جانات سامات قازاقستانداعى كادەگە جاراتۋ تولەمىنە جاۋاپتى "جاسىل دامۋ" اق باسشىسى بولىپ تاعايىندالدى. بۇل تۋرالى Tengrinews.kzكە سىلتەمە جاساپ Abai.kz حابارلايدى.

ەكولوگيا، گەولوگيا جانە تابيعي رەسۋرستار مينيسترلىگىنىڭ ءباسپاسوز قىزمەتى وكىلى ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشەۆتىڭ بۇيرىعى بويىنشا "جاسىل دامۋ" اق باسقارما توراعاسى بولىپ جانات سامات تاعايىندالعانىن مالىمدەدى.

جانات سامات 1980 جىلى اقتاۋ قالاسىندا دۇنيەگە كەلگەن. 2001 جىلى ەسەنوۆ اتىنداعى اقتاۋ ۋنيۆەرسيتەتىن بىتىرگەن.

ەڭبەك جولىن 2001 جىلى ماڭعىستاۋ وبلىسى بويىنشا سالىق كوميتەتىنىڭ ءىرى سالىق تولەۋشىلەردى تالداۋ جانە مونيتورينگ ءبولىمىنىڭ باس سالىق ينسپەكتورى رەتىندە باستادى. ءار جىلدارى ءوڭىردىڭ سالىق كوميتەتىندە كەلىسپەۋشىلىكتەر مەن كونسۋلتاتسيا ءبولىمىنىڭ، جەكە تۇلعالار ءاۋديتى ءبولىمىنىڭ، جەر قويناۋىن پايدالانۋشىلار ءاۋديتى ءبولىمىنىڭ باس سالىق ينسپەكتورى بولىپ جۇمىس ىستەدى.

2008 جىلى ماڭعىستاۋ وبلىسىنىڭ كاسىپكەرلىك جانە ونەركاسىپ باسقارماسى باستىعىنىڭ ورىنباسارى بولىپ تاعايىندالدى، سودان كەيىن "كاسپي "اكك "ۇك" اق باسقارما توراعاسىنىڭ ورىنباسارى لاۋازىمىنا تاعايىندالدى.

2014 جىلدان 2016 جىلعا دەيىن قىزىلوردا قالاسىندا "بايقوڭىر" الەۋمەتتىك-كاسىپكەرلىك كورپوراتسياسى" ۇك" اق باسقارما توراعاسى بولىپ جۇمىس ىستەدى. 2019 جىلدان باستاپ قازاقستان رەسپۋبليكاسى ەكولوگيا، گەولوگيا جانە تابيعي رەسۋرستار ءمينيسترىنىڭ كەڭەسشىسى بولدى.

2020 جىلدان باستاپ قازاقستان رەسپۋبليكاسى ەكولوگيا، گەولوگيا جانە تابيعي رەسۋرستار مينيسترلىگى جانىنداعى "قورشاعان ورتانى قورعاۋدىڭ اقپاراتتىق-تالداۋ ورتالىعى" شجق رمك باس ديرەكتورى بولىپ جۇمىس ىستەدى.

تۇرمىستا، ءۇش بالا تاربيەلەپ وتىر. ول - ەكونوميكا عىلىمدارىنىڭ كانديداتى.

Abai.kz