ءال-فارابي اتىنداعى قازاق ۇلتتىق ۋنيۆەرسيتەتىندە قر ەڭبەك سىڭىرگەن قايراتكەرى، قازاقستاننىڭ قۇرمەتتى ءجۋرناليسى نۇرتىلەۋ يمانعاليۇلى اتىنداعى Qazaqstan ۇلتتىق ارناسىنىڭ وقۋ زەرتحاناسى اشىلدى.

شاراعا اقپارات جانە قوعامدىق دامۋ ءمينيسترى ايدا بالاەۆا، ءال-فارابي اتىنداعى قازاق ۇلتتىق ۋنيۆەرسيتەتىنىڭ رەكتورى جانسەيىت تۇيمەباەۆ، ءجۋرناليستىڭ جۇبايى قارلىعاش تابۋلدينوۆا، بەلگىلى قوعام قايراتكەرلەرى، ستۋدەنتتەر مەن باق باسشىلارى قاتىستى.

اقپارات جانە قوعامدىق دامۋ ءمينيسترى ايدا بالاەۆانىڭ ايتۋىنشا، نۇرتىلەۋ يمانعاليۇلى ەڭبەك جولىن قاتارداعى تىلشىدەن باستاپ جوعارى جاۋاپتى قىزمەتتەرگە دەيىن ءوستى. كورەرمەننىڭ سۇيىكتى تەلەجۇرگىزۋشىسىنە اينالدى. بۇل بيىككە ول تالانتىمەن، دارىنىمەن، ەڭبەكقورلىعىمەن جەتتى.

«نۇرتىلەۋ يمانعاليۇلى ءوزىنىڭ تەرەڭ بىلىمىمەن، ازاماتتىق ۇستانىمىمەن قىزمەتىنە ادال، اينالىسىنا سىيلى، ارىپتەستەرىنە ۇلگى بولا ءبىلدى.تەك ساۋاتتى تەلەجۇرگىزۋشى عانا بولعان جوق. قازاق تەلەۆيزياسى سالاسىندا وزىندىك مەكتەپ قالىپتاستىرا ءبىلدى. وزىنە قاراپ بوي تۇزەگەن جاس جۋرناليستەر قاتارىنان قانشاما بۋىن شاكىرت تاربيەلەدى»، - دەدى مينيستر.

سونىمەن قاتار، ول ەلىمىزدەگى جۋرناليستيكا فاكۋلتەتىنىڭ ستۋدەنتتەرىنە «نۇرتىلەۋ يمانعاليۇلى» اتىنداعى ارنايى ستيپەنديا تاعايىندالعانىن ايتتى.

«پارلامەنت سەناتى ۇيىمداستىرعان «امانات» كونكۋرسى اياسىندا «نۇرتىلەۋ يمانعاليۇلى» اتىندا جۋرناليستەرگە ارنالعان ارنايى پرەميا بەكىتىلدى. تەلەۆيزيا ارداگەرىنىڭ اتىندا ۆولەيبولدان تۋرنير وتكىزىلدى. بۇگىن نۇرتىلەۋ يمانعاليۇلىنىڭ قۇرمەتىنە ارنالعان كەزەكتى ءىس-شارانىڭ كۋاسى بولىپ وتىرمىز. بۇل – زيالى ازاماتقا دەگەن قوعامنىڭ قۇرمەتىن كورسەتەدى. بۇگىنگى ءىس-شارا بىرىنشىدەن ورتامىزدان ءوزى كەتسە دە، ارتىندا ۇلگى بولاتىن ءىسى قالعان ارىپتەسىمىزدىڭ رۋحىنا قۇرمەت كورسەتۋ. ەكىنشىدەن، بۇل ستۋدەنتتەر ءۇشىن دە ۇلكەن جاۋاپكەرشىلىك. ەندىگى جەردە بۇل قاتارداعى جاي اۋديتوريا ەمەس. سىيلى ازاماتتىڭ ەسىمى بەرىلگەن – وقۋ زەرتحاناسى. مۇندا ستۋدەنتتەر تەوريالىق بىلىممەن قاتار، پراكتيكاعا دا ۇيرەنەتىن بولادى. سوندىقتان وسىندا ءبىلىم الاتىن ءاربىر ستۋدەنت جۋرناليست اعالارىنىڭ ەسىمىن كىرلەتپەي، لايىقتى دەڭگەيدە وقيدى دەپ سەنىم بىلدىرەمىن»، - دەدى ايدا بالاەۆا.

ءال-فارابي اتىنداعى قازاق ۇلتتىق ۋنيۆەرسيتەتىنىڭ رەكتورى جانسەيىت تۇيمەباەۆ نۇرتىلەۋ يمانعاليۇلىنىڭ قىزمەتىنە توقتالدى. «ەڭبەك جولىن قازاق تەلەۆيزياسىنىڭ «جاستار» رەداكتسياسىندا قاتارداعى ءتىلشى بولىپ باستاپ، تەرەڭ بىلىمىمەن، ىزدەنىمپازدىعىمەن بيىك بەلەستەردى باعىندىردى. «حابار» اگەنتتىگىندە، ۇكىمەت كەڭسەسىندە، پرەزيدەنت اكىمشىلىگىندە جاۋاپتى قىزمەتتەر اتقاردى. رەسپۋبليكالىق «قازاقستان» تەلە-راديو كورپوراتسياسىن باسقارىپ، زەينەتكە شىققانعا دەيىن باسقارما توراعاسىنىڭ كەڭەسشىسى بولدى.

نۇرتىلەۋ يمانعاليۇلى سانالى عۇمىرىنىڭ جارتى عاسىرىن تەلەۆيزياعا ارنادى. ەكران ارقىلى حالىقتىڭ ءسوزىن جەتكىزىپ، ۇلت زيالىلارىن ەلگە تانىتىپ، ءوزى دە ەرەن ەڭبەگىمەن كوپكە تانىلدى.ناعىز جۋرناليست قايدا جۇرسە دە قولىنان قالامى تۇسپەيتىن – جاڭالىقتىڭ جارشىسى، حالىق پەن بيلىكتىڭ اراسىنداعى التىن كوپىر.ەل مەن جەر، مەملەكەت پەن ۇلت دەگەندە جان اياماي ەڭبەك ەتكەن نۇرتىلەۋ يمانعاليۇلىنىڭ عيبراتتى عۇمىرى سونىڭ ناقتى دالەلى. جۋرناليستيكا فاكۋلتەتىندە ءدارىس الىپ جۇرگەن بولاشاق جۋرناليستەر وسىنداي كاسىبي بىلىكتى مامانداردىڭ شىعارماشىلىعىن تەرەڭدەي زەرتتەيتىن كۇندەر ءالى الدا»، - دەدى رەكتور. جينالعاندارعا نۇرتىلەۋ يمانعاليۇلىنىڭ قىزمەتى مەن شىعارماشىلىعىنا ارنالعان «Nur - Tiley» ەستەلىك بەينەفيلم كورسەتىلدى. سونداي اق وقۋ ورنىندا «نۇرتىلەۋ يمانعاليۇلى – ۇلتتىق تەلەۆيزيانىڭ قايراتكەرى» اتتى فوتوكورمە ۇيىمداستىرىلدى.

ەسكە سالايىق، قازاق تەلەۆيزياسىندا 35 جىل قىزمەت اتقارعان جۋرناليستيكا ارداگەرى نۇرتىلەۋ يمانعاليۇلى بيىل 17 اقپان كۇنى ومىردەن ءوتتى . نۇرتىلەۋ يمانعاليۇلى «قۇرداستار»، «جاستار داۋىسى»، «اراي»، «جادىڭدا ما، جولداس»، «اينا»، «جاس جىگەر»،«بەتپە-بەت»، «قولتاڭبا»، «دىڭگەك»، «كورشىلەر»، «زاڭ سويلەسىن»، «Nur-Tiley» اۆتورلىق باعدارلامالارى ارقىلى قالىڭ كورەرمەن ەسىندە قالدى. نۇرتىلەۋ يمانعاليۇلى 1952 جىلى 1 مامىردا الماتى وبلىسى اقسۋ اۋدانىندا دۇنيەگە كەلگەن. قازاق تەلەۆيزياسىندا ءتىلشى، رەداكتور، اعا رەداكتور، كوممەنتاتور، باس رەداكتور، ساياسي شولۋشى، ديرەكتوردىڭ ورىنباسارى، «حابار» اگەنتتىگىندە مودەراتور-جۇرگىزۋشى، ودان كەيىن ۇكىمەت كەڭسەسىندە سەكتور مەڭگەرۋشىسى، پرەزيدەنت اكىمشىلىگىندە باس مامان بولىپ ىستەگەن. ايتا كەتەيىك، نۇرتىلەۋ يمانعاليۇلى 2006-2007 جىلدارى – «قازاقستان» رەسپۋبليكالىق تەلەراديوكورپوراتسياسى» اكتسيونەرلىك قوعامىنىڭ باسقارما توراعاسى، ودان كەيىنگى جىلدارى «قازاقستان رترك» اق باسقارما توراعاسىنىڭ كەڭەسشىسى قىزمەتتەرىن اتقاردى. سوڭىندا ءىزباسار شاكىرتتەر تاربيەلەدى.

Abai.kz