ارحانگەلسك قالاسىنىڭ بۇرىنعى اكىمى الەكساندر دونسكوي قالاعا پۋتينگراد دەگەن اتاۋ بەرۋدى ۇسىندى. ول "گازەتا.Ru" باسىلىمىنا بەرگەن سۇحباتىندا ۆلاديمير ءپۋتيننىڭ ءومىربايانى مەن قالا اراسىندا ەشقانداي بايلانىس جوق ەكەنىن، قالا اتاۋىن پۋتينگراد دەپ وزگەرتۋ ايماققا ينۆەستيتسيا مەن تۋريست تارتۋ ءۇشىن عانا قاجەت ەكەنىن ايتتى.

"ماسەلە مىنادا، بايلانىس (پۋتينمەن) جوق. پرەزيدەنت بىزدە تۋماعان، وقىماعان، ءومىر سۇرمەگەن، بۇل - قالا ءۇشىن ۇلكەن كەمشىلىك. مەنىڭ يدەيام مىناداي: كەمەنى قالاي اتايسىڭ، ول سولاي جۇزەدى. وكىنىشكە قاراي، ارحانگەلسك ۇنەمى كۇيرەپ تۇرعان قالا. كەيىنگى جاڭالىق، قالا اكىمىنە ناشار جول ءۇشىن 2 ميلليون رۋبل ايىپپۇل سالىندى. قالا ەسكى، اپاتتىق جاعدايداعى تۇرعىن ۇيلەردىڭ سانى بويىنشا كوشباستاپ تۇر. مەنىڭ ويىمشا، قالا پۋتين اتالسا، بۇل قالاعا ينۆەستيتسيالار تارتۋعا، ارحانگەلسك قالاسىن دامىتۋ باعدارلاماسىن جۇزەگە اسىرۋعا جانە تۋريستەردى تارتۋعا مۇمكىندىك بەرەدى. مۇنداي اتاۋى بار قالادا شەنەۋنىكتەر، دەپۋتاتتار ناشار جۇمىس ىستەي المادى", - دەدى دونسكوي.

جۋرناليستەر ارحانگەلسك اكىمشىلىگىنىڭ ءباسپاسوز قىزمەتىنەن يدەياعا تۇسىنىك بەرۋىن سۇراعاندا، ولار ءتىپتى ونى قاراستىرمايتىندارىن ايتقان. ولار قالانىڭ "ماڭىزدى پروبلەمالارى" بار ەكەنىن ءتۇسىندىرىپ، ءتىپتى بۇل اقپاراتتى بايقاماعاندارىن جەتكىزگەن.

Abai.kz