دۇيسەنبىدە اقش-تا COVID-19 ينفەكتسياسىن جۇقتىرۋشىلار سانى ءبىر تاۋلىكتە  441,3 مىڭ ادامدى قۇراپ، جاڭا رەكورد ورنادى. مۇنداي دەرەكتەردى اقش-تىڭ اۋرۋلاردى باقىلاۋ جانە الدىن الۋ ورتالىقتارى جاريالادى.

فرانتسيانىڭ دەنساۋلىق ساقتاۋ ءمينيسترى وليۆە ۆەران سارسەنبىدە سوڭعى 24 ساعات ىشىندە ەلدە COVID-19 ينفەكتسياسىنىڭ رەكوردتىق 208,000 جاڭا وقيعاسى تىركەلگەنىن ايتتى. سوڭعى بىرنەشە كۇندە كوپتەگەن باسقا ەلدەردە، سونىڭ ىشىندە ۇلىبريتانيا، يتاليا، گرەتسيا، پورتۋگاليادا تاۋلىكتىك ۆيرۋس جۇقتىرعاندار سانى انتيرەكورد ورناتۋدا.

Reuters اگەنتتىگىنىڭ حابارلاۋىنشا، سوڭعى جەتى كۇندە الەمدە جاڭا ينفەكتسيالار سانى دا رەكوردتىق كورسەتكىشكە جەتتى: 22-28 جەلتوقسان ارالىعىندا الەمدە كۇن سايىن 900 مىڭعا جۋىق ۆيرۋس جۇقتىرعاندار تىركەلدى. اۋرۋلار سانىنىڭ كۇرت وسۋىنە وميكرون شتاممىنىڭ تارالۋى سەبەپ بولىپ وتىر. وسىعان بايلانىستى ءارتۇرلى ەلدەردىڭ بيلىگى نەگىزىنەن تىم قاتال بولماسا دا، جاڭا شەكتەۋلەر ەنگىزۋدە.

Abai.kz