«قتج» ۇك» اق كولىك پوليتسياسى جانە اسكەريلەندىرىلگەن تەمىر جول كۇزەتى قىزمەتكەرلەرىمەن بىرلەسىپ تەمىر جولداعى قۇقىق بۇزۋشىلىقتاردىڭ جولىن كەسۋ بويىنشا رەيدتەر جۇرگىزۋدە. باقىلاۋ مەكتەپ دەمالىسى مەن مەرەكە كۇندەرى كۇشەيتىلەدى.

- بۇنداي الدىن الۋ شارالارى تۇراقتى تۇردە وتكىزىلىپ تۇرادى. ءبىز ازاماتتارعا تەمىر جول – قاۋىپتىلىگى جوعارى ايماق ەكەنىن، قاۋىپسىزدىك شارالارىن ساقتاماۋ جازاتايىم وقيعالارعا اكەپ سوقتىرارىن تاعى دا تۇسىندىرەمىز. وكىنىشكە قاراي، ءبىزدىڭ بىرلەسە قابىلداعان كۇش-جىگەرىمىزگە قاراماستان، ادامدار ارنايى جابدىقتالعان وتكەلدەر مەن كوپىرلەردى ەلەمەي، رۇقسات ەتىلمەگەن جەرلەردە تەمىر جولدارىن كەسىپ ءوتۋدى، ۆاگونداردىڭ استىمەن ءجۇرۋدى جالعاستىرۋدا. ەگەر ۇلكەندەردىڭ وزدەرى نەمقۇرايدى قاراپ، جامان ۇلگى كورسەتسە، بالالار تۋرالى نە ايتۋعا بولادى، - دەيدى «قتج» ۇك» اق قاۋىپسىزدىك جونىندەگى ديرەكتورى مارات شاكەنوۆ. ول اكىمشىلىك-قىلمىستىق جاۋاپكەرشىلىكتى قاتايتىپ، ءتارتىپ بۇزۋشىلار ءۇشىن ايىپپۇلدى كوبەيتۋ قاجەت دەپ ەسەپتەيدى. بۇگىنگى كۇنى بەلگىلەنبەگەن ورىنداردا تەمىرجول ارقىلى وتكەنى ءۇشىن ايىپپۇل 3 اەك قۇرايدى.

«قازاقستان تەمىر جولى» ۇك» اق ءباسپاسوز قىزمەتى
press@railways.kz
8 (7172) 604285

Abai.kz