سەمەي قالالىق ءماسليحاتىنىڭ 5 دەپۋتاتى ءبىر كۇندە قىزمەتىنەن كەتتى.

24 قاڭتاردا سەمەي قالالىق ءماسليحاتىنىڭ دەپۋتاتتتارى ايدوس قيسامەنوۆ پەن دۋلات قاجمۇحانبەت الەۋمەتتىك جەلىدەگى پاراقشالارىندا «باسشىلىققا سەنىمىنىڭ جوعالعانىنان پارتيادان شىققانىن» جاريالاعان.

دۋلات قاجمۇحانبەت «وكىنىشكە وراي، «قالا باسشىلىعىنا دا، "Nur Otan" پارتياسىنىڭ ايماقتىق باسشىلىعى بولىپ تابىلاتىن وبلىس باسشىلىعىنا دا ءوز كوزقاراسى بار تاۋەلسىز ءماسليحات دەپۋتاتتارى كەرەك ەمەس. وبلىس اكىمى دانيال احمەتوۆتىڭ بۇيرىعىن دەر كەزىندە ورىندايتىن، تىلالعىشتار كەرەك. ءوز كوزقاراسىن بىلدىرگەنى ءۇشىن قۋعىنداپ، قورقىتىپ، قۇقىعىن تاپتاپ، اشىقتان-اشىق كۇرەسىپ، پارتيادان شىعارۋعا تىرىستى»،- دەپ جازدى بۇرىنعى دەپۋتات. ول «قاڭتاردىڭ قاندى وقيعاسى كەزىندە «Nur Otan» باسشىلىعى ەشقانداي قيمىلسىز وتىرعانىن» ايتادى.

ارىپتەسى ايدوس قيسامەنوۆ تە  قاڭتار وقيعاسى كەزىندە «Nur Otan» پارتياسىنىڭ ەش ارەكەتسىز وتىرعانىن جانە قارالى قىرعىن تۋرالى بىردە-ءبىر رەت تالقىلاماعاندارىن ايتادى.

«مەن دەپۋتاتتىق ينستيتۋتتات ابدەن كوڭىلىم قالدى. وسىنداي ماڭىزدى ساتتە پارتيا فيليالىنىڭ ارەكەتسىزدىگىنەن كوڭىلىم قالدى، سايلاۋشىلاردىڭ سەنىمى ءبىرجولا جوعالدى! ەسكى شىرىگەن ىرگەتاستا جاڭا قازاقستاندى قۇرۋ مۇمكىن ەمەس!»، دەپ جازعان ول.

ەكى دەپۋتات پارتيادان ءوز ەرىكتەرىمەن شىقتى. سونىمەن قاتار قايرات سماعۇلوۆ دەپۋتاتتىق مانداتىنان باس تارقان. رافايل حازيپوۆ، باۋىرجان قايرامباەۆ ازاپتاۋعا قارسى شىققانى ءۇشىن «Nur Otan» پارتياسى قۇرامىنان شىعارىلدى.

Abai.kz