قازىرگى ۋاقىتتا قوعامدا قىزۋ تالقىلانىپ جاتقان وسى تاقىرىپقا بايلانىستى قر قارجى مينيسترلىگىنىڭ مەملەكەتتىك كىرىستەر كوميتەتىندە ەن ءجيى قويىلاتىن سۇراقتارعا جاۋاپ بەردى. ول ءۇشىن فەيكتەر مەن فاكتىلەردىڭ ارا-جىگىن اجىراتۋىمىز كەرەك.

توپ-5 جالعان (فەيك)

№ 1-فەيك:

2021 جىلدىڭ 1 جەلتوقسانىنان باستاپ بارلىق ءموبيلدى اۋدارىمدارعا سالىق سالىنادى.

تۇسىندىرمە: جوق، جەكە تۇلعالار اراسىنداعى ءموبيلدى اۋدارىمدار سالىق سالۋعا جانە تەكسەرۋگە جاتپايدى. ەنگىزىلگەن وزگەرىستەر دەكلاراتسيادا زاڭدى اينالىمدى كورسەتپەي، ءموبيلدى اۋدارىمدار ارقىلى تولەم رەتىندە اقشا قابىلدايتىن كاسىپكەرلەرگە قاتىستى.

№ 2-فەيك:

ەگەر مەن ارىپتەستەرىمنەن، مەكتەپتەگى اتا-انالاردان تۋعان كۇندەرگە اۋدارىم ارقىلى اقشا السام، بۇل ءۇشىن مەنەن سالىق الىنادى.

تۇسىندىرمە: جوق، جەكە تۇلعالار اراسىنداعى ءموبيلدى اۋدارىمدارعا سالىق سالىنبايدى. بۇل رەتتە جەكە تۇلعالار تۋرالى مالىمەتتەردى 2025 جىلدان باستاپ مەملەكەتتىك كىرىستەر ورگاندارىنا بەرۋ جوسپارلانۋدا.

سونداي-اق، ءبىر تۇلعانىڭ كۇنتىزبەلىك ءۇش اي قاتارىنان اي سايىن 80-100 ادامنان بىرنەشە رەت اۋدارىمداردى الۋى كاسىپكەرلىك قىزمەتتى انىقتاۋ كريتەريلەرىنىڭ ءبىرى بولىپ تابىلادى.

№ 3-فەيك:

مەن جەكە كاسىپكەرمىن، ەندى ءموبيلدى تولەمدەرىنەن تۇسكەن تۇسىمدەر ءۇشىن دە سالىق تولەۋىم كەرەك پە؟ بۇل ەكى رەت سالىنعان سالىق قوي!

تۇسىندىرمە: جوق، سالىق ەكى رەت سالىنبايدى، ءموبيلدى تولەمدەر جاڭا سالىق ءتۇرى ەمەس جانە قوسىمشا سالىق اۋىرتپالىعىن كوتەرمەيدى.

جەكە كاسىپكەرلەر وزدەرىنىڭ زاڭدى اينالىمىن كورسەتۋى كەرەك.

سونىمەن قاتار، سالىق دەمالىستارى 2023 جىلعا دەيىن كۇشىندە ەكەنىن حابارلايمىز، وندا شاعىن بيزنەس سالىق تولەۋدەن بوساتىلادى.

№ 4-فەيك:

سالىق ورگانى جاڭا 2022 جىلدان باستاپ بارلىق جەكە تۇلعالار تۋرالى بارلىق اقپاراتتى بانكتەن الاتىن بولادى.

تۇسىندىرمە: جوق، جەكە تۇلعالار تۋرالى اقپاراتتى تەك 2025 جىلدان باستاپ، جالپىعا بىردەي دەكلاراتسياعا سايكەس، ەكىنشى دەڭگەيلى بانكتەر بەرەدى دەپ جوسپارلانۋدا.

№ 5-فەيك:

جاڭا جىلدان باستاپ ءموبيلدى اۋدارىمدار مەن قولما-قول اقشا تولەمدەرىنىڭ ەسەبىن جۇرگىزۋىم كەرەك پە؟

تۇسىندىرمە: جوق، كاسىپكەرلىك قىزمەتتى جۇزەگە اسىرۋ كەزىندە قولما-قول اقشاسىز تولەمدەر ءموبيلدى تولەمدەر ارقىلى قابىلدانادى ء(موبيلدى اۋدارىمدار ارقىلى ەمەس).

وسىلايشا، ءموبيلدى تولەمدەرگە قاراجات كاسىپكەردىڭ ارنايى شوتىنا تۇسەدى.

دەكلاراتسيادا جالپى اينالىمدى كورسەتۋ قاجەت: ونىڭ ىشىندە الىنعان قولما-قول اقشا مەن قولما-قولسىز اقشا اينالىمى بار.

توپ-5 فاكتى

1-سۇراق:

ەگەر مەن جۇمىس ىستەپ، باقىلاۋ-كاسسالىق اپپاراتتى بارلىق ساتىلعان تاۋارلارعا قولدانسام، ەنگىزىلگەن نورمالاردىڭ سالدارى قانداي بولماق؟

جاۋاپ: باقىلاۋ-كاسسا ماشينالارىن پايدالاناتىن جانە زاڭدى اينالىمدى كورسەتەتىن كاسىپكەرلەرگە بۇل ەرەجە اسەر ەتپەيدى.

2-سۇراق:

ەكىنشى دەڭگەيلى بانكتەر پوتەنتسيالدى «قۇقىق بۇزۋشىلارعا» تالداۋ جۇرگىزىپ، مۇنداي سالىق تولەۋشىلەر تۋرالى اقپاراتتى مەملەكەتتىك كىرىستەر ورگاندارىنا بەرەدى مە؟ دوستارى مەن تۋىستارىنا اۋدارما جاسايتىن قاراپايىم ادامدارعا ۋايىمداماۋعا بولاما؟

جاۋاپ: ءيا، دۇرىس، بۇل ەرەجە جەكە ادامدارعا اسەر ەتپەيدى. پوتەنتسيالدى «قۇقىق بۇزۋشىلار» تاۋەكەلدەردى باسقارۋ جۇيەسىمەن ايقىندالاتىن بولادى، ونىڭ كريتەريلەرىنىڭ ءبىرى: كۇنتىزبەلىك ءۇش اي قاتارىنان اي سايىن 80-100 ادامنان بىرنەشە رەت اقشا اۋدارىمدارىن قابىلداعان ءبىر تۇلعانىڭ كاسىپكەرلىك قىزمەتى انىقتالادى.

3-سۇراق:

ەنگىزىلگەن وزگەرتۋلەر تەك كاسىپكەرلەرگە قاتىستى، ال جاڭا جىلدان باستاپ «ءموبيلدى تولەمدەر» دەگەن جاڭا ۇعىم پايدا بولادى جانە بۇل وزدەرىنە ىڭعايلى جولمەن اقشا اۋداراتىن قاراپايىم حالىققا اسەر ەتپەي مە؟

جاۋاپ: بۇل ەرەجە تەك كاسىپكەرلەرگە قاتىستى ەكەنى راس، بۇل ەرەجە جەكە تۇلعالارعا قولدانىلمايدى.

4-سۇراق:

كريتەريلەر تۋرالى مەحانيزم جوباسى رەسمي تۇردە جاريالانا ما؟ ءموبيلدى اۋدارىمدار ءۇشىن بەكىتىلگەن كريتەريلەردى كورە الامىز با؟

جاۋاپ: بەلگىلەنگەن كريتەريلەر قوعامدىق تالقىلاۋ ءۇشىن «اشىق قۇقىقتىق اكتىلەردە» تالقىلاۋ ءۇشىن رەسمي تۇردە جاريالانادى.

5-سۇراق:

كاسىپكەرلەر جاڭا جىلدان باستاپ ءموبيلدى تولەمدەر ارقىلى اقشا قابىلداۋ ءۇشىن كاسىپكەرلىك قىزمەتكە بولەك شوت اشۋ كەرەك پە؟

جاۋاپ: دۇرىس، كاسiپكەرلەردە موبيلدi تولەمدەر ارقىلى اقشا قابىلداۋ ءۇشىن جەكە بيزنەس-شوت بولۋى كەرەك.

سونىمەن قاتار، جەكە تۇلعا ءۇشىن تاۋارلاردى تولەۋ كەزىندە ەشقانداي وزگەرىستەر بولمايدى.

دجۋماگۋلوۆ مۋرات ساگىندىكوۆيچ،

الماتى قالاسى المالى اۋدانى بويىنشا مكب
ماجبۇرلەپ ءوندىرىپ الۋ ءبولىمىنىڭ باسشىسى

Abai.kz