سااكاشۆيلي بيلىككە كەلگەن سوڭ سوۆەت زامانىندا "ۆورلار وتانى" اتانعان گرۋزياداعى كۋتايسي قالاسىنا مىناداي ادەمى عيمارات تۇرعىزىپ پارلامەنت ءۇيىن كۋتايسيگە كوشىرىپ جىبەرگەن ەدى.

كەنجەلەپ ارتتا قالعان وڭىرگە جان ءبىتسىن دەگەن نيەتى بولسا كەرەك.
گرۋزيا دەپۋتاتتارى 2012 جىلدان 2019 جىلعا شەيىن كۋتايسيدە جۇمىس ىستەدى.
بىراق كەيىن ولار قايتا تبيليسيگە كوشتى.

قازاقستاندا ەڭ ساياسي ءوڭىر - ماڭعىستاۋ ءوڭىرى ەكەندىگى بەلگىلى.
اقتاۋعا دا وسىنداي پارلامەنت عيماراتىن سالىپ ءبىزدىڭ دەپۋتاتتاردى سول جاققا كوشىرەر ما ەدى شىركىن.
ءبارى استانادا توپىرلاپ نە ىستەيدى؟

ماڭعىستاۋ حالقى ولاردان شىنايى، حالىقشىل، تارپاڭ دەپۋتاتتار تاربيەلەپ شىعارار ەدى.

دەپۋتاتتار جۇلىنىپ جۇمىس ىستەگەن ەلدە حالىق تا باقۋاتتى تۇرادى. ءوز كەزەگىندە وزەن مەن اقتاۋ حالقى ءبىزدىڭ دەپۋتاتتارعا كۇشتى دوپينگ بەرەر ەدى.
استانا - اكىمشىلىك ورتالىق، الماتى - بيزنەس، قارجى ورتالىعى، اقتاۋدا زاڭ شىعارۋشى ورگان پارلامەنت، حالىق قالاۋلىلارىنىڭ ورداسى ورنالاسسا..
ول ارادا كۇلتوبەنىڭ باسى كۇندە جيىن، "يا حالىقتىڭ مۇڭ مۇقتاجىن ايتاسىز، يا حازار تەڭىزىنە باتاسىز دەپۋتات مىرزا" بولاتىن ەدى.

بۇل پارلامەنت ورتا ازياداعى ەڭ دەموكراتيالىق پارلامەنت بولار ما ەدى.
وسىلاي قازاقتىڭ ءۇش تاعانى تۇگەندەلىپ قالۋشى ەدى...

ولجاس ءابىل

Abai.kz