تۇركيا قازاقستانعا ۇشقىشسىز اپپاراتتار جەتكىزبەك. بۇل تۋرالى TUSAŞ كومپانياسىنىڭ باس ديرەكتورى تەمەل كوتيل حابارلاعان.

«تۇرىك اەروعارىش كومپانياسى –   Türk Havacılık ve Uzay Sanayii AŞ (TUSAŞ) بىرنەشە ايدىڭ ىشىندە  Anka ۇشقىشسىز اپپاراتتارىن قازاقستانعا جەتكىزەدى»، –  تەمەل كوتيل.

قاڭتار وقيعاسىنان كەيىن جاڭا قورعانىس ءمينيسترىن تاعايىنداعان كەزدە پرەزيدەنت توقاەۆ قارۋ-جاراقتىڭ ەسكىرگەنىن ايتقان ەدى.

«اسكەردەگى قارۋ-جاراقتىڭ دەنى – 30-50 جىل بولعان كەڭەس داۋىرىندەگى تەحنيكا. ەسكىرگەن تەحنيكالاردىڭ مەرزىمىنىڭ وتكەنىنە بايلانىستى قارۋ-جاراق پاركىن جاڭارتۋ ءۇشىن شۇعىل شارالار قابىلداۋ قاجەت. قارۋلى كۇشتەر زاماناۋي ءارى جوعارى تەحنولوگيالىق قارۋ-جاراقپەن، اسكەري تەحنيكامەن جابدىقتالۋى ءتيىس. قابىلداناتىن شارالار جۇيەلى بولۋى كەرەك. قارۋ-جاراق پەن اسكەري تەحنيكانى جوندەيتىن، ولارعا قىزمەت كورسەتەتىن وتاندىق ءوندىرىستى دامىتۋ قاجەت»، – دەگەن ەدى پرەزيدەنت.

پرەزيدەنتتىڭ «قارۋلى كۇشتەر زاماناۋي ءارى جوعارى تەحنولوگيالىق قارۋ-جاراقپەن، اسكەري تەحنيكامەن جابدىقتالۋى ءتيىس» دەگەن تاپسىرماسىنا سايكەس تۇركيادان جاڭا زاماناۋي ۇشقىشسىز اپپاراتتار ساتىپ الىنۋى مۇمكىن. بىراق قورعانىس مينيسترلىگىندە تۇركيادان ۇشقىشسىز اپپاراتتار الىناتىنى جايلى رەسمي ءسوز ءالى ايتىلعان جوق.

Abai.kz