2021 جىلعى 1 جەلتوقسانداعى اقپارات بويىنشا 15 527 شەتەلدىك ازامات جەرگىلىكتى اتقارۋشى ورگانداردىڭ رۇقساتى بويىنشا قازاقستان اۋماعىندا ەڭبەك ەتىپ ءجۇر. بۇل تۋرالى Zakon.kzكە سىلتەمە جاساپ Abai.kz حابارلايدى. 

شەتەلدىك جۇمىس كۇشىن تارتۋعا بەرىلگەن رۇقساتتاردىڭ ىشىندە مىناداي ساناتتار بار: ءبىرىنشى سانات – 643 (باسشىلار جانە ولاردىڭ ورىنباسارلارى), ەكىنشى سانات – 3 210 (قۇرىلىمدىق بولىمشەلەردىڭ باسشىلارى). تارتىلعان شجك-ءنىڭ نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا جاتادى – تيىسىنشە 7 748 ادام جانە 735 ادام. سونداي-اق ماۋسىمدىق جۇمىستارعا 1 134 ادام، ال كورپوراتيۆتىك اۋىستىرۋ شەڭبەرىندە 2 057 ادام تارتىلعان.

قر ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى
قازىرگى ۋاقىتتا قازاقستاندا شجك پايدالاناتىن 1 261 جۇمىس بەرۋشى بار. ولاردا شامامەن 460 مىڭنان استام قازاقستان ازاماتتارى جۇمىس ىستەيدى، بۇل جالپى جۇمىسشىلار سانىنىڭ 97%-ىن قۇرايدى.

ەڭبەكشى ميگرانتتار شىعاتىن نەگىزگى ەلدەر كەلەسى: قىتاي – 3 784 ادام، ۇلىبريتانيا – 1 996 ادام، تۇركيا – 1 985 ادام، ءۇندىستان – 1 182 ادام، وزبەكستان – 1 138 ادام.

ەستەرىڭىزگە سالا كەتەيىك، ىشكى ەڭبەك نارىعىن قورعاۋ ماقساتىندا، قر ەڭبەك جانە حالىقتى الەۋمەتتىك قورعاۋ مينيسترلىگى جىل سايىن ەلىمىزگە شەتەلدىك مامانداردى تارتۋعا ارنالعان كۆوتا بەلگىلەيدى. 2021 جىلى كۆوتا مولشەرى جۇمىس كۇشىنە شاققاندا 0,31%-دى نەمەسە 29,3 مىڭ بىرلىكتى قۇرادى.

Abai.kz