ماسكەۋدە قازاقستان مەن رەسەيدىڭ ەنەرگەتيكا مينيسترلەرى كەلىسسوزدەر جۇرگىزدى. قر ەنەرگەتيكا مينيسترلىگى ءباسپاسوز قىزمەتىنىڭ حابارلاۋىنشا، كەزدەسۋدە مۇناي ونەركاسىبى، ەلەكتر ەنەرگەتيكاسى جانە گاز سەكتورى ماسەلەلەرى تالقىلاندى.

تاراپتار قازاقستاننىڭ سولتۇستىك جانە شىعىس ايماقتارىن گازداندىرۋدى، ونىڭ ىشىندە «قاجەتتى قوسىمشا گاز كولەمى ماسەلەلەرىن» تالقىلادى. گازداندىرۋعا قاتىستى كەلىسسوزدەر «قازترانسگاز» ۇك» اق مەن «گازپروم» جاق اراسىندا جۇمىس توبىنىڭ اياسىندا جۇرگىزىلدى.

ۆەدومستۆولار «قازاقستاننىڭ بەج تەڭگەرىمىنىڭ جانە قۋات اعىنىنىڭ جوسپارلانعان ماندەردەن اۋىتقۋى» جاعدايىن رەتتەۋ بويىنشا جۇمىستى جالعاستىرۋعا كەلىستى.

ەكى ەلدىڭ پرەمەر-مينيسترلەرى ەكى ەلدىڭ ەنەرگەتيكا ۆەدومستۆولارى اراسىندا ەۋروپا-باتىس قىتاي حالىقارالىق كولىك باعدارىندا وتىن رەتىندە تابيعي گاز نارىعىن دامىتۋ سالاسىنداعى ءوزارا تۇسىنىستىك تۋرالى مەموراندۋمعا قول قويدى.

بۇل كەلىسىم قىتايدىڭ باستاماسىمەن قولعا الىنعان «ءبىر بەلدەۋ – ءبىر جول» جوسپارلارىنىڭ ءبىر بولىگى. قاراشا ايىندا تاراپتار ەلدەگى تاپشىلىققا بايلانىستى قازاقستانعا ەلەكتر ەنەرگياسىن ەكسپورتتاۋ ماسەلەسىن تالقىلاعان بولاتىن.

Abai.kz