمەتتەر نەگىزىندە ەڭبەك جانە حالىقتى الەۋمەتتىك قورعاۋ مينيسترلىگى زەينەتاقى تولەمىن الۋشىلاردىڭ قوس ازاماتتىق فاكتىسىن انىقتاۋ ءۇشىن ىشكى ىستەر مينيسترلىگىنە جانە اتالعان ادامداردىڭ بيۋدجەت قاراجاتىن وتەۋدە ءتيىستى شارالار قابىلداۋ ءۇشىن قارجى مونيتورينگى اگەنتتىگىنە حات جولدادى. ءتيىستى جاۋاپتار كەلگەننەن كەيىن قوس ازاماتتىقتى جانە قوسارلانعان تولەمدەردى انىقتاۋ فاكتىلەرى بويىنشا قۇقىق قورعاۋ ورگاندارىمەن ءوزارا ءىس-قيمىل تەتىگى پىسىقتالادى»، - دەيدى مينيستر.

بۇگىنگى كۇنى قازاقستانمەن قوسا تاعى دا كورشى ەلدەردەن زەينەتاقى الىپ جۇرگەن ازاماتتاردى «ازاماتتارعا ارنالعان ۇكىمەت» مەملەكەتتىك كورپوراتسياسى انىقتاۋعا كىرىستى.

Abai.kz