نۇر-سۇلتان قالاسىنىڭ پروكۋراتۋراسى ەلوردا اكىمىنىڭ بۇرىنعى ورىنباسارى قانات سۇلتانبەكوۆتىڭ ۇقك بۇرىنعى باسشىسى كارىم ءماسىموۆتىڭ جانجال تۋدىرعان LRT ءىسىن تەرگەۋگە كەدەرگى كەلتىرگەنى تۋرالى اقپاراتىنا تۇسىنىكتەمە بەردى.

قانات سۇلتانبەكوۆ قاڭتار ايىندا الەۋمەتتىك جەلىدە كارىم ءماسىموۆتى جازىقسىز ادامداردى زاڭسىز قۋدالادى جانە جولداستارىنىڭ قىلمىسىن جاسىردى دەپ ايىپتاعان بولاتىن.

«ەندى ءسىز، ءماسىموۆ، «استانا LRT» جوباسىنىڭ تەرگەۋىنە نەگە قاتتى ارالاسىپ، وزىڭىزگە بەرىلگەن بار وكىلەتتىكپەن مەنىڭ ايعاقتارىما جول بەرمەي، جوبانىڭ اقشاسىن جىمقىردى دەگەن ايىپتىڭ بارلىعىن ماعان جاۋىپ تاستاعانىڭىز بەلگىلى بولدى. ويتكەنى، 2015 جىلى جەلتوقساندا وسى جوبانىڭ نەسيەلىك قۇجاتتارىنا قول قويعان كەزدە قىتاي دامۋ بانكىنەن نەسيە الۋدىڭ باستاۋىندا ءوزىڭىز تۇردىڭىز»،- دەپ جازدى سۇلتانبەكوۆ.

پروكۋراتۋرا استانا LRT ءىسى بويىنشا ماسىموۆتەن جاۋاپ الىندى ما؟ دەگەن سۇراققا ءوز جاۋابىن بەرگەن.

«سۇلتانبەكوۆتىڭ ۇقك-ءنىڭ بۇرىنعى باسشىسى ك. ماسىموۆكە قاتىستى جاريالاۋىنا قاتىستى، سوڭعىسىنىڭ ءىس بويىنشا ايىپتالۋشى بولىپ تابىلمايتىنىن، سوندىقتان ودان جاۋاپ الۋدىڭ قاجەتى جوق ەكەنىن حابارلايمىز»، – دەپ ءتۇسىندىردى پروكۋراتۋرا.

پروكۋراتۋرانىڭ قانات سۇلتانبەكوۆتىڭ ءوزى اقش-تا، ال Astana LRT كومپانياسىنىڭ بۇرىنعى باسشىسى تالعات اردان تۇركيادا دەگەن بولجام بار ەكەنىن ايتادى.

«وسىعان بايلانىستى ارداندى ەكستراديتسيالاۋ ماتەريالدارى تۇركياعا جىبەرىلدى. وندا بۇل ەلدىڭ قۇزىرلى ورگاندارى ونى انىقتاۋ جانە ۇستاۋ جۇمىستارىن جۇرگىزىپ جاتىر. سۇلتانبەكوۆكە دە ەكستراديتسيالاۋ تۋرالى سۇراۋ سالۋ جىبەرىلدى. ونى قازاقستانعا بەرۋ مۇمكىندىگى بار. اقش-تىڭ قۇزىرلى ورگاندارى قاراستىرۋدا»، – دەدى نۇر-سۇلتان قالاسىنىڭ پروكۋراتۋراسى.

ەسكە سالا كەتسەك، سۇلتانبەكوۆ پەن اردانعا قاتىستى ولاردى كۇدىكتى دەپ تانۋ تۋرالى شەشىم قابىلدانعان ەدى.

Abai.kz