«قازاتومونەركاسىپ» كومپانياسىنىڭ بۇرىنعى پرەزيدەنتى، بەلگىلى كريزيس-مەنەدجەر مۇحتار جاكىشەۆ «بايتاسوۆ LIVE» Youtube كانالىنا قاڭتار تراگەدياسى تۋرالى كەڭ كولەمدى سۇحبات بەردى، دەپ حابارلايدى Inbusiness.kz.

«تەك ءبىر جاعدايدا عانا. ەگەر مەنىڭ قىزمەتىم شىنىمەن دە رەفورمالارعا جول اشاتىن بولسا، بارامىن. ال ەگەر حالىق سەنىم ارتاتىن ادامنىڭ سيمۆولى رەتىندە جۇرتتى تىنىشتاندىرۋ ءۇشىن شاقىرسا، تەك وسىنداي موتيۆپەن ۇسىنسا، «جوق» دەپ ايتامىن. ءۇزىلدى-كەسىلدى كەلىسپەيمىن. مەنىڭ قولىمدا ءبىلىم مەن رەپۋتاتسيام عانا بار. سول ءبىلىمىم مەن رەپۋتاتسيامدى جۇمىس ءجۇرىپ جاتقانداي ەلەس تۋعىزۋعا نەمەسە قىزمەت ءۇشىن جۇمساعىم كەلمەيدى. مەنى قىزمەت تە، لاۋازىم دا قىزىقتىرمايدى. ەشقاشان قىزىقتىرعان ەمەس. قازىرگى جاعدايدا تىپتەن قىزىقتى ەمەس. ەگەر مەنىڭ قىزمەتكە بارۋىم ەلدىڭ پايداسىنا قىزمەت ەتسە، جىلدام رەفورماعا اكەلەتىن بولسا، ءيا، مەن دايىنمىن. ال مۇنىڭ ءبارى قۇر ءسوز عانا بولىپ شىقسا، ەشقانداي جاعدايدا كەلىسپەيمىن. وعان ۋاقىت شىعىنداعىم كەلمەيدى»، – دەدى مۇحتار جاكىشەۆ.

سونداي-اق ول قاڭتار وقيعاسى قوعامدى بولشەكتەپ كەتكەنىن، رەفورما جاساۋ ءۇشىن قوعامنىڭ تۇتاسۋى كەرەكتىگىن دە ايتقان.

«بۇل وقيعالارمەن بايلانىستى تاعى ءبىر وراسان پروبلەما بار. ول – قوعامنىڭ ىدىراۋى. وسى وقيعالاردان كەيىن ءبىز ءبىلىمى بارلار مەن ءبىلىم جوقتار دەپ، قالالىق، اۋىلدىق، قالا ماڭىنداعىلار دەپ، مارگنيالدار مەن باقۋاتتىلار دەپ بولىنەتىن بولدىق. قۇقىق قورعاۋشىلار ءبىر جاقتا، ەرەۋىلشىلەر ءبىر جاقتا، بەيبىت تۇرعىندار ءبىر جاقتا قالدى. ەلدە قانداي دا ءبىر رەفورما جۇرگىزۋ ءۇشىن قوعامنىڭ توپتاسۋى كەرەك دەپ ويلايمىن»، – دەدى جاكىشەۆ.

Abai.kz