دەنساۋلىق ساقتاۋ مينيسترلىگى 2022 جىلدىڭ قاڭتارىنا ارنالعان كوروناۆيرۋس تۋرالى جاڭا بولجامىن جاريالادى. بۇل تۋرالى Tengrinews.kzكە سىلتەمە جاساپ Abai.kz حابارلايدى. 

دەنساۋلىق ساقتاۋ مينيسترلىگى بولجامىنا سايكەس، 2022 جىلدىڭ قاڭتارىندا وپتيميستىك ستسەناري بويىنشا كۇنىنە ورتاشا ەسەپپەن كوروناۆيرۋس ينفەكتسياسىنىڭ 650 جاعدايى تىركەلەدى. ناقتى - 1500, جاعداي ناشارلاسا 3000 دەرەك تىركەلۋى مۇمكىن.

"كوروناۆيرۋس ينفەكتسياسى بويىنشا ەپيدەميولوگيالىق جاعداي بولجامىنا سايكەس قازىر تاۋلىگىنە ورتا ەسەپپەن 560 جاعداي تىركەلىپ وتىر، وپتيميستىك ستسەناري بويىنشا كەلە جاتىرمىز. رەسپۋبليكادا كوروناۆيرۋس ينفەكتسياسى بويىنشا ەپيدەميولوگيالىق جاعداي تۇراقتالىپ كەلە جاتقانى بايقالادى، جاعداي مينيسترلىك باقىلاۋىندا", - دەدى دەنساۋلىق ساقتاۋ ءمينيسترى مىندەتىن اتقارۋشى جاندوس بۇركىتباەۆ ۇكىمەت وتىرىسىندا.

Abai.kz