«ۋتيلسبورعا جول جوق» قوزعالىسىنىڭ مۇشەلەرى ساياسي پارتيا قۇرۋى مۇمكىن. بۇل تۋرالى ساياساتتانۋشى سانجار بوقاەۆ ايتتى. 

«بىزدە جۇزدەگەن مىڭ ادام بار. ەكى اپتا ىشىندە پەتيتسياعا 150 مىڭ ادام قول قويدى. ءبىز توقتامايمىز. 2022 جىلى بۇل باعىتتاعى جۇمىسىمىزدى كۇشەيتەمىز. قاجەت بولادى – ساياسي پارتيا قۇرامىز. ءبىز ۋلتيماتۋم قويىپ جاتىرمىز. ۇكىمەتكە ءبىر اي ۋاقىت بەرەمىز. ال ەگەر ۇكىمەت ءبىر ايدىڭ ىشىندە بۇل ساياساتتى وزگەرتپەسە، رەفەرەندۋم جاريالايمىز. حالىقتىڭ ءبىزدى قولدايتىنىنا سەنىمدىمىن», - دەدى بوقاەۆ سەيسەنبى كۇنى ءباسپاسوز جيىنىندا.

سونىمەن قاتار، قوزعالىس مۇشەلەرى «ۋتيلسبورعا جول جوق» قوعامدىق بىرلەستىگىن قۇرۋ، ميتينگىلەر مەن شەرۋلەر تۇرىندە بەيبىت جينالىستار وتكىزۋدى جوسپارلاپ وتىر.

«ۋتيلسبور كولىكتەردىڭ، اۋىلشارۋاشىلىق تەحنيكالارىنىڭ جانە كابەلدەردىڭ قىمباتتاۋىنا سەبەپ بولدى. سونىڭ سالدارىنان تاۋارلاردىڭ، ازىق-تۇلىكتىڭ، قۇرىلىس قۇنىنىڭ، كولىك شىعىندارىنىڭ، كوممۋنالدىق قىزمەتتەردىڭ تاريفتەرى جانە ت.ب. قىمباتتاۋدا. اۆتوكولىك پاركى ەسكى كولىكتەرگە تولىپ قالدى، ەكولوگيا ناشارلاۋدا جانە بولاشاقتا قالدىقتاردى جيناۋ جۇيەسى تۋدىراتىن جاعىمسىز سالدارلار تەك قانا وسەدى»، - دەيدى قوزعالىس مۇشەلەرى.

بوقاەۆ قالدىقتاردى جيناۋ سىبايلاس جەمقورلىققا اكەلىپ سوقتىراتىنىن جانە اۆتوكولىك ساتىپ الۋدى قازاقستان ازاماتتارى ءۇشىن قولجەتىمسىز ەتەتىنىن اتاپ ءوتتى.

Abai.kz