پاكىستان قىتايدا جاسالعان 25 كوپ ماقساتتى J-10C جويعىش ۇشاعىن ساتىپ الدى. بۇل تۋرالى Press Trust of India اگەنتتىگى حابارلادى.

گازەتتىڭ حابارلاۋىنشا، مامىلە ءۇندى-پاكىستان قارىم-قاتىناسىنىڭ شيەلەنىسۋى اياسىندا جاسالعان. بۇل ساتىپ الۋ ءۇندىستاننىڭ اسكەري-اۋە كۇشتەرى فرانتسۋزدىق Rafale جويعىشتارىنىڭ كەزەكتى پارتياسىن العاننان كەيىن جاسالعان.

قازىرگى ۋاقىتتا پاكىستان اسكەري-اۋە كۇشتەرىمەن قىزمەت ەتەتىن ەڭ زاماناۋي جويعىشتار 2006 جىلى جەتكىزىلگەن امەريكاندىق F-16C / D Block 50/52 بولىپ تابىلادى. الايدا اقش پەن پاكىستاننىڭ اسكەري ىنتىماقتاستىعى قازىر وتە شەكتەۋلى.

J-10C جەتىلدىرىلگەن اۆياتسيالىق تەحنيكامەن، بەلسەندى فازالىق انتەننالىق رادارمەن جابدىقتالعان. جاقىن قاشىقتىقتاعى شايقاسقا ارنالعان جان-جاقتى باعىتتاۋشى باسى بار PL-10 زىمىراندارىمەن جانە بەلسەندى راديولوكاتسيالىق باسى بار الىس قاشىقتىقتاعى PL-15 زىمىراندارىمەن قارۋلانعان.

Abai.kz