ءيا، بۇل ەندى جيىن ەمەس، ميتينگتە ەمەس، كوتەرىلىسكە ۇلاسقالى تۇر. كەشە تاڭعى 5-كە دەيىن جاڭاوزەندىك، اقتاۋلىق اعايىندارمەن بايلانىستا وتىردىم. بۇگىندە سول. تاراپ جاتقان ۆيدەولاردان دا بايقالعانداي، ماسەلە ءبىر گازبەن شەشىلمەيتىن سياقتى. ساياسي تالاپتار قويىلۋدا.

گازعا قاتىستى.

مۇناي مەن گاز قۇدىرەتتى كۇيەۋ بالالاردىڭ قولىندا، ونى نوعاەۆ پەن ءمامين تۇرماق، توقاەۆتا وزدىگىنەن شەشە المايدى.

وسىدان 10 جىل بۇرىنعى جاعدايدى ەسكە الساق، پروبلەما مۇنايشىلار جالاقىسىن كوتەرمەيمىن دەپ قيسايعان ورتانشى كۇيەۋ بالادان باستالعان ەدى. ارتى انادايعا ۇلاستى. بىراق، كۇيەۋ بالانىڭ ءبىر تال مۇرتى دا قيسايعان جوق. شەتەلدەن ءۇي العان ۇستىنە، ءۇي الىپ، كوڭىلدەستەرىن جارىلقاپ ءجۇرىپ جاتىر.
بۇل جولى جارتىلاي كوندى، گاز باعاسىن 85-90 تگ ءتۇسىردى، الايدا ولار ءولىپ كەتسە دە 50 تگ تۇسىرمەيدى! سەبەبى… سەبەبى كوپ. ەڭ باستىسى - حالىقتى جامان ۇيرەتىپ الامىز دەگەن وي!

ساياسي تالاپتارعا قاتىستى

وسىنداي، ولار ءۇشىن ۇساق-تۇيەك ماسەلەدە (گازعا باعا تۇسكەننەن دوللارلىق ميللياردەرلەردىڭ مۇرتىن بالتا شاپپايدى) ارتقا شەگىنبەيتىن ولار، بيلىكتەن كەت دەگەنگە كەتە قويا ما؟ ارينە كەتپەيدى! بيلىك - ولار ءۇشىن ءبارى!
بىراق، ماڭعىستاۋلىق اعايىنداردىڭ دا كەرى شەگىنەتىن تۇرلەرى بايقالمايدى.
ەندى نە بولادى؟ بۇنىڭ ارتى نەگە اپارىپ سوعادى؟ بەلگىسىز…

ابزال قۇسپان

Abai.kz