ءماجىلىس توراعاسى نۇرلان نىعماتۋلين پارلامەنتارالىق وداقتىڭ توراعاسى دۋارتە پاشەكۋمەن كەزدەسىپ، ىنتىماقتاستىقتىڭ وزەكتى باعىتتارىن تالقىلادى.

ءماجىلىس توراعاسىنىڭ ايتۋىنشا، قازاقستاندىق پارلامەنت وكىلدەرىنىڭ پارلامەنتارالىق وداققا مۇشە مەملەكەتتەردىڭ ارىپتەستەرىمەن ءوزارا ءىس-قيمىلى پارلامەنتاريزم، زاڭ شىعارۋ جانە دەموكراتيالاندىرۋ ماسەلەلەرى بويىنشا سىندارلى ديالوگتى دامىتۋعا ىقپال ەتەدى.

سونىمەن قاتار نۇرلان نىعماتۋلين بۇگىندە مەملەكەت باسشىسى قاسىم-جومارت كەمەلۇلى توقاەۆتىڭ باستاماسىمەن ەلىمىزدە بولىپ جاتقان ساياسي جۇيەنى رەفورمالاۋ، ەكونوميكانى جاڭعىرتۋ، ازاماتتىق قوعامدى دامىتۋ ماسەلەلەرى تۋرالى ايتتى.

پالاتا توراعاسى مارتەبەلى مەيماننىڭ قازاقستانعا ساپارى پارلامەنتارالىق ديالوگتى ودان ءارى نىعايتۋعا جانە قازاقستان پارلامەنتى مەن پارلامەنتارالىق وداق اراسىنداعى ىنتىماقتاستىقتى دامىتۋعا ەلەۋلى سەرپىن بەرەتىنىنە ءمان بەردى.

ءوز كەزەگىندە، د.پاشەكۋ پارلامەنتارالىق وداقتىڭ قازاقستان پارلامەنتىمەن ىنتىماقتاستىعىن ودان ءارى نىعايتا تۇسەتىنىنە سەنىم ءبىلدىرىپ، قازاقستان ەۋرازيا قۇرلىعىنداعى مەملەكەت  رەتىندە، پارلامەنتارالىق وداقتىڭ مۇشەسى رەتىندە وتە ماڭىزدى سەرىكتەس ەل ەكەنىنە نازار اۋداردى.

سونداي-اق نۇرلان نىعماتۋلين قازىرگى تاڭدا پارلامەنتتە ۋاكىل ينستيتۋتىن دامىتۋ ارقىلى ادام جانە ازاماتتىڭ قۇقىقتارى مەن بوستاندىقتارىن قورعاۋ سالاسىنداعى زاڭنامانى جەتىلدىرۋ، سىبايلاس جەمقورلىققا قارسى ءىس-قيمىل، ازاماتتاردىڭ قۇقىقتارىن قورعاۋ، ءولىم جازاسى، بالالاردى قورعاۋ، ۆولونتەرلىك قىزمەت جانە ت.ب سالالارداعى زاڭنامانى جەتىلدىرۋ بويىنشا جۇرگىزىلىپ جاتقان جۇمىستارعا توقتالدى.

Abai.kz