«اۋىلىڭ سەنىڭ ىرگەلى...». قازاقتا وسىلاي دەپ كەلەتىن حالىق ءانى بار ەكەنىن بىلەسىز. ال، الماتى قالاسىنىڭ قاسىندا «ىرگەلى» اتتى اۋىلدىق وكرۋگ بار. اتالعان اۋىلدىق وكرۋگتىڭ اۋماعىندا «سامۇرىق-قازىنا» جىلجىمايتىن مۇلىك قورى» اق «ەليتسترويپروەكت» جشس-مەن جەكە سەرىكتەستىكتە بىرلەسە وتىرىپ «اسىل ارمان» تۇرعىن ءۇي كەشەنىن (تك) سالماق.

«اسىل ارمان» - جايلىلىعى 3-ساناتتاعى 2 376 پاتەرلى تۇرعىن ءۇي كەشەنى. جوبادا تۇرعىنداردىڭ اۆتوكولىكتەرىنە ارنالعان جالپىعا قولجەتىمدى 2 000-نان استام تۇراق ورنى كوزدەلگەن. تۇراق ورىندارى بەكىتىلگەن باس جوسپارعا سايكەس تۇرعىن ۇيلەر اراسىندا جانە قۇرىلىس سالىنبايتىن جەر ۋچاسكەلەرىندە  ورنالاسپاق. جاڭا كەشەندەگى پاتەرلەر ەنەرگيا ۇنەمدەيتىن تەحنولوگيالارمەن، لاميناتپەن، جىلى ەدەندەرمەن، بەينەباقىلاۋ جۇيەسىمەن جابدىقتالاتىن كورىنەدى.

جوبانى جۇزەگە اسىرۋ مەرزىمى - 2012-2014 جىلدار ارالىعىن قامتىماقشى. ايتۋلى جوبانىڭ جالپى قۇنى 17 ملرد. تەڭگەدەن اسادى ەكەن. بۇل قارجىعا 118 مىڭ شارشى مەتردەن اسا باسپانا سالىنادى. جوبانىڭ ءبىرىنشى كەزەگىن جۇزەگە اسىرۋ بارىسىندا جالجىمايتىن مۇلىك قورىنىڭ باس-اياعى 94 900 شارشى مەتر ءۇي-جايىن تاپسىرۋ جوسپارلانعان. ونىڭ ىشىندە 2013 جىلدىڭ IV توقسانىندا - 48 898,3 م2, 2014 جىلدىڭ IV توقسانىندا - 46 001,76 م2 تۇرعىن ءۇي سالىنىپ بىتپەك.

«اۋىلىڭ سەنىڭ ىرگەلى...». قازاقتا وسىلاي دەپ كەلەتىن حالىق ءانى بار ەكەنىن بىلەسىز. ال، الماتى قالاسىنىڭ قاسىندا «ىرگەلى» اتتى اۋىلدىق وكرۋگ بار. اتالعان اۋىلدىق وكرۋگتىڭ اۋماعىندا «سامۇرىق-قازىنا» جىلجىمايتىن مۇلىك قورى» اق «ەليتسترويپروەكت» جشس-مەن جەكە سەرىكتەستىكتە بىرلەسە وتىرىپ «اسىل ارمان» تۇرعىن ءۇي كەشەنىن (تك) سالماق.

«اسىل ارمان» - جايلىلىعى 3-ساناتتاعى 2 376 پاتەرلى تۇرعىن ءۇي كەشەنى. جوبادا تۇرعىنداردىڭ اۆتوكولىكتەرىنە ارنالعان جالپىعا قولجەتىمدى 2 000-نان استام تۇراق ورنى كوزدەلگەن. تۇراق ورىندارى بەكىتىلگەن باس جوسپارعا سايكەس تۇرعىن ۇيلەر اراسىندا جانە قۇرىلىس سالىنبايتىن جەر ۋچاسكەلەرىندە  ورنالاسپاق. جاڭا كەشەندەگى پاتەرلەر ەنەرگيا ۇنەمدەيتىن تەحنولوگيالارمەن، لاميناتپەن، جىلى ەدەندەرمەن، بەينەباقىلاۋ جۇيەسىمەن جابدىقتالاتىن كورىنەدى.

جوبانى جۇزەگە اسىرۋ مەرزىمى - 2012-2014 جىلدار ارالىعىن قامتىماقشى. ايتۋلى جوبانىڭ جالپى قۇنى 17 ملرد. تەڭگەدەن اسادى ەكەن. بۇل قارجىعا 118 مىڭ شارشى مەتردەن اسا باسپانا سالىنادى. جوبانىڭ ءبىرىنشى كەزەگىن جۇزەگە اسىرۋ بارىسىندا جالجىمايتىن مۇلىك قورىنىڭ باس-اياعى 94 900 شارشى مەتر ءۇي-جايىن تاپسىرۋ جوسپارلانعان. ونىڭ ىشىندە 2013 جىلدىڭ IV توقسانىندا - 48 898,3 م2, 2014 جىلدىڭ IV توقسانىندا - 46 001,76 م2 تۇرعىن ءۇي سالىنىپ بىتپەك.

قازىر تۇرعىن ءۇي تۋرالى ءسوز قوزعالا قالسا جۇرت «ونى كىم الادى؟»، «قالتامىز كوتەرمەيدى عوي»، - دەپ قىنجىلىپ جاتادى. راس، الماتى مەن استانانى بىلاي قويعاندا، وزگە دە وبلىس ورتالىقتارىندا، ءتىپتى شاعىن قالالاردىڭ وزىندە قازداي ءتىزىلىپ تۇرعان كوپ قاباتتى تۇرعىن ۇيلەردى كورۋگە بولادى. بىراق، سونىڭ دەنى بوس تۇر. تەرەزەسىنەن جىلت ەتكەن جارىق شىقپايدى. نەگە؟ ويتكەنى بۇل ۇيلەر جەكەلەگەن كومپانيالار سالعان ۇيلەر. باعاسى ۋداي. كومپانيالار حالىقتىڭ ساتىپ الۋ مۇمكىندىگىن ەسكەرە بەرمەيدى; قۇرىلىستى بىردەن قىمباتقا وتكىزىپ پايدا تابۋعا ۇمتىلادى. وسىدان كەيىن ۇكىمەتشارشى مەترىن حالىقتىڭ قالتاسىنا شاقتاپ بەرىپ، تۇرعىن ۇيلەردى يپوتەكالىق جۇيەمەن ساتۋدى كوزدەگەن بولاتىن. الايدا ول باعدارلاما دا ءوزىن ءوزى تولىق اقتاي المادى. قوسىمشا كىرىس كوزىن قۇپيا ۇستاعاندار بولماسا، يپوتەكانىڭ ءۇيىن الەۋمەتتىك تۇرمىسى ورتاشا بيۋدجەت قىزمەتكەرلەرىنىڭ ءبارى يەلەنە قويعان جوق. ەندى قايتپەك كەرەك؟

قالاعا قاراي جوڭكەلە كوشىپ جاتقان جۇرتتى توقتاتۋ مۇمكىن ەمەس. قالانىڭ تۇرعىلىقتى تۇرعىندارىنىڭ جان سانى دا ءوسىپ بارادى. باسپاناعا دەگەن سۇرانىس جوعارى بولعانىمەن اركىم جەكە باسىنىڭ قىجالاتىن قامتاماسىز ەتە المايدى. بۇنىڭ اقىرى جەكەلەگەن ءىرى توپتاردىڭ قولىنداعى كاپيتالدى بولىسكە سالۋدىڭ، الەۋمەتتىك تۇراقسىزدىقتىڭ سالقىنىنا سوقتىرۋى ىقتيمال. الماتىنىڭ ىرگەسىندەگى «شاڭىراق»، «دۋمان» وقيعاسى وسى سوزىمىزگە دالەل. سوندىقتان وكىمەت قايتكەندە امالىن تاۋىپ جۇرتتى باسپانامەن قامتاماسىز ەتۋگە بەل بايلاپ وتىرعان سياقتى. مىسالى، «سامۇرىق-قازىنا» جىلجىمايتىن مۇلىك قورى» مەن اق «ەليتسترويپروەكت» جشس-سەرىكتەسە، سەلبەسە سالاتىن     «اسىل ارمان» ىقشام اۋدانداعى ۇيلەر الەۋمەتتىك تۇرمىسى ورتاشا وتباسىلارعا جالعا بەرىلمەك.

-       جىلجىمايتىن مۇلىك قورى قولجەتىمدى باسپانانى ەكى جولمەن - تىكەلەي ساتۋ جانە جالعا بەرە وتىرىپ ساتۋ ارقىلى وتكىزەتىنى بەلگىلى. ءدال وسى تۇرعىدا جالدامالى باسپانانىڭ مۇمكىندىكتەرى مول ەكەنىن سەزىنەمىز. البەتتە، بۇل جەكە باسپاناسى جوق حالىقتىڭ ءال-اۋقاتىن ايتارلىقتاي جاقسارتاتىنى انىق، - دەيدى «سامۇرىق-قازىنا» جىلجىمايتىن مۇلىك قورى» اق باسقارما توراعاسى بولات پالىمبەتوۆ.

پالىمبەتوۆ مىرزانىڭ ايتۋىنا قاراعاندا، اتالعان قور اۋدانى شاعىن پاتەرلەر سالۋدى ۇيعارىپ وتىرعانعا ۇقسايدى. «ءبىز باسپانانىڭ ساپاسىنا اسەر ەتپەيتىندەي، ءاربىر شارشى مەتردى ۇتىمدى پايدالانامىز. مۇنداي شەشىم زەرتتەۋ ناتيجەسىندە تۋىندادى. ساۋالعا قاتىسقانداردىڭ باسىم بولىگى يپوتەكالىق نەسيە مەن كوممۋنالدىق قىزمەتتەر تولەمىن ازايتۋ ءۇشىن اۋدانى شاعىن پاتەر العىسى كەلەتىنىن ءبىلدىردى. ياعني ءبىزدىڭ باعدارلاما تابىسى ورتاشا ادامدارعا ارنالعان»، - دەيدى ول.

سونىمەن ءسوزدىڭ قىسقاسى، «سامۇرىق-قازىنا» جىلجىمايتىن مۇلىك قورى باس بولىپ جاپپاي جالعا بەرىلەتىن ۇيلەردى سالۋدىڭ قامىنا كىرىسكەن سىڭايلى. قۇلاققا جىلى تيەتىن مۇنداي جاعىمدى جاڭالىقتى قازاق بالاسى ەسكەرە ءجۇرسىن، ءبىر-بىرىنە ايتىپ، باسپانالى بولۋدىڭ قام-تىرلىگىن ويلاي ءجۇرسىن دەپ ءبىز وتىرمىز. وقىرمان قاۋىم قاجەت دەپ تاپسا، اۋدانى شاعىن پاتەرلەر تۋرالى بىلگىسى كەلەتىنىن سۇراسىن، ءبىز ءتيىستى تۇلعالاردان جاۋاپ الىپ بەرۋگە ۋادە ەتەمىز. ەڭ باستىسى «اسىل ارمان» باسپانا دەيتىن اسىل ارمانىمىزعا جەتكىزسە ەكەن.

«اbai.kz»