"جاسىل دامۋ" اق اكىمشىسى ۋاقىتشا كادەگە جاراتۋ تولەمىن قابىلدامايتىن بولدى. "جاسىل دامۋ" قازىرگى ۋاقىتتا "وكم وپەراتورى" جشس-عا قاتىستى قۇزىرلى ورگاندار تەكسەرۋ جۇرگىزىپ جاتقانىن حابارلادى.

"وندىرۋشىلەردىڭ كەڭەيتىلگەن مىندەتتەمەلەرىن باسقارۋ فۋنكتسياسىن بۇرىنعى وپەراتوردان "جاسىل دامۋ" اق باسشىلىعىنا بەرۋ پروتسەسى اياقتالمادى", - دەلىنگەن حابارلامادا.

وسىعان بايلانىستى، مىناداي قىزمەتتەر ۋاقىتشا توقتاتىلعان: كادەگە جاراتۋ تولەمدەرىن قابىلداۋ، VETS/VESSSHT قابىلداۋ; ەسكى جابدىقتى كادەگە جاراتۋعا جەتكىزگەنى ءۇشىن وتەماقى تولەۋ، قالدىقتاردى جيناۋشىلاردى، تاسىمالداۋشىلاردى جانە وڭدەۋشىلەردى سۋبسيديالاۋ.

اكتسيونەرلىك قوعام بارلىق ۇيىمداستىرۋشىلىق-قۇقىقتىق پروتسەستەر اياقتالعاننان كەيىن، سەرۆەرلىك باعدارلامالىق قامتاماسىز ەتۋگە تولىق رۇقسات العاننان كەيىن "جاسىل دامۋ" اق بارلىق مىندەتتەمەلەرىن ورىندايتىنىنا سەندىردى.

"بىزگە قاتىسى جوق سەبەپتەرگە بايلانىستى قازىر مۇنى ىستەۋ مۇمكىن ەمەس. ءبىز بارىنەن جاعدايعا تۇسىنىكپەن قاراۋدى جانە قىزمەتتىڭ قايتا جاندانۋىن كۇتۋدى سۇرايمىز. اقپاراتتىق جۇيەلەر بويىنشا جۇمىستىڭ باستالعانى كەيىنىرەك حابارلانادى", - دەپ قوستى كومپانيا وكىلدەرى.

Abai.kz