مادەنيەت جانە سپورت ءمينيسترى اقتوتى رايىمقۇلوۆا بۇرىنعى ورىنباسارى ساكەن مۇسايبەكوۆكە شىققان ۇكىمنەن كەيىن وتستاۆكاعا ءوتىنىش بەرگەنى تۋرالى ايتتى. بۇل تۋرالى orda.kz حابارلايدى. 

– احمەتجانوۆتىڭ بريفينگىندە مۇسايبەكوۆتىڭ جەمقورلىق ءۇشىن ەمەس، الاياقتىق ءۇشىن، سوتتالعانى ايتىلدى. بىراق قالاي بولعاندا دا مەن ءوتىنىش بەردىم، ول قابىلدانبادى، – دەدى رايىمقۇلوۆا.

جۋرناليست رايىمقۇلوۆا وليمپيادا ويىندارىنان كەيىن ءوز ەركىمەن كەتۋ تۋرالى ءوتىنىش جازدى ما دەپ سۇرادى. سەبەبى قازاقستاندىقتاردىڭ كوبى قۇراما قاناعاتتانارلىقسىز ناتيجە كورسەتتى دەپ سانايدى.

– زاڭدا ءسىز ايتىپ وتىرعان (وليمپيادا ناتيجەلەرىنە بايلانىستى وتستاۆكاعا كەتۋ تۋرالى) شارتتار تۋرالى جازىلماعان. بۇل زاڭدا كورسەتىلمەگەن. مەنىڭ ويىمشا، ولار (وليمپيادا ويىندارى) تومەن ناتيجەگە جەتتى. بىراق سەگىز قولا مەدال – بۇل سپورت. بۇل جولى، مۇمكىن، ودان كوپ الا المادىق. تالداۋ بويىنشا ۇلكەن جۇمىس جۇرگىزىلدى. ءار مەدال ۇلكەن ەڭبەكپەن كەلەدى. ءبىز جاقسى جاققا ۇمتىلامىز، – دەپ تۇيىندەدى مينيستر.

Abai.kz