بەكتاۋ-اتا شاتقالىنا قاۋىپ ءتونىپ تۇر. ويتكەنى الماتىلىق «دانەكەر-جول» جشس 2022-2023 جىلدارى جول قۇرىلىسى ءۇشىن تاۋ سىلەمىنەن 1,5 ميلليون توننا تاس الۋعا 500 توننادان استام جارىلعىش زاتتاردى قولدانۋدى جوسپارلاعان. سونىڭ سالدارىنان اۋدانى 8 گەكتاردان اساتىن كارەر قالادى ەكەن، دەپ حابارلايدى "ادىرنا" پورتالى. 

ايتا كەتسەك، بەكتاۋ-اتا بالقاش قالاسىنان سولتۇستىككە قاراي 70 شاقىرىم جەردە، قاراعاندى وبلىسىنىڭ اقتوعاي اۋدانىندا ورنالاسقان. ال تاستى بەكتاۋ-اتا مەملەكەتتىك تابيعي زوولوگيالىق قورىعىنا جاقىن جەردە ءوندىرۋ جوسپارلانىپتى. بۇل ونىڭ ەكوجۇيەلەرىنە جانە تۋريستىك تارتىمدىلىعىنا وراسان زيان كەلتىرمەك.

وسىعان وراي، 21 اقپان كۇنى ساعات 16:00-دە قواب ماتەريالدارىمەن «قاراعاندى وبلىسى اقتوعاي اۋدانىنداعى بەكتاۋ ماگمالىق جىنىس كەن ورنىنىڭ تاۋ-كەن جۇمىستارىنىڭ جوسپارى» جوباسىن قاراۋ بويىنشا ZOOM پلاتفورماسىنداعى قوعامدىق تىڭداۋ وتكىزىلگەلى جاتىر.

Abai.kz