پرەزيدەنت قاسىم-جومارت توقاەۆ قازاقستاننىڭ مەملەكەتتىك حاتشىسى ەرلان قاريننىڭ وكىلەتتىگىن وزگەرتتى. مەملەكەت باسشىسىنىڭ 25 قاڭتارداعى № 787 جارلىعىنا سايكەس، مەملەكەتتىك حاتشى تومەندەگىدەي وكىلەتتىكتەردى جۇزەگە اسىرادى:

1) قازاقستان رەسپۋبليكاسىنىڭ پرەزيدەنتىنە ىشكى ساياسات سالاسىندا ستراتەگيالىق ۇسىنىستار ازىرلەيدى.

2) قازاقستان رەسپۋبليكاسىنىڭ پارلامەنتىمەن جانە ونىڭ پالاتالارىمەن، باسقا دا مەملەكەتتىك ورگاندارمەن، ساياسي پارتيالارمەن جانە قوعامدىق بىرلەستىكتەرمەن قارىم-قاتىناستاردا; حالىقارالىق قاتىناستاردا مەملەكەت باسشىسىنىڭ تاپسىرماسى بويىنشا ونىڭ مۇددەسىن جەتكىزەدى.

3) الەۋمەتتىك-گۋمانيتارلىق سالا: ءبىلىم، عىلىم، مادەنيەت جانە سپورت ماسەلەلەرى جونىندەگى; مەملەكەت باسشىسىنىڭ جانىنداعى كونسۋلتاتيۆتىك-كەڭەسشى ورگانداردىڭ: سىبايلاس جەمقورلىققا قارسى ءىس – قيمىل ماسەلەلەرى جونىندەگى كوميسسيانىڭ; مەملەكەتتىك ناگرادالار جونىندەگى كوميسسيانىڭ; ازاماتتىق ماسەلەلەرى جونىندەگى كوميسسيانىڭ; قازاقستان رەسپۋبليكاسى تۇڭعىش پرەزيدەنتىنىڭ-ەلباسىنىڭ مەملەكەتتىك بەيبىتشىلىك جانە پروگرەسس سىيلىعىن بەرۋ جونىندەگى كوميسسيانىڭ; مەملەكەتتىك رامىزدەر مەن ۆەدومستۆولىق جانە ولارعا تەڭەستىرىلگەن وزگە دە ناگرادالار گەرالديكاسى جونىندەگى رەسپۋبليكالىق كوميسسيانىڭ; شەتەلدە كادرلار دايارلاۋ جونىندەگى رەسپۋبليكالىق; قازاقستان رەسپۋبليكاسىنىڭ ءال-فارابي اتىنداعى عىلىم مەن تەحنيكا سالاسىنداعى مەملەكەتتىك سىيلىعىن بەرۋ جونىندەگى كوميسسيانىڭ; اباي اتىنداعى ادەبيەت پەن ونەر سالاسىنداعى قازاقستان رەسپۋبليكاسىنىڭ مەملەكەتتىك سىيلىعىن بەرۋ جونىندەگى كوميسسيانىڭ; قوعامدىق سانانى جاڭعىرتۋ باعدارلاماسىن ىسكە اسىرۋ جونىندەگى ۇلتتىق كوميسسيانىڭ; ساياسي قۋعىن-سۇرگىن قۇرباندارىن تولىق اقتاۋ جونىندەگى مەملەكەتتىك كوميسسيانىڭ; ۇلتتىق قوعامدىق سەنىم كەڭەسىنىڭ جانە جاستار ساياساتى جونىندەگى كەڭەستىڭ قىزمەتىن ۇيلەستىرەدى.

4) قازاقستان رەسپۋبليكاسى پرەزيدەنتىنىڭ جانىنداعى قازاقستاننىڭ ستراتەگيالىق زەرتتەۋلەر ينستيتۋتىنىڭ قىزمەتىنە جەتەكشىلىك ەتەدى، قوعامدىق دامۋ سالاسىنداعى مەملەكەتتىك تالدامالىق قۇرىلىمداردىڭ جۇمىسىن ۇيىمداستىرادى.

5) «تاۋەلسىزدىك ۇرپاقتارى» گرانتىن بەرۋ بويىنشا جۇمىستى ۇيىمداستىرادى.

6) قازاقستان رەسپۋبليكاسىنىڭ تاپسىرمالارىنا سايكەس وزگە دە وكىلەتتىكتەردى جۇزەگە اسىرادى.

جارلىق قولدانىسقا ەنگىزىلدى.

ەرلان قارين قازىرگى ۋاقىتتا قازاقستاننىڭ مەملەكەتتىك حاتشىسى قىزمەتىن اتقارادى. ول بۇل قىزمەتكە 2022 جىلدىڭ 5 قاڭتارى كۇنى تاعايىندالعان. بۇعان دەيىن قازاقستان پرەزيدەنتىنىڭ كەڭەسشىسى، سوسىن كومەكشىسى قىزمەتتەرىن اتقارعان. ودان بولەك، ۇلتتىق قوعامدىق سەنىم كەڭەسىنىڭ حاتشىسى.

Abai.kz