الماتى وبلىسىندا مەملەكەتتىك قىزمەتتىڭ الەۋەتىن ارتتىرۋ ءۇشىن 2018 جىلى ءى.جانسۇگىروۆ اتىنداعى جەتىسۋ ۋنيۆەرسيتەتىمەن ەكى جاقتى مەموراندۋمعا قول قويىلىپ، ناتيجەسىندە «جەتىسۋ» - «مەملەكەتتىك قىزمەت مەكتەبى» جۇمىسىن باستاعان ەدى. بۇگىن، اتالمىش باستاما قاناتىن كەڭگە جايىپ، ءورىسى كەڭىدى. قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ الماتى وبلىسى بويىنشا دەپارتامەنتى جوبانىڭ جاندانۋى ءۇشىن، وبلىستىق ىشكى ساياسات جانە ءبىلىم باسقارمالارىمەن، سونداي-اق، قر پرەزيدەنتى جانىنداعى مەملەكەتتىك باسقارۋ اكادەمياسىنىڭ ايماقتاعى فيليالىمەن مەموراندۋمعا قول قويدى.

جاڭا باعىت، جاڭا تالاپ، وزگە قوعام. بۇنىڭ بارلىعى مەملەكەتتىك ىستەگى وزگەرىستەردى تالاپ ەتەدى. ءباسى استە جوعارى، قىزمەتتەگى تالابى تىم بيىك سالانىڭ سۋىعىنا توڭىپ، وتىنا كۇيەتىندەر نەكەن-ساياق. ولاي دەۋگە نەگىزدە جوق ەمەس. قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ الماتى وبلىسى بويىنشا دەپارتامەنتىنىڭ باسشىسى ءلاززات بەيسەقۇلوۆانىڭ كەلتىرگەن دەرەكتەرىنە سۇيەنسەك، 2021 جىلى مەملەكەتتىك قىزمەتكە تۇرعان 230 ادامنىڭ 34-ءى ءبىر جىلعا جەتەر-جەتپەس ۋاقىتتا ءوز ەرىكتەرىمەن جۇمىستان كەتكەن. باستى سەبەپ، مەملەكەتتىك قىزمەتكەرگە قويىلار تالاپ.

«مەملەكەتتىك قىزمەتكە كەلىپ، باسقا سالادا جۇمىس جاساۋدى قۇپ كورىپ جاتادى. سونداي-اق، جالاقىنىڭ تومەندىگى جانە وتباسىلىق ءمان-جايلار. بۇل جاس كادرلاردىڭ مەملەكەتتىك قىزمەتشىلەردىڭ يىعىنا تۇسەتىن تالاپتارعا، شەكتەۋلەرگە جانە جاۋاپكەرشىلىككە دايىن ەمەستىگىن كورسەتەدى. قازىرگى زامانعى مەملەكەتتىك قىزمەتشى سترەسسكە ورنىقتىلىق، باستاماشىلدىق، جاۋاپكەرشىلىك، پاراساتتىلىق، جەدەلدىلىك سياقتى قۇزىرەتتەرگە يە بولۋى كەرەك، ياعني باسەكەگە قابىلەتتى بولۋى ءتيىس»،-دەيدى قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ الماتى وبلىسى بويىنشا دەپارتامەنتىنىڭ باسشىسى ءلاززات بەيسەقۇلوۆا.

دەپارتامەنت باسشىسىنىڭ اتاپ وتكەن ماسەلەلەرىنىڭ شەشىمىن تابۋدىڭ ءبىر جولى- "جەتىسۋ" - "مەملەكەتتىك قىزمەت مەكتەبى" بولىپ تابىلادى.
مەملەكەتتىك قىزمەتكە ءوزىنىڭ بولاشاق ءومىرى مەن مانسابىن مەملەكەتتىك قىزمەتپەن بايلانىستىراتىن ادامدار كەلۋى ءتيىس. ويتكەنى، مەملەكەتتىك قىزمەت-بۇل جاي جۇمىس، ەمەس-بۇل كاسىپ. سوندىقتان، جاستار مەملەكەتتىك قىزمەت مەكتەبىن ءبىتىرىپ، وندا مەملەكەتتىك قىزمەتشىلەرگە قويىلاتىن تالاپتاردى يگەرىپ، شەكتەۋلەر تۋرالى تۇسىنىكتى سانالارىنا ءتۇيىپ كەلۋى ءتيىس. وسى تۇرعىسىندا، «جەتىسۋ» – «مەملەكەتتىك قىزمەت مەكتەبىنىڭ» جۇمىسى وراسان زور ءرول ويناماق.

جالپى اتالعان جوبانىڭ جۇزەگە اسقانىنا 3 جىلدان استى. وسى ۋاقىتتا 84 ستۋدەنت ءبىلىم الىپ، ونىڭ 50% - دان استامى مەملەكەتتىك قىزمەتكە ورنالاستى.

ناتيجەلى جۇمىستى ودان ءارى جالعاستىرۋ وڭتايلى شەشىم. سول سەبەپتى، ۋاقىتتىڭ جاڭا تالاپتارىنا سايكەس، ەنگىزىلگەن وزگەرىستەرمەن دەپارتامەنت، مەملەكەتتىك قىزمەت اكادەمياسىنىڭ فيليالى، ءبىلىم باسقارماسى جانە وبلىستىڭ ىشكى ساياسات باسقارماسى اراسىندا ءتورت جاقتى مەموراندۋمعا الداعى ءۇش جىل بىرگە جۇمىس جاساماققا قول قويدى. ەندىگى جۇمىستىڭ سيپاتى دا وزگەرمەك. ەگەر بۇرىن مەكتەپ ستۋدەنتتەرى ءۇشىن ساباقتار ءى. جانسۇگىروۆ اتىنداعى ۋنيۆەرسيتەتتە وتكەن بولسا، بۇدان بىلاي ساباقتار قر پرەزيدەنتى جانىنداعى مەملەكەتتىك باسقارۋ اكادەمياسىنىڭ الماتى وبلىسى فيليالىنىڭ عيماراتىندا وتەدى، وندا ساپالى جانە ءتيىمدى ساباقتاردى وتكىزۋ ءۇشىن بارلىق قاجەتتىلىكتەرمەن جابدىقتالعان.

"جەتىسۋ" مەكتەبىنىڭ وقىتۋشىلار قۇرامى اكادەميا فيليالىنىڭ ۇزدىك وقىتۋشىلارى مەن لەكتورلارىنان قۇرالعان. ولار ءوز كەزەگىندە تاجىريبەلەرىمەن ءبولىسىپ، مەملەكەتتىك قىزمەتتە باعىن سىناعىسى كەلەتىنىن جاستارعا باعىت-باعدار بەرەدى. وقۋ بارىسى تەوريا مەن پراكتيكاعا نەگىزدەلەدى. اكادەميا قابىرعاسىندا ءبىلىم العاندار الداعى تاڭدا تاجىريبە الماسۋ ءۇشىن وبلىستاعى مەملەكەتتىك مەكەمەلەردەن ءىس-تاجىريبەدەن وتەدى. بۇل ولارعا تەز بەيىمدەلۋگە جانە حالىققا قىزمەت ەتۋگە كىرىسۋگە مۇمكىندىك بەرەدى.

Abai.kz