اتىراۋ وبلىسىنىڭ اكىمى: وتستاۆكاعا كەتۋگە دايىنمىن
اتىراۋ وبلىسىنىڭ اكىمى ماحامبەت دوسمۇحامبەتوۆ ورىنباسارى باقىتگۇل حامەنوۆانىڭ كىناسى دالەلدەنسە، وتستاۆكاعا كەتۋگە دايىن ەكەنىن مالىمدەدى.
ءوڭىر باسشىسى ورىنباسارى باقىتگۇل حامەنوۆانىڭ ۇستالعانى تۋرالى اقپاراتقا قاتىستى پىكىر ءبىلدىردى. بۇل تۋرالى اتىراۋ وبلىسى اكىمدىگىنىڭ ءباسپاسوز قىزمەتى ايتتى.
"ماحامبەت دوسمۇحامبەتوۆ بۇعان دەيىن دە زاڭعا سايكەس سىبايلاس جەمقورلىققا قاتىسى بار دەپ كۇدىككە ىلىنگەن ورىنباسارلارىنىڭ ءبىرى سوت ۇكىمى بويىنشا كىنالى دەپ تانىلسا، قىزمەتىنەن كەتۋگە دايىن ەكەنىن مالىمدەگەن", - دەيدى اكىمدىك وكىلدەرى.
وتكەن اپتادا اتىراۋ وبلىسى اكىمىنىڭ ورىنباسارى باقىتگۇل حامەنوۆا مەن وبلىستىق مادەنيەت باسقارماسىنىڭ باسشىسى اقىلبەك رىسقاليەۆ پارا الدى دەگەن كۇدىكپەن ۇستالعان بولاتىن.
Abai.kz
