2021 جىلدىڭ 1 قازانىنداعى جاعداي بويىنشا وزبەكستاننىڭ سىرتقى قارىزى 37,6 ملرد دوللاردى قۇراپ، جىل باسىمەن سالىستىرعاندا 11%-عا نەمەسە 3,7 ملرد دوللارعا ءوستى. بۇل تۋرالى وزبەكستان ورتالىق بانكىنىڭ وزبەكستاننىڭ اعىمداعى جىلدىڭ 9 ايىنداعى تولەم بالانسى مەن سىرتقى قارىزى تۋرالى ەسەبىندە ايتىلعان.

قارجى رەتتەۋشىسىنىڭ مالىمەتى بويىنشا، جىل باسىمەن سالىستىرعاندا وزبەكستاننىڭ مەملەكەتتىك سىرتقى قارىزى 7 پايىزعا نەمەسە 1,5 ميلليارد دوللارعا ءوسىپ، 22,9 ميلليارد دوللاردى قۇرادى، مەملەكەتتىك ەمەس سىرتقى قارىز 18 پايىزعا نەمەسە 2,2 ميلليارد دوللارعا ءوستى.

ەسەپتى كەزەڭنىڭ سوڭىندا ەلدىڭ شەتەل ۆاليۋتاسىنداعى اكتيۆتەرى 68,3 ملرد دوللاردى، ال سىرتقى مىندەتتەمەلەرىنىڭ كولەمى 51,4 ملرد دوللاردى قۇرادى.سونىمەن بىرگە وزبەكستاننىڭ جىل باسىنان بەرى تازا ينۆەستيتسيالىق پوزيتسياسى تومەندەگەن.

Abai.kz