جاپونيانىڭ پرەمەر-ءمينيسترى فۋميو كيشيدا ايعا ميسسيا جىبەرەتىنىن مالىمدەدى. ايعا قونۋ اقش-پەن بىرلەسىپ جۇزەگە اسىرىلاتىن ايماقتاعى جانە جەر سەرىگىنىڭ بەتىندەگى كەڭ اۋقىمدى ءىس-شارالار باعدارلاماسى اياسىندا جوسپارلانعانىن ايتتى. 

تاسس اگەنتتىگىنىڭ حابارلاۋىنشا، جەلتوقسان ايىندا جاپونيانىڭ اەروعارىشتىق زەرتتەۋلەر اگەنتتىگى (JAXA) وسى جوسپارلاردى جۇزەگە اسىرۋعا قاتىساتىن استروناۆتتاردىڭ جاڭا توپتاماسىنا قاتىسۋعا وتىنىمدەردى قابىلداۋدى باستادى. بايقاۋ كەلەسى جىلدىڭ 4 ناۋرىزىنا دەيىن جالعاسادى.

JAXA استروناۆتار كورپۋسىندا قازىردىڭ وزىندە جەتى ادام بارىن، بۇل توپ مۇشەلەرىنىڭ ورتاشا جاسى 52 جاس ەكەنىن اتاپ ءوتتى. ايدى بەلسەندى زەرتتەۋ 2030 جىلدارى باستالماق.

2019 جىلدىڭ كوكتەمىندە امەريكا قۇراما شتاتتارىنىڭ ۇلتتىق اەروناۆتيكا جانە عارىش باسقارماسى (NASA) ايدى زەرتتەۋ جانە بارلاۋ باعدارلاماسىنىڭ جوباسىن جاريالادى. توكيو 2019 جىلى امەريكانىڭ اي باعدارلاماسىنا قوسىلۋ تۋرالى شەشىمىن جاريالادى. جاپونيانىڭ ءبىلىم، مادەنيەت، سپورت، عىلىم جانە تەحنولوگيالار مينيسترلىگى مەن NASA جەردىڭ تابيعي سەرىگىن بارلاۋ سالاسىنداعى ىنتىماقتاستىق تۋرالى كەلىسىمگە قول قويدى.

Abai.kz