پرەزيدەنت قاسىم-جومارت توقاەۆ Nur Otan پارتياسىنا ودان ارى توراعالىق ەتۋدىڭ ورىندىلىعى تۋرالى ماسەلە كەيىنىرەك تالقىلاناتىنىن مالىمدەدى.

"ەلىمىز دامۋدىڭ وتە كۇردەلى كەزەڭىنە اياق باسقانىن تۇسىنە وتىرىپ، مەن Nur Otan پارتياسىن باسقارۋ ۇسىنىسىن ريزاشىلىقپەن قابىلدايمىن. بۇل شەشىم پارتيانى ترانسفورماتسيالاۋ جانە بۇكىل قوعامدى توپتاستىرۋ جونىندەگى جۇمىسقا كىرىسۋگە دايىن ەكەنىنەن تۋىندادى", - دەدى توقاەۆ Nur Otan سەزىندە.

توقاەۆتىڭ ايتۋىنشا، مەملەكەت باسشىسى رەتىندە ول اشىق جانە ءادىل ساياسي باسەكەلەستىكتىڭ كەپىلى بولادى.

"مەنىڭ كونستيتۋتسيالىق مىندەتىم – بيلىكتىڭ بارلىق تارماعىنىڭ كەلىسىلگەن ءىس-ارەكەتىن جانە مەملەكەتتىك ورگانداردىڭ حالىق الدىنداعى جاۋاپكەرشىلىگىن قامتاماسىز ەتۋ.

بۇل جاعدايلار، ارينە، پرەزيدەنتتىڭ كەز كەلگەن پارتيالار مەن قوزعالىستاردىڭ قىزمەتىنەن الشاقتاۋىن بىلدىرەدى. سوندىقتان، ءبىراز ۋاقىتتان كەيىن، مۇمكىن جىل اياعىنا قاراي، مەنىڭ Nur Otan-عا ودان ارى توراعالىق ەتۋىمنىڭ ورىندىلىعى تۋرالى ماسەلەگە قايتا ورالامىز. مەملەكەت باسشىسىنىڭ تەڭدەسسىز مارتەبەسىن ساياسي رەفورمالاردىڭ اۋقىمدى پاكەتىندە تۇپكىلىكتى بەكىتۋ قاجەت", - دەپ قوستى پرەزيدەنت. وسىلايشا جىل سوڭىندا تاعى ءبىر ۇلكەن ترانسفورماتسيا بولۋى مۇمكىن ەكەنىن تۇسىنۋگە بولادى. بالكىم پرەزيدەنت پارتيا توراعالىعىنان كەتۋى دە مۇمكىن.

سونىمەن قاتار توقاەۆ: "ساياساتتا ەل مۇددەسىنە بەرىك بولۋ ايرىقشا ماڭىزدى. مەن پرەزيدەنت قىزمەتىندە جانە پارتيا جۇمىسىندا ءدال وسى قاعيدانى ۇستانامىن. ءبىز ەگەمەندىكتىڭ ءتورتىنشى ونجىلدىعىنا قادام باستىق. الدىمىزدا جاڭا مىندەتتەر تۇر. بىرلىگىمىز بەكەم بولسا، ونىڭ ءبارىن ورىندايمىز" - دەدى.

Abai.kz