بيلىك باسىنداعى ايقىن باسىمدىققا يە «نۇر وتان» پارتياسىنا دەگەن قوعام پىكىرى ەكىۇشتى. ەل-جۇرتتىڭ دەنى بۇل پارتياعا قاتىستى كوڭىل تولماۋشىلىقتارىن ءبىلدىرىپ جاتىر. ال وتكەن ايدىڭ اياعىندا پارتياىشىلىك سەز ءوتىپ، پارتيا تىزگىنىن پرەزيدەنت توقاەۆ ۇستاعان ەدى.

سول جيىندا پرەزيدەنت:

«مەنىڭ كونستيتۋتسيالىق مىندەتىم – بيلىكتىڭ بارلىق تارماعىنىڭ كەلىسىلگەن ءىس-ارەكەتىن جانە مەملەكەتتىك ورگانداردىڭ حالىق الدىنداعى جاۋاپكەرشىلىگىن قامتاماسىز ەتۋ.

بۇل جاعدايلار، ارينە، پرەزيدەنتتىڭ كەز كەلگەن پارتيالار مەن قوزعالىستاردىڭ قىزمەتىنەن الشاقتاۋىن بىلدىرەدى. سوندىقتان، ءبىراز ۋاقىتتان كەيىن، مۇمكىن جىل اياعىنا قاراي، مەنىڭ «نۇر وتانعا» ودان ارى توراعالىق ەتۋىمنىڭ ورىندىلىعى تۋرالى ماسەلەگە قايتا ورالامىز»، - دەپ سويلەگەن ەدى.

وسىعان بايلانىستى ءبىز، Abai.kz اقپاراتتىق پورتالى وقىرماندارى اراسىندا «پرەزيدەنت توقاەۆقا «نۇر وتان» پارتياسى كەرەك پە؟» اتتى ساۋالناما جۇرگىزگەن ەدىك. ساۋالنامانى كۇنى بۇگىنگە دەيىن 6 مىڭنان اسا ادام قاراپ، 60-قا جۋىق جازبا پىكىر تۇسكەن.

ساۋالناماعا قاتىسۋشىلاردىڭ 48.4%-ى (519) «پرەزيدەنت ەشبىر پارتياعا مۇشە بولماۋى ءتيىس»، - دەپ جاۋاپ بەرسە، تاعى 30%-ى (322) «پرەزيدەنت «نۇر وتاندى» تاراتۋى كەرەك»، - دەگەن جاۋاپتى تاڭداعان. ال رەسپوندەنتتەردىڭ 7 پايىزى «پرەزيدەنت توقاەۆ ءوز پارتياسىن قۇرۋى ءتيىس» دەپ ەسەپتەيدى ەكەن.

سونىمەن قاتار، ساۋالناماعا قاتىسۋشىلاردىڭ 6,3 پايىزى «پرەزيدەنت توقاەۆ «نۇر وتانعا» مۇشە بولۋى كەرەك»، - دەپ جاۋاپ بەرسە، رەسپوندەنتتەردىڭ 8,3 پايىزى كەرىسىنشە، «نۇر وتانعا» مۇشە بولماۋى كەرەك»، - دەگەن جاۋاپ نۇسقاسىن تاڭداعان ەكەن. ال ءسىز قالاي ويلايسىز؟

Abai.kz