قر ورتالىق سايلاۋ كوميسسياسى پارلامەنت ماجىلىسىنە نۇرلان نىعماتۋليننىڭ وكىلەتىگىن توقتاتۋ تۋرالى ۇسىنىس ەنگىزىپ، ۇسىنىس قابىلدانعان بولاتىن. نۇرلان نىعماتۋلين 2016 جىلدان بەرى سپيكەر قىزمەتىندە بولدى.

جالپى ءماجىلىستىڭ بۇرىنعى توراعاسىنىڭ قىزمەت جولى كەلەسىدەي: 

1985-1990 جىلدارى - قازاقستان لكجو لەنين اۋداندىق كوميتەتىنىڭ ءبىرىنشى حاتشىسى، قازاقستان لكجو وك كومسومول ۇيىمدارى ءبولىمى مەڭگەرۋشىسىنىڭ ورىنباسارى، قازاقستان لكجو قاراعاندى وبلىستىق كوميتەتىنىڭ حاتشىسى، ءبىرىنشى حاتشىسى.

1990-1993 جىلدارى - قازاقستان جاستار ۇيىمدارى كوميتەتىنىڭ توراعاسى.

1993-1995 جىلدارى – «تەنگري» قازاق-امەريكالىق بىرلەسكەن كاسىپورىننىڭ پرەزيدەنتى.

1995-1999 جىلدار ارالىعىندا - قازاقستان رەسپۋبليكاسى پرەزيدەنتى اكىمشىلىگىنىڭ ۇيىمداستىرۋ-باقىلاۋ ءبولىمىنىڭ مەملەكەتتىك ينسپەكتورى، ءبولىم مەڭگەرۋشىسىنىڭ ورىنباسارى.

1999-2002 جىلدارى - استانا قالاسى اكىمىنىڭ ورىنباسارى.

2002-2004 جىلدار ارالىعىندا - قازاقستان رەسپۋبليكاسى كولىك جانە كوممۋنيكاتسيا ۆيتسە-ءمينيسترى.

2004-2006 جىلدارى - قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى.

2006-2009 جىلدار ارالىعىندا - قاراعاندى وبلىسىنىڭ اكىمى.

2009-2012 جىلدار ارالىعىندا – «Nur Otan» پارتياسى توراعاسىنىڭ ءبىرىنشى ورىنباسارى.

2012 جىلعى 20 قاڭتار - 2014 جىلعى 3 ءساۋىر ارالىعىندا بەسىنشى سايلانعان قازاقستان رەسپۋبليكاسى پارلامەنتى ءماجىلىسىنىڭ توراعاسى، «Nur Otan» پارتياسىنىڭ قازاقستان رەسپۋبليكاسى پارلامەنتى ماجىلىسىندەگى فراكتسياسىنىڭ جەتەكشىسى.

2014 جىلعى 3 ءساۋىر - 2016 جىلعى 21 ماۋسىم ارالىعىندا قازاقستان رەسپۋبليكاسى پرەزيدەنتى اكىمشىلىگىنىڭ باسشىسى قىزمەتىن اتقاردى.

2016 جىلعى 22 ماۋسىمنان باستاپ التىنشى سايلانعان قازاقستان رەسپۋبليكاسى پارلامەنتى ءماجىلىسىنىڭ توراعاسى بولىپ ءبىراۋىزدان سايلاندى، «Nur Otan» پارتياسىنىڭ مۇشەسى، پارتيالىق ءتىزىم بويىنشا سايلانعان.

2019 جىلعى 22 تامىزنان – «Nur Otan» پارتياسىنىڭ ماجىلىستەگى فراكتسياسىنىڭ جەتەكشىسى.

2021 جىلعى 14 قانتاردان – «Nur Otan» پارتياسىنىڭ ماجىلىستەگى فراكتسياسىنىڭ جەتەكشىسى.

2021 جىلعى 15 قانتاردان - جەتىنشى سايلانعان قازاقستان رەسپۋبليكاسى پارلامەنتى ءماجىلىسىنىڭ توراعاسى بولىپ ءبىراۋىزدان سايلاندى.

نۇرلان نىعماتۋليننىڭ ورنىنا كەلگەن ەرلان قوشانوۆ بۇعان دەيىن پرەزيدەنت اكىمشىلىگىن باسقارعان بولاتىن.

ەرلان قوشانوۆ ەڭبەك جولىن «جەزقازعانتۇستىمەتالل» عوب بايىتۋ فابريكاسىنىڭ سلەسارى، شەبەرى بولىپ باستاعان. ارتىنشا 1988-1990 جج. – قلكجو جەزقازعان وبلىستىق كوميتەتىنىڭ نۇسقاۋشىسى، ءبولىم مەڭگەرۋشىسى، 1990-1995 جج. – جەزقازعان وبلىستىق سىرتقى-ەكونوميكالىق بايلانىس كوميتەتىنىڭ جەتەكشى، باس مامانى، ءبولىم باستىعى، توراعانىڭ ورىنباسارى، توراعاسى، 1995 ج. – جەزقازعان وبلىستىق سىرتقى-ەكونوميكالىق بايلانىس كوميتەتىنىڭ توراعاسى، 1995-1999 جج. – قازاقستان رەسپۋبليكاسى پارلامەنتى سەناتىنىڭ دەپۋتاتى، 1999-2001 جج. – قازاقستان رەسپۋبليكاسى پارلامەنتىندەگى ۇكىمەت وكىلى، 2001-2003 جج. – قر پرەمەر-ءمينيسترى كەڭسەسى باسشىسىنىڭ ورىنباسارى - قازاقستان رەسپۋبليكاسى پارلامەنتىندەگى ۇكىمەت وكىلى، 2003-2006 جج. – قر كولىك جانە كوممۋنيكاتسيا ۆيتسە-ءمينيسترى، 2006-2007 جج. – قر كولىك جانە كوممۋنيكاتسيا مينيسترلىگى ازاماتتىق اۆياتسيا كوميتەتىنىڭ توراعاسى، 2007-2012 جج. – قر پرەمەر-ءمينيسترى كەڭسەسى باسشىسىنىڭ ورىنباسارى - ۇكىمەتتىڭ پارلامەنت ماجىلىسىندەگى وكىلى، 2012 جىلدىڭ 2 اقپانىنان – 2017 جىلدىڭ 14 ناۋرىزىنا دەيىن – قر پرەمەر-ءمينيسترى كەڭسەسى باسشىسى، 2017 جىلدىڭ 14 ناۋرىزىنان – 2019 جىلدىڭ 18 قىركۇيەگىنە دەيىن – قاراعاندى وبلىسىنىڭ اكىمى، 2019 جىلدىڭ 17 ماۋسىمىندا وسى لاۋازىمعا قايتا تاعايىندالدى، 2019 جىلدىڭ 18 قىركۇيەگىنەن باستاپ - قازاقستان رەسپۋبليكاسى پرەزيدەنتى اكىمشىلىگىنىڭ باسشىسى قىزمەتتەرىن اتقارعان.

Abai.kz