سەنبى, 5 ءساۋىر 2025
جاڭالىقتار 2073 1 پىكىر 10 جەلتوقسان, 2021 ساعات 16:00

الماتىدا قامالعان بەلسەندى اشتىق جاريالادى

الماتىدا ۋاقىتشا قاماۋ يزولياتورىندا جاتقان بەلسەندى ايدار مۇباراكوۆ اشتىق جاريالادى. بۇل جونىندە بەلسەندى ارمان يمانجانوۆ حابارلادى. پوليتسيا اقپاراتتى راستادى.

– بۇگىن (8 جەلتوقسان) الماتى قالالىق پوليتسيا دەپارتامەنتىنە سالەمدەمە الىپ بارعانبىز. قابىلدايتىن پوليتسيا "ول اشتىق جاريالاپ جاتىر. سىزدەردىڭ الىپ كەلگەن ازىق-تۇلىكتەرىڭىزدى قابىلدامايتىن شىعار" دەدى. تىم بولماعاندا سۋدى قالدىرايىق دەسەك، "ونى دا ىشپەيدى" دەپ ايتتى، – دەدى بەلسەندى ازاتتىق تىلشىسىنە.

الماتى قالالىق پوليتسيا دەپارتامەنتىنىڭ قىزمەتكەرى 9 جەلتوقساندا تاڭەرتەڭ بەلسەندىنىڭ اشتىق جاريالاعانىن راستادى. پوليتسيا وكىلىنىڭ سوزىنە قاراعاندا، مۇباراكوۆ 6 جەلتوقساندا اشتىق جاريالاعان. "سۋ ىشەدى. قازىر جاعدايى قالىپتى" دەدى ول.

ازىرگە بەلسەندىنىڭ قانداي تالاپپەن اشتىق جاريالاعانى بەلگىسىز. Facebook'تاعى #IHaveAChoiسe #ActivistsNotExtremists توبى مۇباراكوۆتىڭ زاڭسىز ۇستالۋىنا نارازىلىق تانىتىپ وتىرعانىن حابارلادى. اقپاراتقا قاراعاندا، ەكى كۇن بۇرىن ۇستالعان شىمكەنتتىك بەلسەندى ەرلان فايزۋللاەۆ تا اشتىق جاريالاعان. اقپارات انىقتالىپ جاتىر.

5 جەلتوقساندا الماتى اكىمشىلىك سوتى ايدار مۇباراكوۆتى "بەيبىت جيىن وتكىزۋ ءتارتىبىن بۇزعانى ءۇشىن" (488-باپ 6-بولىگى بويىنشا) 15 تاۋلىككە قاماعان. سوت قاۋلىسىنداعى اقپاراتقا قاراعاندا، ول 27 قاراشادا قالاداعى شوقان ءۋاليحانوۆ الاڭىندا وتكەن "زاڭسىز ميتينگىگە بەلسەنە قاتىسقانى ءۇشىن" ايىپتالعان. سوت كەزىندە بەلسەندى تاعىلعان ايىپتى جوققا شىعارىپ، الەۋمەتتىك جەلىدە رۇقسات ەتىلگەن ميتينگ دەپ كورسەتىلگەن شاراعا بارعانىن ايتقان.

16 جەلتوقسان كۇنى قارساڭىندا قازاقستاننىڭ ءتۇرلى وڭىرىندە بەلسەندىلەر پوليتسيا قىسىمىنا شاعىمدانىپ جاتىر. 7 جەلتوقساندا سوت شىمكەنتتىك بەلسەندى 39 جاستاعى ەرلان فايزۋللاەۆتى "بەيبىت جيىن وتكىزۋ ءتارتىبىن بۇزدى" دەگەن ايىپپەن 15 كۇنگە قاماعان.

Abai.kz

1 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 1487
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 4210
46 - ءسوز

بىزگە بەيمالىم باراق حان

جامبىل ارتىقباەۆ 3103